മുഖകാന്തി വർദ്ധിപ്പിക്കാൻ നമ്മൾ പല വഴികളും പരീക്ഷിക്കാറുണ്ട്. പക്ഷേ അതിൽനിന്നും അല്പം വ്യത്യസ്തമായി, ഐസ് ഉപയോഗിച്ച് മുഖചർമ്മം എങ്ങനെ കൂടുതൽ ഫ്രെഷും തിളക്കമുള്ളതുമാക്കാം എന്നതാണ് താഴെ പറയുന്നത്.

• മുഖത്തിന് സ്വാഭാവിക തിളക്കം ലഭിക്കാൻ സഹായിക്കും ഐസ് ഉപയോഗിച്ച് മുഖം മസാജ് ചെയ്യുമ്പോൾ രക്തക്കുഴലുകൾ കുറച്ചു സമയം ചുരുങ്ങുന്നു. തുടർന്ന് ശരീരം രക്തയോട്ടം വർദ്ധിപ്പിക്കാൻ ശ്രമിക്കുന്നതിനാൽ മുഖത്ത് രക്തചംക്രമണം മെച്ചപ്പെടുന്നു. ഇതിന്റെ ഫലമായി മുഖം ഫ്രെഷ് ലുക്കും ആരോഗ്യകരമായ തിളക്കവും നേടാൻ സഹായിക്കും.
• ഐസ് ക്യൂബ് തുണിയിൽ പൊതിഞ്ഞ് കണ്ണിനു ചുറ്റും പതുകെ തടവാം. ഐസ് നേരിട്ട് കണ്ണിന്റെ അതിസൂക്ഷ്മ ചർമ്മത്തിൽ വയ്ക്കരുത്. ഐസ്ക്യൂബിന് പകരം വെള്ളരിക്ക നീർ ഫ്രിഡ്ജിൽ തണുപ്പിച്ച് ഉപയോഗിക്കുന്നതും നല്ലതാണ്.
• പാൽ ഐസ് ക്യൂബാക്കി ഉപയോഗിക്കുന്നത് ചിലർക്കു ലഘുവായ എക്സ്ഫോളിയേറ്ററിന്റെ ഗുണം നൽകാം. പാലിലുള്ള ലാക്ടിക് ആസിഡ് മൃതകോശങ്ങൾ നീക്കം ചെയ്യാൻ സഹായിക്കുന്നതിനാൽ ചർമ്മം മൃദുവായി തോന്നാം.
• ഐസ് മുഖത്ത് തുടയ്ക്കുമ്പോൾ സുഷിരങ്ങൾ (pores) കുറച്ചു സമയം ചുരുങ്ങുന്നതുപോലെ തോന്നാം. ഇത് ഒയിലിനസ് കുറച്ച് 'മാറ്റ് ലുക്ക്' ലഭിക്കാൻ സഹായിക്കാം.
• മുഖം ഫ്രെഷ് ആക്കും ചൂട്/അലസത തോന്നുന്ന സമയങ്ങളിൽ ഐസ് ഉപയോഗിക്കുന്നത് മുഖത്തിന് ഫ്രെഷ് ഫീൽ നൽകും.
• കുറച്ച് നാരങ്ങാനീർ ചേർത്ത ഐസ് ഉപയോഗിക്കാമെന്ന് ചിലർ പറയുന്നു. പക്ഷേ നാരങ്ങയിൽ ഉള്ള ആസിഡ് ചിലർക്കു ചർമ്മം ചൊറിച്ചിൽ, ചുവപ്പ്, എന്നിവ ഉണ്ടാക്കാം. ആദ്യമായി പരീക്ഷിക്കുമ്പോൾ പാച്ച് ടെസ്റ്റ് ചെയ്യുക (കൈമുട്ടിന് സമീപം ചെറിയ ഭാഗത്ത്). ചർമ്മം സെൻസിറ്റീവ് ആണെങ്കിൽ നാരങ്ങ ഒഴിവാക്കുന്നതാണ് സുരക്ഷിതം.

സുരക്ഷിതമായി ചെയ്യാനുള്ള ശരിയായ വഴി

• ഐസ് നേരിട്ട് മുഖത്ത് ദീർഘസമയം വയ്ക്കരുത്; ഒരു തുണിയിൽ പൊതിഞ്ഞോ, വളരെ വേഗത്തിൽ മൃദുവായി തടവിയോ ചെയ്യുക.
• ഒരിക്കൽ 30-60 സെക്കൻഡ് മതി; അധികം സമയം വേണ്ട.

ഹെൽത്ത് ടിപ്സുകൾ ദിവസവും ലഭിക്കുവാൻ ഈ പോർട്ടൽ ഫോളോ ചെയ്യുക.

ഭക്ഷണം തൊണ്ടയിൽ കുടുങ്ങിയാൽ എന്ത് ചെയ്യണം? അപകടം എങ്ങനെ തരണം ചെയ്യാം?... Read More