ഒരു പ്രോഡക്റ്റ് ഒരേ പോലെ രണ്ട് പേർ വിൽക്കുമ്പോൾ, ഒരാൾക്ക് മാത്രം വലിയ വളർച്ചയും കൂടുതൽ കസ്റ്റമേഴ്സും ലഭിച്ചാൽ അതിന് ഒരു പ്രധാന കാരണം മാത്രമേയുള്ളൂ-അദ്ദേഹം കസ്റ്റമർക്ക് മികച്ച വാല്യൂ നൽകുന്നു. ബിസിനസ് ഒരുതവണത്തെ വിൽപ്പനയിലൂടെ വളരുന്നതല്ല. കസ്റ്റമർ വീണ്ടും വീണ്ടും നിങ്ങളുടെ അടുത്തേക്ക് എത്തുമ്പോഴാണ് യഥാർത്ഥ വളർച്ച തുടങ്ങുന്നത്. അതിന്, നിങ്ങൾ നൽകുന്ന വാല്യൂ തുടർച്ചയായതും, വിശ്വാസം നിറഞ്ഞതും, മികച്ച സേവനത്തോടെ ചേർന്നതുമാകണം.

ഒരു കസ്റ്റമർ നിങ്ങളുടെ ബിസിനസിലേക്ക് തിരികെ വരുന്നത് മൂന്ന് കാര്യങ്ങൾ കൊണ്ടാണ്: (1) ആവശ്യമുള്ള പ്രോഡക്റ്റ് ലഭ്യമാകണം, (2) നിങ്ങളിൽ വിശ്വാസവും പരിചയവും ഉണ്ടാകണം, (3) നിങ്ങൾ നിന്ന് കസ്റ്റമർക്ക് പ്രാധാന്യവും വാല്യൂയും ലഭിക്കണം. ഇവ മൂന്നും ഒരുമിച്ചുണ്ടെങ്കിൽ മാത്രമേ കസ്റ്റമർ നിങ്ങളോടൊപ്പം സ്ഥിരമായി ബന്ധം പുലർത്തൂ. അതുകൊണ്ട് വാല്യൂ നൽകൽ ബിസിനസിലെ ഏറ്റവും പ്രധാനപ്പെട്ട നിക്ഷേപമാണ്.

വാല്യൂ നൽകലിന്റെ ആദ്യപടി കസ്റ്റമറോടുള്ള പെരുമാറ്റം തന്നെയാണ്. ആരായാലും ആദരവും പുഞ്ചിരിയോടെയുള്ള സ്വീകരണവും ഇഷ്ടപ്പെടുന്നു. കസ്റ്റമറെ ബഹുമാനത്തോടെ കേൾക്കുകയും, അവരെ അംഗീകരിച്ചുള്ള ഭാഷയിൽ സംസാരിക്കുകയും ചെയ്യുന്നത്, ഒരു സാധാരണ വാങ്ങുന്ന ആളെ പോലും വിശ്വസ്ത കസ്റ്റമറാക്കാൻ ശക്തിയുള്ളതാണ്. രണ്ടാമത്തെ ഘടകം, നിങ്ങൾ പറയുന്ന വാക്ക് പാലിക്കൽ ആണ്. ഉറപ്പ് നൽകിയ ശേഷം അത് നടപ്പിലാക്കാൻ കഴിയുന്ന ബിസിനസുകാരനെയാണ് കസ്റ്റമർ കൂടുതൽ വിലമതിക്കുന്നത്. വിശ്വാസം തന്നെയാണ് നിങ്ങൾ നൽകുന്ന ഏറ്റവും വലിയ വാല്യൂ.

[ഓരോ നിരാകരണവും വിജയത്തിലേക്കുള്ള ഒരു പടിയാണ് – സെയിൽസ്മാന്റെ യഥാർത്ഥ ജീവിതം]

മൂന്നാമത്തെ അടിസ്ഥാനം ഫോളോ-അപ്പ് & ആഫ്റ്റർ സർവീസ് ആണ്. പ്രോഡക്റ്റ് ഉപയോഗിച്ചതിന് ശേഷം അത് കസ്റ്റമർക്ക് എങ്ങനെ സഹായിച്ചു എന്ന് വിളിച്ചു അന്വേഷിക്കുന്നത്, സെയിൽസ് ബന്ധത്തെ കൂടുതൽ ശക്തമാക്കുന്നു. പല നല്ല കസ്റ്റമേഴ്സിനെയും ബിസിനസ്സുകൾക്ക് നഷ്ടപ്പെടുന്നത് ഈ ഫോളോ-അപ്പ് ഇല്ലാത്തതുകൊണ്ടാണ്. തുടർച്ചയായ ബന്ധം, പരിഗണന, വിശ്വാസം, സേവനം-ഇവയൊക്കെയാണ് ഒരേ പ്രോഡക്റ്റ് വിൽക്കുന്നവരിൽ ഒരാളെ മാത്രം വിജയത്തിലേക്ക് നയിക്കുന്നത്.