ഒരു ബിസിനസുകാരൻ എത്ര കഴിവുള്ള ആളായാലും, എല്ലാം ഒറ്റയ്ക്ക് ചെയ്യാൻ കഴിയില്ല. അവന് എല്ലാ ജോലിയും ചെയ്യാൻ കഴിയില്ല. എല്ലാ പണവും സ്വന്തം കൈയിൽ നിന്ന് നിക്ഷേപിക്കാൻ കഴിയില്ല. എല്ലാ ആശയങ്ങളും സ്വന്തമായി കണ്ടെത്താൻ കഴിയില്ല. എല്ലാ തീരുമാനങ്ങളും, എല്ലാ പ്രവർത്തനങ്ങളും, എല്ലാ ഉപഭോക്താക്കളെയും, എല്ലാ സംവിധാനങ്ങളെയും ഒറ്റയ്ക്ക് കൈകാര്യം ചെയ്യാനും കഴിയില്ല. ഒരു ഘട്ടം കഴിഞ്ഞാൽ ബിസിനസ് വളരണമെങ്കിൽ മറ്റുള്ളവരുടെ സഹായം ആവശ്യമാണ്.

ഇവിടെ ഞാൻ ബിസിനസിന്റെ വളർച്ചയെ മനസ്സിലാക്കാൻ സഹായിക്കുന്ന മൂന്ന് കാര്യങ്ങൾ പറയാറുണ്ട്:

Other People's Money.
Other People's Effort.
Other People's Time.

അഥവാ,

മറ്റുള്ളവരുടെ പണം, മറ്റുള്ളവരുടെ പരിശ്രമം, മറ്റുള്ളവരുടെ സമയം. ഈ മൂന്ന് വിഭവങ്ങളും ശരിയായ രീതിയിൽ ഒരുമിപ്പിക്കാൻ കഴിയുമ്പോഴാണ് ഒരു ബിസിനസ് ഉടമയുടെ വ്യക്തിപരമായ പരിധികളെ മറികടന്ന് വലിയ സ്ഥാപനമായി വളരാൻ തുടങ്ങുന്നത്. ഒരു നല്ല ബിസിനസുകാരന്റെ ജോലി എല്ലാം സ്വയം ചെയ്യുക എന്നതല്ല. കഴിവുള്ള ആളുകളെ കണ്ടെത്തുക, അവരെ ഒരേ ലക്ഷ്യത്തിലേക്ക് കൊണ്ടുവരിക, അവരുടെ കഴിവുകൾ ഏറ്റവും മികച്ച രീതിയിൽ ഉപയോഗിക്കാൻ കഴിയുന്ന ഒരു സംവിധാനം സൃഷ്ടിക്കുക എന്നതാണ്. അതുകൊണ്ടുതന്നെ ബിസിനസിന്റെ ഏറ്റവും വലിയ ആസ്തികളിൽ ഒന്ന് അതിലെ ആളുകളാണ്.

''നല്ല സ്റ്റാഫിനെ കിട്ടുന്നില്ല''

കേരളത്തിലെ പല ബിസിനസുകാരോടും സംസാരിച്ചാൽ ആവർത്തിച്ച് കേൾക്കുന്ന ഒരു പരാതി ഇതാണ്: ''നല്ല സ്റ്റാഫിനെ കിട്ടുന്നില്ല.'' ''ആളുകൾ വരുന്നു, കുറച്ച് ദിവസം കഴിഞ്ഞ് പോകുന്നു.'' ''കഴിവുള്ളവർ നമ്മളുടെ സ്ഥാപനത്തിലേക്ക് വരാൻ താൽപര്യം കാണിക്കുന്നില്ല.'' ''നല്ലൊരു മാനേജറെ കിട്ടുന്നില്ല.'' ''ശമ്പളം കൂട്ടിക്കൊടുത്തിട്ടും നല്ല ആളുകളെ പിടിച്ചുനിർത്താൻ കഴിയുന്നില്ല.''

ഇത് വെറും recruitment പ്രശ്നമാണോ? എപ്പോഴും അങ്ങനെ ആവണമെന്നില്ല. ചിലപ്പോൾ അത് ഒരു Brand Problem കൂടിയാണ്.

ഒരു യുവാവ് ജോലി അന്വേഷിക്കുന്നതായി ചിന്തിക്കാം. അവന് രണ്ട് സ്ഥാപനങ്ങളിൽ നിന്ന് അവസരം ലഭിക്കുന്നു. ഒന്ന് അയാൾക്ക് അറിയാവുന്ന ഒരു സ്ഥാപനം. അതിന് നല്ല reputation ഉണ്ട്. അവിടെ ജോലി ചെയ്താൽ തനിക്ക് പഠിക്കാം, വളരാം, പിന്നീട് മറ്റൊരു അവസരം തേടുമ്പോൾ ആ സ്ഥാപനത്തിന്റെ പേര് തന്റെ career-ന് value നൽകും എന്ന് അയാൾ വിശ്വസിക്കുന്നു.

മറ്റൊന്ന് അയാൾ ഇതുവരെ കേട്ടിട്ടില്ലാത്ത ഒരു സ്ഥാപനമാണ്. അവിടെ എന്താണ് culture എന്ന് അറിയില്ല. ജോലിക്ക് സ്ഥിരതയുണ്ടോ എന്നറിയില്ല. തനിക്ക് വളരാൻ സാധിക്കുമോ എന്നറിയില്ല. ഉടമ എങ്ങനെയാണ് ജീവനക്കാരോട് പെരുമാറുന്നത് എന്നറിയില്ല. ഇരുവരും ഏകദേശം ഒരേ ശമ്പളം നൽകിയാൽ, അയാൾ ഏത് സ്ഥാപനത്തെയാണ് തിരഞ്ഞെടുക്കാനുള്ള സാധ്യത കൂടുതലുള്ളത്? പലപ്പോഴും അയാൾക്ക് വിശ്വാസമുള്ള പേരിനെയാണ് തിരഞ്ഞെടുക്കാൻ തോന്നുക. ഇതാണ് Employer Brand എന്ന ആശയത്തിന്റെ തുടക്കം.

അറിവിൽ നിന്ന് പ്രവർത്തനത്തിലേക്ക്: ബിസിനസ് വളർത്താൻ ഇനി എന്ത് ചെയ്യണം?... Read More

ജോലി മാത്രം അല്ല, പേരും ആളുകൾ തിരഞ്ഞെടുക്കുന്നു

Infosys, TCS, Tata, Google പോലുള്ള സ്ഥാപനങ്ങളിൽ ജോലി ലഭിക്കുന്നത് പല യുവാക്കളും അഭിമാനത്തോടെ പറയുന്നതെന്തുകൊണ്ടാണ്? അവർ അവിടെ നിന്ന് വെറും ശമ്പളം മാത്രം കാണുന്നില്ല. ആ സ്ഥാപനത്തിന്റെ പേര് തങ്ങളുടെ career-ന്റെ ഭാഗമാകുന്നതും അവർ കാണുന്നു. ''ഞാൻ അവിടെ ജോലി ചെയ്യുന്നു'' എന്ന് പറയുമ്പോൾ കിട്ടുന്ന ഒരു അംഗീകാരമുണ്ട്. അവിടെ നിന്ന് ലഭിക്കുന്ന training, exposure, career opportunity, professional environment തുടങ്ങിയവയെക്കുറിച്ച് ഒരു പ്രതീക്ഷയുണ്ട്. അതാണ് ബ്രാൻഡിന്റെ മറ്റൊരു ശക്തി. ഒരു ശക്തമായ ബ്രാൻഡ് customers-നെ മാത്രം ആകർഷിക്കുന്നില്ല; talent-നെയും ആകർഷിക്കുന്നു.

ഇനി നമ്മുടെ നാട്ടിലെ ഒരു ചെറിയ ബിസിനസ് നോക്കാം. ഒരു bakery ഉടമയ്ക്ക് മികച്ച cake designer വേണം. ഒരു restaurant-ന് നല്ല chef വേണം. ഒരു saree business-ന് നല്ല sales executive വേണം. ഒരു service company-ക്ക് നല്ല manager വേണം. നിങ്ങളുടെ സ്ഥാപനത്തിന്റെ പേര് ആ പ്രദേശത്ത് ബഹുമാനത്തോടെ പറയപ്പെടുന്ന ഒന്നാണെങ്കിൽ, അവിടേക്ക് നല്ല ആളുകളെ ആകർഷിക്കുന്നത് താരതമ്യേന എളുപ്പമാകും. പക്ഷേ സ്ഥാപനത്തിന് നല്ല reputation ഇല്ലെങ്കിൽ, ശമ്പളം മാത്രം കൂട്ടി കഴിവുള്ള ആളുകളെ ദീർഘകാലം പിടിച്ചുനിർത്താൻ ബുദ്ധിമുട്ടാകും.

ശമ്പളം മാത്രം പോരാ

ഇവിടെ ഒരു തെറ്റിദ്ധാരണ ഒഴിവാക്കണം. ബ്രാൻഡ് ഉണ്ടെങ്കിൽ കുറഞ്ഞ ശമ്പളത്തിൽ എല്ലാവരും ജോലി ചെയ്യും എന്നല്ല. നല്ല ജീവനക്കാർക്ക് നീതിയുള്ള ശമ്പളവും നല്ല ജോലി സാഹചര്യവും ബഹുമാനവും വളർച്ചയ്ക്കുള്ള അവസരവും ആവശ്യമാണ്. പക്ഷേ അതോടൊപ്പം അവർ മറ്റൊരു കാര്യം കൂടി നോക്കുന്നു: ''ഞാൻ ഏത് സ്ഥാപനത്തിന്റെ ഭാഗമാണ്?'' ഈ ചോദ്യം വളരെ പ്രധാനമാണ്. ഒരു ജീവനക്കാരന് തന്റെ സ്ഥാപനത്തിന്റെ പേര് അഭിമാനത്തോടെ പറയാൻ കഴിയണം. തന്റെ സുഹൃത്തുക്കളോട് ജോലി ചെയ്യുന്ന സ്ഥാപനത്തെ പരിചയപ്പെടുത്തുമ്പോൾ ആത്മവിശ്വാസം തോന്നണം. ''അവിടെ ജോലി ചെയ്യുന്നത് നല്ലതാണ്'' എന്ന് മറ്റുള്ളവർ പറയണം. ആ സ്ഥിതിയിലേക്ക് എത്തുമ്പോൾ നിങ്ങളുടെ business brand, customer-facing brand മാത്രമല്ല; employee-facing brand കൂടിയായി മാറുന്നു.

ലോക്കൽ മാർക്കറ്റിൽ എങ്ങനെ ഒരു മൈക്രോ ബ്രാൻഡ് ബിൽഡ് ചെയ്യാം? (ബ്രാൻഡ് ബിൽഡിംഗ് ലേഖന പരമ്പര ഒന്നാം ഭാഗം)... Read More

മികച്ച ആളുകൾ മികച്ച ഇടങ്ങൾ അന്വേഷിക്കുന്നു

കഴിവുള്ള ഒരാൾക്ക് സാധാരണയായി കൂടുതൽ choices ഉണ്ടാകും. അതുകൊണ്ടുതന്നെ അയാൾ ശമ്പളം മാത്രം നോക്കി തീരുമാനിക്കണമെന്നില്ല. അവൻ നോക്കും: ഈ സ്ഥാപനത്തിന് ഭാവിയുണ്ടോ? ഇവിടെ നിന്ന് എനിക്ക് പഠിക്കാനാകുമോ? എനിക്ക് വളരാനാകുമോ? എന്റെ കഴിവിനെ വിലമതിക്കുമോ? ഇവിടത്തെ leadership എങ്ങനെയാണ്? ഇവിടത്തെ culture എങ്ങനെയാണ്? ഈ സ്ഥാപനത്തിന്റെ പേര് എന്റെ career-ന് value നൽകുമോ? ഇവയ്ക്കെല്ലാം നല്ല മറുപടി ലഭിക്കുമ്പോഴാണ് കഴിവുള്ള ആളുകൾ ഒരു സ്ഥാപനത്തിലേക്ക് ആകർഷിക്കപ്പെടുന്നത്. അതുകൊണ്ട് Brand Building എന്നത് customer-നു വേണ്ടി മാത്രം ചെയ്യുന്ന marketing പ്രവർത്തനം അല്ല. നിങ്ങളുടെ future employees-നും നിങ്ങളെ എങ്ങനെ കാണുന്നു എന്നതിന്റെ ഭാഗമാണ് ബ്രാൻഡ്.

ഒരു ചെറിയ കഥ

ഒരു ചെറിയ പട്ടണത്തിൽ രണ്ട് restaurants ഉണ്ടെന്ന് കരുതുക. രണ്ടിടത്തും chef-ന് ഏകദേശം ഒരേ ശമ്പളം. ആദ്യത്തെ restaurant-നെക്കുറിച്ച് നാട്ടിൽ നല്ല അഭിപ്രായമുണ്ട്. വൃത്തിയും quality-യും customer service-ഉം നല്ലതാണ്. Owner staff-നോട് ബഹുമാനത്തോടെ പെരുമാറുന്നു. Social media-യിൽ restaurant സജീവമാണ്. Customers നല്ല reviews നൽകുന്നു. അവിടെ ജോലി ചെയ്യുന്നവരും അത് അഭിമാനത്തോടെ പറയുന്നു. രണ്ടാമത്തെ restaurant-ൽ ഭക്ഷണം മോശമല്ല. പക്ഷേ സ്ഥാപനത്തിന് പ്രത്യേകമായൊരു identity ഇല്ല. Staff turnover കൂടുതലാണ്. Customers-ന്റെ പരാതികൾ കൂടുതലാണ്. അവിടെ ജോലി ചെയ്യുന്നവർക്കുതന്നെ സ്ഥാപനത്തെക്കുറിച്ച് വലിയ ആത്മവിശ്വാസമില്ല. ഒരു നല്ല chef-ന് ഈ രണ്ട് അവസരങ്ങൾ ലഭിച്ചാൽ ഏത് restaurant-ലേക്കാണ് പോകാൻ കൂടുതൽ താൽപര്യം തോന്നുക? ഇതിന്റെ ഉത്തരം salary sheet-ൽ മാത്രം കാണാൻ കഴിയില്ല. Brand perception-ലും ഉത്തരം ഉണ്ടാകും.

നിങ്ങളുടെ സ്റ്റാഫ് നിങ്ങളുടെ ബ്രാൻഡിന്റെ ഭാഗമാണ്

ഇവിടെ മറ്റൊരു പ്രധാന കാര്യമുണ്ട്. നിങ്ങൾ നല്ല ജീവനക്കാരെ ആകർഷിക്കാൻ ബ്രാൻഡ് നിർമ്മിക്കണം. പക്ഷേ നല്ല ജീവനക്കാരാണ് പിന്നീട് നിങ്ങളുടെ ബ്രാൻഡിനെ കൂടുതൽ ശക്തമാക്കുന്നതും. ഒരു customer നിങ്ങളുടെ advertisement മാത്രം അനുഭവിക്കുന്നില്ല. അവൻ നിങ്ങളുടെ receptionist-നോട് സംസാരിക്കുന്നു. Salesperson-നോട് സംസാരിക്കുന്നു. Delivery staff-നെ കാണുന്നു. Manager-നെ കാണുന്നു. Service technician-ന്റെ പെരുമാറ്റം അനുഭവിക്കുന്നു. അവരുടെ ഓരോ പെരുമാറ്റവും customer-ന്റെ മനസ്സിൽ നിങ്ങളുടെ സ്ഥാപനത്തെക്കുറിച്ചുള്ള ഒരു ചിത്രം സൃഷ്ടിക്കുന്നു.

അതുകൊണ്ട് ഒരു സത്യം ഓർക്കണം: നിങ്ങളുടെ logo മാത്രം നിങ്ങളുടെ brand അല്ല, നിങ്ങളുടെ staff-ന്റെ പെരുമാറ്റവും നിങ്ങളുടെ brand ആണ്. ഒരു മികച്ച ജീവനക്കാരന് ഒരു customer-നെ ജീവിതകാലം മുഴുവൻ നിങ്ങളുടെ കൂടെ നിർത്താൻ കഴിയും. ഒരു മോശം ജീവനക്കാരന് വർഷങ്ങളായി നിങ്ങൾ നിർമ്മിച്ച വിശ്വാസം ഒരു നിമിഷത്തിൽ തകർക്കാനും കഴിയും.

ബ്രാൻഡായാൽ എന്ത് മാറും? അറിയപ്പെടുന്നതിൽ നിന്ന് വിശ്വസിക്കപ്പെടുന്നതിലേക്കുള്ള യാത്ര... Read More

ആളുകളെ കൂട്ടിച്ചേർക്കുന്ന ശക്തി

ഒരു വലിയ ബിസിനസുകാരന്റെ ഏറ്റവും വലിയ കഴിവ് അയാൾക്ക് എല്ലാം അറിയാം എന്നതല്ല. തന്നേക്കാൾ കഴിവുള്ള ആളുകളെ ഒരുമിച്ച് കൊണ്ടുവരാൻ കഴിയുന്നു എന്നതാണ്. Finance അറിയുന്ന ആളെ finance-ലേക്ക് കൊണ്ടുവരുന്നു. Marketing അറിയുന്ന ആളെ marketing-ലേക്ക്. Sales അറിയുന്ന ആളെ sales-ലേക്ക്. Technology അറിയുന്ന ആളെ technology-ലേക്ക്. Operations കൈകാര്യം ചെയ്യാൻ കഴിവുള്ളവനെ operations-ലേക്ക്. അങ്ങനെ പല ആളുകളുടെ കഴിവുകളും സമയവും പരിശ്രമവും ഒരേ ലക്ഷ്യത്തിലേക്ക് ചേരുമ്പോഴാണ് ഒരു സ്ഥാപനം വലിയതാകുന്നത്. പക്ഷേ കഴിവുള്ള ആളുകൾ നിങ്ങളോടൊപ്പം വരണമെങ്കിൽ, അവർക്ക് നിങ്ങളിലും നിങ്ങളുടെ സ്ഥാപനത്തിലും വിശ്വാസം തോന്നണം. അവർക്ക് നിങ്ങളുടെ vision കാണണം. നിങ്ങളുടെ സ്ഥാപനത്തിന് ഒരു ഭാവിയുണ്ടെന്ന് തോന്നണം. അവർ അതിന്റെ ഭാഗമാകാൻ ആഗ്രഹിക്കണം. ഇതെല്ലാം സൃഷ്ടിക്കാൻ ഒരു ശക്തമായ brand സഹായിക്കുന്നു.

Micro Brand-നും ഇത് സാധ്യമാണ്

ഇത് വലിയ corporate കമ്പനികൾക്ക് മാത്രം ബാധകമായ കാര്യമല്ല. നിങ്ങൾ ഒരു ചെറിയ Micro Brand ആയാലും മതി. നിങ്ങളുടെ പ്രദേശത്ത് ഇങ്ങനെ ഒരു reputation സൃഷ്ടിക്കാം: ''അവിടെ ജോലി ചെയ്യുന്നത് നല്ലതാണ്.'' ''അവരുടെ owner staff-നെ നന്നായി നോക്കും.'' ''അവിടെ പഠിക്കാൻ ഒരുപാട് ഉണ്ട്.'' ''അവരുടെ business വളരുന്നുണ്ട്.'' ''അവിടെ ജോലി ചെയ്താൽ career-ന് value ഉണ്ട്.'' ഈ വാക്കുകൾ നിങ്ങളുടെ പ്രദേശത്ത് പരക്കാൻ തുടങ്ങിയാൽ recruitment തന്നെ മാറിത്തുടങ്ങും.

നിങ്ങൾ എല്ലായ്പ്പോഴും ആളുകളെ അന്വേഷിക്കുന്ന സ്ഥാപനത്തിൽ നിന്ന്, നല്ല ആളുകൾ നിങ്ങളെ അന്വേഷിക്കുന്ന സ്ഥാപനത്തിലേക്ക് മാറാൻ തുടങ്ങും. ഇതാണ് ബ്രാൻഡിന്റെ മറ്റൊരു വലിയ നേട്ടം.

Customer-ന്റെ മനസ്സിൽ വിശ്വാസം നേടുന്ന Brand, Employee-ന്റെ മനസ്സിൽ അഭിമാനം സൃഷ്ടിക്കുമ്പോഴാണ് ശക്തമായ Business ആയി മാറുന്നത്.

ഒറ്റയ്ക്ക് ഓടുന്ന ഒരാൾക്ക് ഒരു പരിധിവരെ മാത്രമേ എത്താൻ കഴിയൂ. പക്ഷേ കഴിവുള്ള ആളുകളെ കൂട്ടിക്കൊണ്ട് പോകുന്ന ഒരാൾക്ക് വളരെ ദൂരം പോകാൻ കഴിയും. അതുകൊണ്ട് നിങ്ങൾക്ക് വലിയ ബിസിനസ് നിർമ്മിക്കണമെങ്കിൽ ആദ്യം ഒരു കാര്യം മനസ്സിലാക്കണം: നിങ്ങളുടെ സ്ഥാപനത്തിൽ നല്ല ആളുകൾ ജോലി ചെയ്യാൻ ആഗ്രഹിക്കുന്ന തരത്തിലുള്ള ഒരു ബ്രാൻഡ് നിർമ്മിക്കുക. അപ്പോൾ ബിസിനസ് നിങ്ങളുടെ പരിശ്രമം മാത്രം കൊണ്ടല്ല വളരുന്നത്. നൂറുകണക്കിന് ആളുകളുടെ കഴിവും സമയവും പരിശ്രമവും ചേർന്നാണ് വളരുന്നത്. അവിടെയാണ് ഒരു സാധാരണ ബിസിനസ് ഒരു യഥാർത്ഥ സ്ഥാപനമായി മാറിത്തുടങ്ങുന്നത്.

വില കുറയ്ക്കാതെ വിൽക്കാൻ കഴിയുമോ? Pricing Power നേടാനുള്ള വഴി... Read More

ചെറുകിട സംരംഭകർക്കും സംരംഭം ആരംഭിക്കാൻ ഉദ്ദേശിക്കുന്നവർക്കുമുള്ള ടിപ്പുകൾ നിരന്തരം ലഭിക്കുവാൻ വേണ്ടി ഞങ്ങളെ ഫോളോ ചെയ്യുക.