ഇതുവരെ നമ്മൾ കണ്ടത് ഒരു ബ്രാൻഡ് ബിസിനസിൽ ഉണ്ടാക്കുന്ന പ്രധാനപ്പെട്ട ചില മാറ്റങ്ങളാണ്. വിശ്വാസം വർധിപ്പിക്കുന്നു. വില നിശ്ചയിക്കാനുള്ള ശക്തി നൽകുന്നു. കഴിവുള്ള ജീവനക്കാരെ ആകർഷിക്കാൻ സഹായിക്കുന്നു. നിക്ഷേപകരെയും നല്ല പങ്കാളികളെയും ശ്രദ്ധിപ്പിക്കുന്നു. മാർക്കറ്റിംഗ് കൂടുതൽ ഫലപ്രദമാക്കുന്നു. മത്സരത്തെ നേരിടാനുള്ള കരുത്ത് നൽകുന്നു. ആൾക്കൂട്ടത്തിൽ നിന്ന് നിങ്ങളെ തിരിച്ചറിയാൻ സഹായിക്കുന്നു. വന്ന കസ്റ്റമറെ വീണ്ടും വരുത്താനും കൂടുതൽ വാങ്ങിക്കാനും മറ്റുള്ളവരോട് ശുപാർശ ചെയ്യിക്കാനും സഹായിക്കുന്നു. പുതിയ സ്ഥലങ്ങളിലേക്ക് ബിസിനസ് വ്യാപിപ്പിക്കാനും ശക്തി നൽകുന്നു.

പക്ഷേ ബ്രാൻഡിന്റെ നേട്ടങ്ങൾ ഇതോടെ അവസാനിക്കുന്നില്ല. ഒരു നല്ല ബ്രാൻഡ് വളരുമ്പോൾ ഒരു ബിസിനസിന്റെ പല ഭാഗങ്ങളിലും അതിന്റെ സ്വാധീനം കാണാൻ തുടങ്ങും.

നല്ല ഉപഭോക്താക്കളെ ആകർഷിക്കാൻ സഹായിക്കുന്നു

എല്ലാ ഉപഭോക്താക്കളും ഒരുപോലെയല്ല. ചിലർ വില മാത്രം നോക്കും. ചിലർ ഗുണനിലവാരം നോക്കും. ചിലർ സേവനം നോക്കും. ചിലർ വിശ്വാസത്തിനും അനുഭവത്തിനും കൂടുതൽ പ്രാധാന്യം നൽകും. ഒരു ശക്തമായ ബ്രാൻഡ് വളരുമ്പോൾ വിലക്കുറവ് മാത്രം അന്വേഷിക്കുന്ന ഉപഭോക്താക്കളിൽ നിന്ന്, മൂല്യവും ഗുണനിലവാരവും അന്വേഷിക്കുന്ന ഉപഭോക്താക്കളെ കൂടുതൽ ആകർഷിക്കാൻ കഴിയും. ഇത്തരം ഉപഭോക്താക്കൾ നിങ്ങളുടെ ബിസിനസിന് ദീർഘകാലത്ത് കൂടുതൽ മൂല്യമുള്ളവരായിരിക്കും.

ലോക്കൽ മാർക്കറ്റിൽ എങ്ങനെ ഒരു മൈക്രോ ബ്രാൻഡ് ബിൽഡ് ചെയ്യാം? (ബ്രാൻഡ് ബിൽഡിംഗ് ലേഖന പരമ്പര ഒന്നാം ഭാഗം)... Read More

പുതിയ ഉൽപ്പന്നം അവതരിപ്പിക്കുന്നത് എളുപ്പമാകും

ആളുകൾ നിങ്ങളുടെ ബ്രാൻഡിനെ വിശ്വസിച്ചുകഴിഞ്ഞാൽ പുതിയൊരു ഉൽപ്പന്നം അവതരിപ്പിക്കുമ്പോൾ നിങ്ങൾ വീണ്ടും പൂജ്യത്തിൽ നിന്ന് തുടങ്ങേണ്ടി വരില്ല. ഒരു bakery-യുടെ cake ആളുകൾ വിശ്വസിക്കുന്നുണ്ടെങ്കിൽ, പിന്നീട് അവർ അവതരിപ്പിക്കുന്ന മറ്റൊരു food product പരീക്ഷിക്കാൻ customer കൂടുതൽ തയ്യാറാകാം.

ഒരു വസ്ത്രബ്രാൻഡിനെ വിശ്വസിക്കുന്ന customer അതിന്റെ പുതിയ collection-നെയും ശ്രദ്ധിക്കും. കാരണം പുതിയ product വരുമ്പോഴും customer-ന്റെ മനസ്സിൽ പഴയൊരു വിശ്വാസം ഇതിനകം ഉണ്ടായിരിക്കും. അതുകൊണ്ട് ഒരു നല്ല Brand പുതിയ ഉൽപ്പന്നങ്ങൾക്ക് വാതിൽ തുറക്കുന്ന വിശ്വാസമായി മാറുന്നു.

വിതരണക്കാരുമായുള്ള ബന്ധം മെച്ചപ്പെടാം

ഒരു ബിസിനസ് വിശ്വാസ്യതയുള്ള ബ്രാൻഡായി വളരുമ്പോൾ suppliers-നും distributors-നും ആ സ്ഥാപനവുമായി ബന്ധപ്പെടാൻ കൂടുതൽ താൽപര്യം ഉണ്ടാകാം. സ്ഥിരമായ business ഉള്ളതും വിപണിയിൽ നല്ല പേരുള്ളതുമായ സ്ഥാപനത്തിന് മികച്ച supply, priority service, ചിലപ്പോൾ കൂടുതൽ സൗകര്യപ്രദമായ വ്യാപാര വ്യവസ്ഥകൾ എന്നിവ ലഭിക്കാനുള്ള സാധ്യതയും വർധിക്കും.

ഇവിടെയും ബ്രാൻഡ് ഒരു കാര്യമാണ് പറയുന്നത്: ''ഈ സ്ഥാപനത്തിന് സ്ഥിരതയുണ്ട്.''

ബ്രാൻഡായാൽ എന്ത് മാറും? അറിയപ്പെടുന്നതിൽ നിന്ന് വിശ്വസിക്കപ്പെടുന്നതിലേക്കുള്ള യാത്ര... Read More

നിങ്ങളുടെ ചർച്ചാശക്തി വർധിക്കും

ഒരു നല്ല brand-ന് customer-നോടു മാത്രമല്ല, business ecosystem-ലും ശക്തി ലഭിക്കുന്നു. Supplier. Distributor. Landlord. Business partner. Collaborator. ഇവരുമായി ചർച്ച ചെയ്യുമ്പോൾ വിപണിയിൽ നിങ്ങൾക്കുള്ള പേരും സ്വാധീനവും ഒരു അധിക ശക്തിയായി മാറാം. പേരുള്ള ഒരാളോടൊപ്പം പ്രവർത്തിക്കുമ്പോൾ തങ്ങൾക്കും ഗുണമുണ്ടാകുമെന്ന് മറ്റുള്ളവർ കാണാൻ തുടങ്ങും.

മറ്റു സ്ഥാപനങ്ങൾ നിങ്ങളോടൊപ്പം പ്രവർത്തിക്കാൻ ആഗ്രഹിക്കും

Brand ശക്തമാകുമ്പോൾ പുതിയ അവസരങ്ങൾ തുറക്കാം. മറ്റൊരു സ്ഥാപനവുമായി ചേർന്ന് പരിപാടി നടത്താം. ഒരു product collaboration ഉണ്ടാകാം. Influencer അല്ലെങ്കിൽ content creator നിങ്ങളോടൊപ്പം പ്രവർത്തിക്കാൻ ആഗ്രഹിക്കാം. ഒരു വലിയ സ്ഥാപനം നിങ്ങളെ വിതരണ പങ്കാളിയായി പരിഗണിക്കാം.

ഒരു വിദ്യാഭ്യാസസ്ഥാപനം, സംഘടന, business network എന്നിവ നിങ്ങളെ പരിപാടികളിലേക്ക് ക്ഷണിക്കാം. ഇതൊക്കെ marketing മാത്രം കൊണ്ടല്ല വരുന്നത്. നിങ്ങളുടെ പേരിന് ഉണ്ടായിരിക്കുന്ന വില കൊണ്ടാണ്.

വില കുറയ്ക്കാതെ വിൽക്കാൻ കഴിയുമോ? Pricing Power നേടാനുള്ള വഴി... Read More

മാധ്യമശ്രദ്ധ ലഭിക്കാൻ സാധ്യത വർധിക്കും

ഒരു പ്രദേശത്ത് ശ്രദ്ധേയമായ ഒരു Brand വളർന്നാൽ മാധ്യമങ്ങളും അതിനെ ശ്രദ്ധിക്കാൻ തുടങ്ങാം. ഒരു പുതിയ ആശയം അവതരിപ്പിച്ചതിനോ, പ്രത്യേക സേവനം നൽകിയതിനോ, നാട്ടിൽ ശ്രദ്ധേയമായ വളർച്ച നേടിയതിനോ, ഒരു വ്യത്യസ്ത business model നിർമ്മിച്ചതിനോ നിങ്ങളെക്കുറിച്ച് വാർത്ത വരാം. Interview ലഭിക്കാം. Podcast-ലേക്ക് ക്ഷണം ലഭിക്കാം. Business story പ്രസിദ്ധീകരിക്കാം. ഇവയെല്ലാം വീണ്ടും നിങ്ങളുടെ Brand-നെ കൂടുതൽ ശക്തമാക്കും.

ബിസിനസ് ഉടമയുടെ വ്യക്തിപരമായ വിശ്വാസ്യതയും ഉയരും

ഒരു സ്ഥാപനം വളരുമ്പോൾ അതിന്റെ പിന്നിലെ വ്യക്തിയെയും ആളുകൾ ശ്രദ്ധിക്കാൻ തുടങ്ങും. ''ഈ സ്ഥാപനം നിർമ്മിച്ച ആളാണ്.'' എന്നൊരു തിരിച്ചറിയൽ ഉടമയ്ക്ക് ലഭിക്കും. അപ്പോൾ business brand ഉടമയുടെ വ്യക്തിപരമായ വിശ്വാസ്യതയെയും ഉയർത്താം. ആളുകൾ അദ്ദേഹത്തിന്റെ അഭിപ്രായം കേൾക്കും. പരിപാടികളിലേക്ക് ക്ഷണിക്കും. മറ്റു ബിസിനസുകാർ ഉപദേശം ചോദിക്കാം.

ഇങ്ങനെ ഒരു Brand സ്ഥാപനത്തിന്റെ മാത്രമല്ല, അതിനെ നയിക്കുന്ന വ്യക്തിയുടെ Authority-യും വർധിപ്പിക്കാൻ സഹായിക്കും.

കസ്റ്റമേഴ്‌സിനെ മാത്രമല്ല, നല്ല ജീവനക്കാരെയും ആകർഷിക്കണം; ബ്രാൻഡ് ബിൽഡിംഗിന്റെ ശക്തി... Read More

പ്രതിസന്ധികളെ നേരിടാനുള്ള കരുത്ത് കൂടും

ഒരു business-ൽ എല്ലായ്പ്പോഴും നല്ല ദിവസങ്ങൾ മാത്രമല്ല. ഒരു product-ൽ തെറ്റ് വരാം. Service വൈകാം. Market down ആകാം. ഒരു crisis ഉണ്ടാകാം. ഇത്തരം സമയങ്ങളിൽ വർഷങ്ങളായി customer-ന്റെ വിശ്വാസം നേടിയ Brand-ന് ഒരു വലിയ മുൻതൂക്കം ഉണ്ടാകും.

Customer ഉടനെ നിങ്ങളെ ഉപേക്ഷിക്കണമെന്നില്ല. ''ഇവർ സാധാരണയായി നല്ലതാണ്; എന്താണ് സംഭവിച്ചതെന്ന് നോക്കാം'' എന്നൊരു അവസരം നൽകാം. അതുകൊണ്ട് Brand പ്രതിസന്ധി ഒരിക്കലും വരില്ലെന്ന് ഉറപ്പുനൽകുന്നില്ല. പക്ഷേ പ്രതിസന്ധിയിൽ നിന്ന് തിരിച്ചുവരാനുള്ള വിശ്വാസത്തിന്റെ അടിത്തറ നൽകാൻ കഴിയും.

ബിസിനസിന്റെ മൊത്തം മൂല്യം വർധിപ്പിക്കുന്നു

ഒരു ബിസിനസിന്റെ മൂല്യം അതിലുള്ള കെട്ടിടം, യന്ത്രം, stock, furniture എന്നിവയുടെ വില മാത്രം അല്ല. Customer base. Market reputation. Repeat business. Systems. Team. Brand name. ഇവയും വലിയ ആസ്തികളാണ്. രണ്ട് സ്ഥാപനങ്ങൾക്ക് ഒരേ യന്ത്രങ്ങളും ഒരേ stock-ഉം ഉണ്ടായിരിക്കാം.

പക്ഷേ ഒന്നിന് വിപണിയിൽ ശക്തമായൊരു Brand ഉണ്ടെങ്കിൽ, രണ്ടിന്റെയും business value ഒരുപോലെയായിരിക്കണമെന്നില്ല. അതുകൊണ്ട് Brand ഒരു ചെലവല്ല. ശരിയായി നിർമ്മിച്ചാൽ ഭാവിയിൽ മൂല്യം നൽകുന്ന ഒരു അദൃശ്യ ആസ്തിയാണ്.

പണം തേടി നടക്കേണ്ട; നിക്ഷേപം ആകർഷിക്കുന്ന Brand എങ്ങനെ നിർമ്മിക്കാം?... Read More

Franchise-നും വലിയ വളർച്ചയ്ക്കും വഴിയൊരുക്കുന്നു

Franchise എന്നത് ഒരു കടയുടെ പേര് മറ്റൊരിടത്ത് എഴുതിവയ്ക്കുന്നതല്ല. ആളുകൾക്ക് ഇതിനകം അറിയാവുന്ന ഒരു പേര്, തെളിയിച്ച സംവിധാനം, ഉപഭോക്തൃവിശ്വാസം, പ്രവർത്തനരീതി എന്നിവ മറ്റൊരിടത്ത് ആവർത്തിക്കുന്നതാണ്. അതിനാൽ ശക്തമായ Brand ഇല്ലാതെ Franchise വളർത്തുന്നത് ബുദ്ധിമുട്ടായേക്കാം.

ഒരു Brand-ന്റെ പേര് കേട്ടാൽ customer-ന് എന്ത് പ്രതീക്ഷിക്കണമെന്ന് അറിയുന്ന അവസ്ഥ വരുമ്പോഴാണ് അതിനെ പല സ്ഥലങ്ങളിലേക്കും വ്യാപിപ്പിക്കാൻ കൂടുതൽ സാധ്യത ഉണ്ടാകുന്നത്.

ജീവനക്കാർക്ക് അഭിമാനം സൃഷ്ടിക്കുന്നു

ഒരു നല്ല സ്ഥാപനത്തിൽ ജോലി ചെയ്യുന്നത് ശമ്പളത്തിന്റെ കാര്യം മാത്രം അല്ല. ''ഞാൻ ഈ സ്ഥാപനത്തിലാണ് ജോലി ചെയ്യുന്നത്'' എന്ന് അഭിമാനത്തോടെ പറയാൻ കഴിയുന്നതും പ്രധാനമാണ്. Brand ശക്തമാകുമ്പോൾ ജീവനക്കാരുടെ ഉള്ളിലും ഒരു ownership feeling രൂപപ്പെടാം. ''ഇത് എന്റെ സ്ഥാപനമാണ്.'' ''നമ്മുടെ പേര് മോശമാകരുത്.'' എന്ന മനോഭാവം വളർന്നാൽ അത് customer service മുതൽ quality വരെ പല കാര്യങ്ങളിലും നല്ല സ്വാധീനം ഉണ്ടാക്കും.

ബ്രാൻഡ് ശക്തമാകുമ്പോൾ Marketing ചെലവ് കുറയുമോ? അറിയേണ്ട സത്യം... Read More

തീരുമാനങ്ങൾ എടുക്കാൻ വ്യക്തത നൽകുന്നു

ഒരു Brand എന്തിനാണ് നിൽക്കുന്നത് എന്ന് വ്യക്തമായാൽ business decisions എടുക്കുന്നതും എളുപ്പമാകും. ഏത് product അവതരിപ്പിക്കണം? ഏത് customer-നെ target ചെയ്യണം? എങ്ങനെ communicate ചെയ്യണം? ഏത് തരത്തിലുള്ള staff വേണം? എന്ത് experience നൽകണം? എന്ത് കാര്യത്തിന് ''ഇല്ല'' പറയണം?

Brand-ന്റെ വ്യക്തിത്വം വ്യക്തമായാൽ ഈ ചോദ്യങ്ങൾക്കുള്ള ഉത്തരങ്ങളും കൂടുതൽ വ്യക്തമായിത്തുടങ്ങും. അതിനാൽ Brand പുറത്തേക്ക് കാണിക്കുന്ന image മാത്രം അല്ല. അകത്തുള്ള business decisions-നും direction നൽകുന്ന compass കൂടിയാണ്.

അടുത്ത തലമുറയ്ക്ക് കൈമാറാവുന്ന ഒരു സമ്പത്ത്

പല ചെറിയ ബിസിനസുകളും ഉടമയെ ആശ്രയിച്ചാണ് നിലനിൽക്കുന്നത്. ഉടമ ഇല്ലെങ്കിൽ business ഇല്ല. പക്ഷേ Brand ശക്തമാകുമ്പോൾ സ്ഥാപനം ഉടമയെക്കാൾ വലിയതാകാൻ തുടങ്ങും. അവന്റെ പേരിനേക്കാൾ കമ്പനിയുടെ പേര് നിലനിൽക്കും. Systems ഉണ്ടാകും. Customers ഉണ്ടാകും. Team ഉണ്ടാകും. Reputation ഉണ്ടാകും.

അപ്പോൾ അത് അടുത്ത തലമുറയ്ക്ക് കൈമാറാവുന്ന ഒരു യഥാർത്ഥ business asset ആയി മാറും. ഒരു കട മക്കൾക്ക് കൈമാറുന്നതിനേക്കാൾ വിലപ്പെട്ടത്, ആളുകൾ വിശ്വസിക്കുന്ന ഒരു പേര് അവർക്കു കൈമാറുന്നതാണ്.

കസ്റ്റമറെ കൊണ്ടുവരുന്നത് Marketing; വീണ്ടും വീണ്ടും വരുത്തുന്നത് Brand... Read More

ദീർഘകാല ലാഭക്ഷമത ശക്തമാക്കുന്നു

Brand-ന്റെ എല്ലാ ഗുണങ്ങളും ഒടുവിൽ ഒരു സ്ഥലത്ത് കൂടിച്ചേരുന്നു. കൂടുതൽ വിശ്വാസം. വില നിശ്ചയിക്കാനുള്ള കൂടുതൽ സ്വാതന്ത്ര്യം. Repeat customers. Referrals. കൂടുതൽ ഫലപ്രദമായ Marketing. മികച്ച staff. കുറഞ്ഞ price competition. Expansion opportunities. New products. ഇവയെല്ലാം ചേർന്നാൽ ദീർഘകാലത്ത് business-ന്റെ ലാഭക്ഷമതയും സ്ഥിരതയും മെച്ചപ്പെടാൻ സഹായിക്കും.

അതുകൊണ്ട് Branding എന്നത് ഒരു logo ഉണ്ടാക്കുന്ന പ്രവർത്തനമോ social media page ഭംഗിയാക്കുന്ന പ്രവർത്തനമോ മാത്രമല്ല. നിങ്ങളുടെ ബിസിനസിന്റെ ഭാവിമൂല്യം നിർമ്മിക്കുന്ന പ്രവർത്തനമാണ്.

ഇനി ചോദ്യം മാറണം

ഇത്രയും കാര്യങ്ങൾ മനസ്സിലാക്കിയശേഷം ഇനി ചോദിക്കേണ്ട ചോദ്യം: ''എനിക്ക് Brand ആവേണ്ടതുണ്ടോ?'' എന്നതല്ല. പകരം ചോദിക്കേണ്ടത്: ''എന്റെ Business എങ്ങനെ ഒരു Brand ആയി മാറും?'' അതിലും പ്രധാനമായി, ''എന്റെ നാട്ടിൽ ആളുകൾ അറിയുകയും വിശ്വസിക്കുകയും തിരഞ്ഞെടുക്കുകയും ചെയ്യുന്ന ഒരു Micro Brand ആയി ഞാൻ എങ്ങനെ മാറും?''

ഈ ലേഖനത്തിന്റെ യഥാർത്ഥ യാത്ര ഇനി അവിടെ നിന്നാണ് തുടങ്ങുന്നത്. വലിയ Brand ആകുന്നതിന് മുമ്പ് വലിയ ലോകത്തെ കീഴടക്കേണ്ടതില്ല. ആദ്യം നിങ്ങളുടെ ചെറിയ ലോകത്തെ കീഴടക്കുക. നിങ്ങളുടെ പ്രദേശത്ത് പേര് നേടുക. വിശ്വാസം നേടുക. ഒരു സ്ഥാനം നേടുക. ആദ്യം ഒരു Micro Brand ആകുക. ആദ്യം നിങ്ങളുടെ നാട്ടിലെ Hero ആകുക. അവിടെ നിന്നാണ് വലിയ Brand-ലേക്കുള്ള യാത്ര ആരംഭിക്കുന്നത്.

ബ്രാൻഡ് ശക്തമായാൽ Business Expansion എളുപ്പമാകുന്നത് എങ്ങനെ?... Read More

ചെറുകിട സംരംഭകർക്കും സംരംഭം ആരംഭിക്കാൻ ഉദ്ദേശിക്കുന്നവർക്കുമുള്ള ടിപ്പുകൾ നിരന്തരം ലഭിക്കുവാൻ വേണ്ടി ഞങ്ങളെ ഫോളോ ചെയ്യുക.