സെയിൽസ് എന്നത് വെറും ഉൽപ്പന്നം വിൽക്കൽ മാത്രമല്ല; മനുഷ്യരുടെ ആവശ്യങ്ങളും ഭയങ്ങളും ആഗ്രഹങ്ങളും മനസ്സിലാക്കി അവർക്കൊരു പരിഹാരം നൽകുന്ന ഒരു കലയാണ്. ഈ രംഗത്ത് സ്ഥിരതയോടെ വിജയിക്കണമെങ്കിൽ നിശ്ചയദാർഢ്യം (Determination) യും നിരന്തരമായ പരിശ്രമം (Consistent Effort) അനിവാര്യമാണ്. കഴിവുകൾ പഠിച്ചെടുക്കാം, ടെക്നിക്കുകൾ അഭ്യസിക്കാം; പക്ഷേ ശ്രമിക്കാൻ മനസില്ലെങ്കിൽ സെയിൽസിൽ മുന്നേറാൻ കഴിയില്ല.

നിശ്ചയദാർഢ്യം

സെയിൽസ്മാന്റെ ഏറ്റവും വലിയ ആയുധം.സെയിൽസ് രംഗത്ത് 'No' എന്ന മറുപടി പതിവാണ്. പത്ത് പേർ ''ഇല്ല'' എന്നു പറഞ്ഞാൽ പതിനൊന്നാമൻ ''അതെ'' എന്ന് പറയും. അത് വരെ ശ്രമിക്കാൻ തയ്യാറാകുന്ന മനസാണ് നിശ്ചയദാർഢ്യം. പരാജയം വന്നാലും കൈവിടാതെ മുന്നോട്ട് പോകുക നിരാകരണം വ്യക്തിപരമായി എടുക്കാതിരിക്കുക ഓരോ 'No'യും ഒരു പഠനാവസരമായി കാണുക ഇതാണ് വിജയിച്ച സെയിൽസ്മാന്മാരെ മറ്റുള്ളവരിൽ നിന്ന് വേർതിരിക്കുന്ന ഗുണം.

നിരന്തര പരിശ്രമം

ദിവസേന ചെയ്യുന്ന ചെറിയ കാര്യങ്ങളാണ് വലിയ വിജയം ഒരു ദിവസം വലിയ സെയിൽസ് ഉണ്ടാകാം; പക്ഷേ വിജയകരമായ കരിയർ ഉണ്ടാകുന്നത് ദിവസേന ചെയ്യുന്ന ചെറിയ ശ്രമങ്ങളിലൂടെയാണ്. ദിവസേന കുറച്ച് പുതിയ കസ്റ്റമർമാരെ സമീപിക്കുക ഓരോ മീറ്റിംഗിൽ നിന്നും എന്തെങ്കിലും പഠിക്കുക സ്വന്തം സംസാരശൈലി, സമീപനം, ബോഡി ലാംഗ്വേജ് എന്നിവ മെച്ചപ്പെടുത്തുക പഴയ കസ്റ്റമർമാരുമായി ബന്ധം നിലനിർത്തുക ഈ ചെറിയ, സ്ഥിരമായ പരിശ്രമങ്ങളാണ് വലിയ നേട്ടങ്ങളായി മാറുന്നത്.

കസ്റ്റമറുമായുള്ള ബന്ധം

ഇന്ന് സെയിൽസ് ക്ലോസ് ചെയ്ത ശേഷം കസ്റ്റമറെ മറക്കുന്നത് ദീർഘകാലത്തിൽ നഷ്ടമാണ്. വിജയകരമായ സെയിൽസ്മാൻ: വാങ്ങിയ ശേഷം കസ്റ്റമറോട് വീണ്ടും സംസാരിക്കും ഉൽപ്പന്നം എങ്ങനെ ഉപയോഗിക്കണമെന്ന് പഠിപ്പിക്കും സംശയങ്ങൾ തീർക്കും പ്രശ്നങ്ങൾ ഉണ്ടായാൽ സഹായിക്കും ഇതിലൂടെ കസ്റ്റമർ സന്തുഷ്ടനാകുന്നു, വിശ്വാസം വളരുന്നു, വീണ്ടും വീണ്ടും ബിസിനസ് ലഭിക്കുന്നു.

കഥ പറഞ്ഞ് വിൽക്കുക (Story-based Selling)

വസ്തുതകൾ മാത്രം പറഞ്ഞാൽ ബോറാകും. ഒരു ചെറുകഥ, ഒരു റിയൽ ലൈഫ് ഉദാഹരണം ചേർത്താൽ കസ്റ്റമർ കൂടുതൽ കണക്ട് ചെയ്യും.

വിശ്വാസം ആദ്യം, സെയിൽസ് പിന്നെ

അമിതമായി പ്രഷർ ചെലുത്തരുത് കള്ള വാഗ്ദാനങ്ങൾ ഒഴിവാക്കുക യഥാർത്ഥ ഗുണങ്ങൾ മാത്രം പറയുക വിശ്വാസം നേടിയാൽ ക്ലോസ് സ്വാഭാവികമായി നടക്കും.

MANT ഫോർമുല ഉപയോഗിച്ച് ശരിയായ കസ്റ്റമറെ തിരിച്ചറിയാം... Read More

ആത്മവിശ്വാസം അഭിനയിക്കരുത്, നിർമ്മിക്കുക

ഉൽപ്പന്നത്തെക്കുറിച്ച് പൂർണ്ണ അറിവ് നേടുക മത്സരക്കാരെക്കുറിച്ച് അറിയുക അറിവുണ്ടെങ്കിൽ ആത്മവിശ്വാസം സ്വാഭാവികമായി വരും.

പഴയ കസ്റ്റമർമാരാണ് പുതിയ സെയിൽസിന്റെ ഉറവിടം

റഫറൽ ചോദിക്കുക ടെസ്റ്റിമോണിയൽ ശേഖരിക്കുക സന്തുഷ്ടനായ കസ്റ്റമർ എന്ന് പറഞ്ഞാൽ സൗജന്യ മാർക്കറ്റിംഗ്.

സെയിൽസ് രംഗത്തെ വിജയം ഭാഗ്യം കൊണ്ടല്ല; നിശ്ചയദാർഢ്യവും നിരന്തര പരിശ്രമവും ശരിയായ മനോഭാവവുമാണ് അതിന്റെ അടിസ്ഥാനം. ''ഇന്ന് തന്നെ സെയിൽസ് ക്ലോസ് ചെയ്യുക, നാളെ അവരെ പഠിപ്പിക്കാം'' എന്ന മനോഭാവം അവസരങ്ങൾ നഷ്ടപ്പെടുത്താതെയും കസ്റ്റമറുമായുള്ള ദീർഘകാല ബന്ധം നിലനിർത്തിയും നമ്മെ വിജയത്തിലേക്ക് നയിക്കുന്നു.

സെയിൽസിനെക്കുറിച്ചുള്ള ടിപ്പുകൾ ദിവസവും ലഭിക്കുവാൻ ഈ പോർട്ടൽ ഫോളോ ചെയ്യുക