ഒരു ബിസിനസുകാരന്റെ സ്വപ്നം പലപ്പോഴും ഒരു കടയിൽ അവസാനിക്കുന്നതല്ല. ആദ്യത്തെ സ്ഥാപനം നന്നായി പോകാൻ തുടങ്ങുമ്പോൾ അടുത്ത ചിന്ത സ്വാഭാവികമായി വരും: ''ഇത് മറ്റൊരു സ്ഥലത്തേക്കും കൊണ്ടുപോകാമല്ലോ?'' ഒരു പുതിയ ശാഖ. മറ്റൊരു പട്ടണം. മറ്റൊരു ജില്ല. പിന്നീട് മറ്റൊരു സംസ്ഥാനം.

അങ്ങനെ ബിസിനസിന്റെ പരിധി വലുതാക്കുകയാണ് Expansion. പക്ഷേ ഒരു business മറ്റൊരു സ്ഥലത്തേക്ക് കൊണ്ടുപോകുന്നത് എളുപ്പമുള്ള കാര്യമല്ല. പുതിയ സ്ഥലത്ത് വീണ്ടും ആളുകളെ പരിചയപ്പെടുത്തണം. വീണ്ടും വിശ്വാസം ഉണ്ടാക്കണം. വീണ്ടും Marketing ചെയ്യണം. വീണ്ടും Customer-നെ കണ്ടെത്തണം. വീണ്ടും reputation നിർമ്മിക്കണം. പക്ഷേ നിങ്ങൾ ഇതിനകം ഒരു ശക്തമായ Brand ആയി മാറിയിട്ടുണ്ടെങ്കിൽ ഈ യാത്ര വളരെ എളുപ്പമാകാം.

ബ്രാൻഡായാൽ എന്ത് മാറും? അറിയപ്പെടുന്നതിൽ നിന്ന് വിശ്വസിക്കപ്പെടുന്നതിലേക്കുള്ള യാത്ര... Read More

ഒരു പുതിയ കടയോ, പരിചിതമായ പേരിന്റെ പുതിയ ശാഖയോ?

ഒരു നഗരത്തിൽ രണ്ട് പുതിയ കടകൾ ഒരേ ദിവസം തുറക്കുന്നു എന്ന് കരുതുക. ഒന്നാമത്തെ കട പൂർണ്ണമായും പുതിയ പേരാണ്. ആളുകൾക്ക് ആ സ്ഥാപനത്തെക്കുറിച്ച് ഒന്നും അറിയില്ല. രണ്ടാമത്തെ കട ഇതിനകം അടുത്ത നഗരത്തിൽ നല്ല പേര് നേടിയ ഒരു Brand-ന്റെ പുതിയ ശാഖയാണ്.

Opening day-ൽ രണ്ടിന്റെയും സ്ഥിതി ഒരുപോലെയാകുമോ?

അല്ല. രണ്ടാമത്തെ സ്ഥാപനത്തിന് ഒരു മുൻതൂക്കം ഇതിനകം ലഭിച്ചിട്ടുണ്ട്. ആളുകൾ പറയും: ''അവരുടെ കട ഇവിടെ വന്നോ?'' ''ഞാൻ മുമ്പ് മറ്റൊരു branch-ൽ നിന്ന് വാങ്ങിയിട്ടുണ്ട്.'' ''അവരുടെ service നല്ലതാണ്.'' അവിടെ പുതിയ കട തുറന്നിട്ടുണ്ടെങ്കിലും Brand പുതിയത് അല്ല. ഇതാണ് Expansion-ൽ Brand നൽകുന്ന വലിയ ശക്തി.

Brand നിങ്ങളുടെ മുമ്പേ യാത്ര ചെയ്യും

ഒരു ശക്തമായ Brand-ന്റെ ഏറ്റവും വലിയ പ്രത്യേകതകളിൽ ഒന്ന് ഇതാണ്: നിങ്ങൾ എത്തുന്നതിന് മുമ്പ് നിങ്ങളുടെ പേര് എത്താം. Social media വഴി ആളുകൾ നിങ്ങളെ കണ്ടിട്ടുണ്ടാകാം. Friends-ൽ നിന്ന് കേട്ടിട്ടുണ്ടാകാം. മറ്റൊരു സ്ഥലത്തെ branch ഉപയോഗിച്ചിട്ടുണ്ടാകാം. Reviews വായിച്ചിട്ടുണ്ടാകാം.

അതുകൊണ്ട് പുതിയ market-ൽ നിങ്ങൾ പൂജ്യത്തിൽ നിന്ന് തുടങ്ങേണ്ട സാഹചര്യം കുറയും. Brand നിങ്ങളുടെ മുമ്പേ ആ സ്ഥലത്ത് ഒരു പരിചയം സൃഷ്ടിച്ചിട്ടുണ്ടാകും.

വില കുറയ്ക്കാതെ വിൽക്കാൻ കഴിയുമോ? Pricing Power നേടാനുള്ള വഴി... Read More

Brand ഇല്ലാതെ Expansion ചെയ്താൽ?

ഒരു ബിസിനസ് ആദ്യ സ്ഥലത്ത് നന്നായി പോകുന്നു എന്ന് മാത്രം കണ്ടു ഉടൻ മറ്റൊരു branch തുടങ്ങുന്നത് അപകടകരമായേക്കാം. കാരണം ആദ്യത്തെ shop owner-ന്റെ വ്യക്തിപരമായ ബന്ധം കൊണ്ടായിരിക്കാം നന്നായി പോകുന്നത്. Owner എല്ലായ്പ്പോഴും അവിടെ ഉണ്ടാകാം. Customers owner-നെ വിശ്വസിച്ചായിരിക്കാം വരുന്നത്. Quality owner തന്നെ നോക്കിയിരിക്കാം. System ഒന്നുമില്ലായിരിക്കാം.

ഇത്തരം ഒരു business മറ്റൊരു സ്ഥലത്തേക്ക് copy ചെയ്താൽ അത് അതേ രീതിയിൽ പ്രവർത്തിക്കണമെന്നില്ല. അതുകൊണ്ട് Expansion-ന് മുമ്പ് business ഒരു Brand ആകണം. അതിനൊപ്പം systems വേണം. Quality standards വേണം. Staff training വേണം. Customer experience ഒരേ രീതിയിൽ നിലനിർത്താൻ കഴിയണം. അപ്പോഴാണ് ഒരു സ്ഥലത്തെ വിജയം മറ്റൊരു സ്ഥലത്തും ആവർത്തിക്കാൻ കഴിയുന്നത്.

ഒരു പേര് വിശ്വാസം കൊണ്ടുപോകുന്നു

ഒരു restaurant ഒരു നഗരത്തിൽ വളരെ നല്ല പേര് നേടി എന്ന് കരുതുക. അവരുടെ taste ആളുകൾക്കറിയാം. Service അറിയാം. Quality അറിയാം. Cleanliness അറിയാം. ഇപ്പോൾ അവർ അടുത്ത നഗരത്തിൽ ഒരു പുതിയ branch തുറക്കുന്നു. ആ branch-ലേക്ക് വരുന്ന ആദ്യ customer-ന്റെ മനസ്സിൽ പോലും ഒരു പ്രതീക്ഷ ഇതിനകം ഉണ്ടാകും. ''ഇവരുടെ പഴയ branch നല്ലതാണ്. ഇവിടെക്കും നല്ലതായിരിക്കണം.'' ഈ പ്രതീക്ഷയാണ് Brand Value.

പുതിയ business-ന് ഈ വിശ്വാസം ആദ്യദിവസം മുതൽ ലഭിക്കില്ല. പക്ഷേ Brand-ന് ലഭിക്കും.

കസ്റ്റമേഴ്‌സിനെ മാത്രമല്ല, നല്ല ജീവനക്കാരെയും ആകർഷിക്കണം; ബ്രാൻഡ് ബിൽഡിംഗിന്റെ ശക്തി... Read More

Expansion-ന്റെ ചെലവും കുറയാം

പുതിയ market-ൽ ഒരു അറിയപ്പെടാത്ത business-നെ പരിചയപ്പെടുത്താൻ കൂടുതൽ Marketing വേണം. ആളുകളോട് പറയണം: ഞങ്ങൾ ആരാണ്. എന്താണ് പ്രത്യേകത. എന്തുകൊണ്ട് നമ്മളെ വിശ്വസിക്കണം. എന്തുകൊണ്ട് നമ്മളിൽ നിന്ന് വാങ്ങണം. പക്ഷേ ഒരു Brand-ന് ഈ വിശദീകരണത്തിന്റെ ഒരു ഭാഗം ഇതിനകം കഴിഞ്ഞിരിക്കും.

അതുകൊണ്ട് Expansion ചെയ്യുമ്പോൾ customer acquisition കൂടുതൽ എളുപ്പമാകാം. Opening campaign-ന് കൂടുതൽ response ലഭിക്കാം. Word of Mouth വേഗത്തിൽ പ്രവർത്തിക്കാം. Existing customers മറ്റുള്ളവരെ പരിചയപ്പെടുത്താം. അങ്ങനെ Expansion-ന്റെ ആദ്യഘട്ടത്തിലെ ബുദ്ധിമുട്ടുകൾ കുറയ്ക്കാൻ Brand സഹായിക്കും.

പുതിയ Product-ലേക്കുള്ള Expansion-നും Brand സഹായിക്കുന്നു

Expansion എന്നത് പുതിയ shop മാത്രം അല്ല. ഒരു Brand-ന് പുതിയ product category-ലേക്കും വളരാം. ഒരു bakery cake-ൽ നല്ല പേര് നേടിയ ശേഷം nsacks, desserts, gifting എന്നിവയിലേക്ക് പോകാം. ഒരു saree brand പിന്നീട് dress materials, ready-made wear, accessories എന്നിവയിലേക്ക് വളരാം. ഒരു training business പുതിയ programmes അവതരിപ്പിക്കാം.

Customer Brand-നെ വിശ്വസിക്കുന്നുവെങ്കിൽ പുതിയ product പരീക്ഷിക്കാൻ കൂടുതൽ തയ്യാറാകാം. അവൻ ചിന്തിക്കും: ''ഇവരുടെ പഴയ product നല്ലതായിരുന്നു. ഇതും നോക്കാം.'' ഇവിടെയും Brand trust പുതിയ വളർച്ചയുടെ വാതിൽ തുറക്കുന്നു.

പണം തേടി നടക്കേണ്ട; നിക്ഷേപം ആകർഷിക്കുന്ന Brand എങ്ങനെ നിർമ്മിക്കാം?... Read More

Franchise-ന്റെ അടിസ്ഥാനം Brand ആണ്

ഒരു business franchise ആയി വളരണമെങ്കിൽ ഒരു പേര് മാത്രം മതിയല്ല. System വേണം. Process വേണം. Training വേണം. Quality control വേണം. Financial model വേണം. പക്ഷേ ഇതെല്ലാം ഉണ്ടായാലും Brand Value ഇല്ലെങ്കിൽ മറ്റൊരാൾ ആ franchise-യിൽ പണം നിക്ഷേപിക്കാൻ എന്തുകൊണ്ട് താൽപര്യപ്പെടണം?

ഒരു franchisee വാങ്ങുന്നത് shop design മാത്രം അല്ല. അവൻ വാങ്ങുന്നത് ഒരു പരിചിതമായ പേര്, reputation, customer trust, business model എന്നിവയുടെ കൂട്ടായ്മയാണ്. അതുകൊണ്ട് Brand ശക്തമാകുമ്പോൾ franchise expansion-ന്റെ സാധ്യതയും വർധിക്കുന്നു.

Micro Brand-ൽ നിന്നാണ് വലിയ യാത്ര തുടങ്ങുന്നത്

ഇവിടെ വീണ്ടും നമ്മുടെ പുസ്തകത്തിന്റെ പ്രധാന ആശയം ഓർക്കണം. ആദ്യ ദിവസം തന്നെ പത്ത് branch തുറക്കേണ്ടതില്ല. ആദ്യം ഒരു സ്ഥലത്ത് ശക്തരാകുക. ഒരു ചെറിയ പ്രദേശത്ത് ആളുകളുടെ വിശ്വാസം നേടുക. നിങ്ങളുടെ പേര് ഉറപ്പിക്കുക. Customer experience സ്ഥിരമാക്കുക. System ഉണ്ടാക്കുക. Team വളർത്തുക. Business owner ഇല്ലാതെയും പ്രവർത്തിക്കാൻ കഴിയുന്ന രീതിയിലേക്ക് കൊണ്ടുവരുക. അതിനുശേഷമാണ് Expansion.

ആദ്യത്തെ സ്ഥലം നിങ്ങളുടെ പരീക്ഷണശാലയാണ്. അവിടെ Brand ശക്തമാകുമ്പോൾ അടുത്ത സ്ഥലം നിങ്ങളുടെ വളർച്ചയുടെ വാതിലാണ്.

ബ്രാൻഡ് ശക്തമാകുമ്പോൾ Marketing ചെലവ് കുറയുമോ? അറിയേണ്ട സത്യം... Read More

Brand Value ഇല്ലാതെ വേഗത്തിൽ വളരരുത്

ചില ബിസിനസുകൾ വളരെ വേഗത്തിൽ branch തുറക്കും. പക്ഷേ ആദ്യ business തന്നെ Brand ആയി ഉറച്ചിട്ടില്ല. അതുകൊണ്ട് ഒരു പ്രശ്നം മറ്റൊരു branch-ലേക്കും പോകും. Quality problem ഉണ്ടെങ്കിൽ അത് വളരും. Staff problem ഉണ്ടെങ്കിൽ അത് വളരും. System problem ഉണ്ടെങ്കിൽ അത് വളരും. Customer dissatisfaction ഉണ്ടെങ്കിൽ അതും വളരും.

അതുകൊണ്ട് Expansion എന്നത് പ്രശ്നങ്ങൾ വലുതാക്കുന്ന പ്രക്രിയയായി മാറരുത്. നല്ലതിനെ വലുതാക്കുന്ന പ്രക്രിയയായിരിക്കണം. അതിനാൽ ആദ്യം Brand-നെ ശക്തമാക്കുക. പിന്നെ Expansion ചെയ്യുക.

ഒരിടത്തെ വിശ്വാസം പല ഇടങ്ങളിലേക്കും കൊണ്ടുപോകുക

ഒരു ശക്തമായ Brand-ന്റെ യഥാർത്ഥ സൗന്ദര്യം ഇതാണ്: നിങ്ങൾ ഒരു സ്ഥലത്ത് സൃഷ്ടിച്ച വിശ്വാസം മറ്റൊരു സ്ഥലത്തേക്കും കൊണ്ടുപോകാൻ കഴിയുന്നു. ഒരു കടയിൽ നേടിയ പേര് രണ്ടാമത്തെ കടയ്ക്ക് സഹായിക്കുന്നു. രണ്ടാമത്തെ branch മൂന്നാമത്തേതിന് സഹായിക്കുന്നു. അങ്ങനെ ഓരോ പുതിയ സ്ഥലവും അടുത്ത വളർച്ചയ്ക്ക് ശക്തി നൽകുന്നു. ഇതാണ് Brand Value-ന്റെ ഗുണിതഫലം.

അതുകൊണ്ട് ഓർക്കുക: Branch തുറക്കുന്നത് Expansion അല്ല. വിശ്വാസം പുതിയ സ്ഥലത്തേക്ക് പകർത്താൻ കഴിയുന്നതാണ് യഥാർത്ഥ Expansion. നിങ്ങളുടെ business ഇന്ന് ഒരു ചെറിയ പ്രദേശത്ത് മാത്രമായിരിക്കാം. അതിൽ പ്രശ്നമില്ല. ആ ചെറിയ പ്രദേശത്ത് ആദ്യം ശക്തമായ ഒരു Micro Brand ആകുക. അവിടെ നിങ്ങളെ ആളുകൾ തിരിച്ചറിയട്ടെ. വിശ്വസിക്കട്ടെ. തിരഞ്ഞെടുക്കട്ടെ. അവിടെ നിങ്ങളുടെ business model തെളിയിക്കട്ടെ. പിന്നീട് അടുത്ത പ്രദേശത്തേക്ക് പോകുക.

അവിടെ നിന്നാണ് വലിയ Brand യാത്ര ആരംഭിക്കുന്നത്. ആദ്യം നാട്ടിൽ പേര്. പിന്നെ നാട്ടിന് പുറത്തേക്ക് വളർച്ച. ഇതാണ് സുരക്ഷിതവും ശക്തവുമായ Expansion-ന്റെ വഴി.

കസ്റ്റമറെ കൊണ്ടുവരുന്നത് Marketing; വീണ്ടും വീണ്ടും വരുത്തുന്നത് Brand... Read More

ചെറുകിട സംരംഭകർക്കും സംരംഭം ആരംഭിക്കാൻ ഉദ്ദേശിക്കുന്നവർക്കുമുള്ള ടിപ്പുകൾ നിരന്തരം ലഭിക്കുവാൻ വേണ്ടി ഞങ്ങളെ ഫോളോ ചെയ്യുക.