വേനൽക്കാലത്ത് ചൂട് കൂടുമ്പോൾ ശരീരത്തിന്റെ ആരോഗ്യവും സുരക്ഷയും ശ്രദ്ധിക്കേണ്ടത് അത്യാവശ്യമാണ്. അമിതമായ ചൂട് ശരീരത്തിലെ ജലാംശം കുറയ്ക്കുകയും ക്ഷീണം, തലചുറ്റൽ, തളർച്ച, സൂര്യാഘാതം തുടങ്ങിയ പ്രശ്നങ്ങൾക്ക് കാരണമാകുകയും ചെയ്യും. അതിനാൽ ചൂടിനെ അതിജീവിക്കാൻ ചില ശീലങ്ങൾ ജീവിതത്തിൽ ഉൾപ്പെടുത്തണം.

• വെള്ളം ധാരാളമായി കുടിക്കുക എന്നതാണ്. ദാഹം തോന്നിയ ശേഷം മാത്രം വെള്ളം കുടിക്കാതെ ഇടയ്ക്കിടെ വെള്ളം കുടിക്കണം. നാരങ്ങാവെള്ളം, മോര്, കഞ്ഞിവെള്ളം, കരിക്കിൻവെള്ളം തുടങ്ങിയവ ശരീരത്തിന് നല്ലതാണ്.
• ഉച്ചസമയത്തെ നേരിട്ടുള്ള വെയിൽ ഒഴിവാക്കണം. പ്രത്യേകിച്ച് രാവിലെ 11 മണി മുതൽ വൈകുന്നേരം 3 മണിവരെ അനാവശ്യമായി പുറത്തുപോകാതിരിക്കുക. പുറത്തുപോകേണ്ടി വന്നാൽ കുട, തൊപ്പി, സൺഗ്ലാസ് എന്നിവ ഉപയോഗിക്കുക.
• വസ്ത്രധാരണം വളരെ പ്രധാനമാണ്. കട്ടിയുള്ളതും ഇരുണ്ട നിറമുള്ളതുമായ വസ്ത്രങ്ങൾ ഒഴിവാക്കി, ഇളം നിറമുള്ളതും കോട്ടൺ പോലെയുള്ള വായു കടക്കുന്ന വസ്ത്രങ്ങളും ധരിക്കുക. ഇത് ശരീരത്തിലെ ചൂട് കുറയ്ക്കാൻ സഹായിക്കും.
• ഭക്ഷണത്തിലും ശ്രദ്ധ വേണം. എണ്ണയും മസാലയും കൂടുതലുള്ള ഭക്ഷണം കുറയ്ക്കുക. പഴങ്ങൾ, പച്ചക്കറികൾ, വെള്ളരിക്ക, തണ്ണിമത്തൻ, ഓറഞ്ച് തുടങ്ങിയ ജലാംശം കൂടുതലുള്ള ഭക്ഷണങ്ങൾ കഴിക്കുക.
• ചൂടുകാലത്ത് കുട്ടികൾ, മുതിർന്നവർ, രോഗികൾ എന്നിവരെ പ്രത്യേകമായി ശ്രദ്ധിക്കണം. ഇവർക്ക് ചൂട് കൂടുതൽ വേഗത്തിൽ ബാധിക്കാൻ സാധ്യതയുണ്ട്. തലചുറ്റൽ, അമിത വിയർപ്പ്, ശരീരം തളരുക, ഛർദ്ദി, ബോധക്ഷയം തുടങ്ങിയ ലക്ഷണങ്ങൾ കണ്ടാൽ ഉടൻ തണലുള്ള സ്ഥലത്തേക്ക് മാറ്റി വൈദ്യസഹായം തേടണം.
• വീടും പരിസരവും തണുപ്പായി സൂക്ഷിക്കുക. ജനലുകൾ തുറന്ന് വായുസഞ്ചാരം ഉറപ്പാക്കുക. കഴിയുന്നത്ര ഫാൻ, കൂളർ, നനഞ്ഞ തുണി എന്നിവ ഉപയോഗിച്ച് ശരീരത്തെ തണുപ്പിക്കുക.
• ചായ, കാപ്പി, കോൾഡ്രിങ്ക്സ് എന്നിവ അധികമായി കഴിക്കുന്നത് ശരീരത്തിലെ ജലാംശം കുറയ്ക്കാം. അതിനാൽ ഇവയുടെ ഉപയോഗം നിയന്ത്രിക്കണം.
• വളരെ തണുത്ത വെള്ളം പെട്ടെന്ന് കുടിക്കുന്നത് ചിലപ്പോൾ അസ്വസ്ഥത ഉണ്ടാക്കാം. സാധാരണ തണുപ്പുള്ള വെള്ളം കുടിക്കുന്നത് നല്ലതാണ്.
• തണുത്ത വെള്ളത്തിൽ മുഖം, കൈ, കാലുകൾ എന്നിവ കഴുകുന്നത് ശരീരത്തിന് ആശ്വാസം നൽകും.
• കളിയിൽ മുഴുകുന്ന കുട്ടികൾ പലപ്പോഴും വെള്ളം കുടിക്കാൻ മറക്കും. മാതാപിതാക്കൾ ശ്രദ്ധിക്കണം.

ചൂടിനെ അതിജീവിക്കുക എന്നത് വെറും അസ്വസ്ഥത ഒഴിവാക്കലല്ല; അത് ആരോഗ്യസംരക്ഷണത്തിന്റെ ഭാഗമാണ്. ശരിയായ വെള്ളം, ശരിയായ ഭക്ഷണം, ശരിയായ വസ്ത്രം, ശരിയായ മുൻകരുതൽ - ഇവ പാലിച്ചാൽ വേനൽക്കാലത്തെ സുരക്ഷിതമായി നേരിടാൻ കഴിയും.

ഉറക്കത്തിനിടയിലെ പെട്ടെന്നുള്ള മരണം: കാരണങ്ങളും പ്രതിരോധവും... Read More

ഹെൽത്ത് ടിപ്സുകൾ ദിവസവും ലഭിക്കുവാൻ ഈ പോർട്ടൽ ഫോളോ ചെയ്യുക.