- Trending Now:
Sections
Sections
കോഴിക്കോട്: കേരള പ്രീമിയർ ലീഗ് 2025-26 സീസണിലെ ഗ്രൂപ്പ് ഘട്ടത്തിലെ അവസാന മത്സരത്തിനൊരുങ്ങി കാലിക്കറ്റ് എഫ്സി. ഏപ്രിൽ 28 ചൊവ്വാഴ്ച രാത്രി 7:00ന് തൃശൂർ കോർപറേഷൻ സ്റ്റേഡിയത്തിൽ നടക്കുന്ന മത്സരത്തിൽ കേരള ബ്ലാസ്റ്റേഴ്സ് എഫ്സിയാണ് എതിരാളികൾ. കഴിഞ്ഞ മത്സരത്തിൽ ഗ്രൂപ്പ് ജേതാക്കളായ ഇഎംഇഎ കോളേജിനെ മറുപടിയില്ലാത്ത രണ്ട് ഗോളുകൾക്ക് തകർത്തതിന്റെ ആത്മവിശ്വാസത്തിലാണ് ടീം ഇന്ന് ഇറങ്ങുന്നത്. ഈ മത്സരത്തിലേക്കുള്ള പ്രവേശനം സൗജന്യമാണ്.
നിലവിൽ അഞ്ച് മത്സരങ്ങളിൽ നിന്ന് മൂന്ന് ജയവും ഒരു സമനിലയും ഒരു തോൽവിയുമായി കാലിക്കറ്റ് എഫ്സി പോയിന്റ് പട്ടികയിൽ രണ്ടാം സ്ഥാനത്താണ്. കൂടാതെ, കഴിഞ്ഞ മത്സരത്തിലെ ജയത്തോടെ ടീം സൂപ്പർ 8-ലേക്കുള്ള യോഗ്യത നേരത്തെ തന്നെ ഉറപ്പിച്ചിരുന്നു. കേരള ബ്ലാസ്റ്റേഴ്സ് ആകട്ടെ, അഞ്ച് മത്സരങ്ങളിൽ നിന്ന് ഒരു ജയവും രണ്ട് സമനിലയും രണ്ട് തോൽവിയുമായി ഗ്രൂപ്പിൽ ആറാം സ്ഥാനത്താണ്.
ഈ മത്സരത്തിൽ ജയിച്ച് മൂന്ന് പോയിന്റ് നേടാനും, പട്ടികയിൽ രണ്ടാം സ്ഥാനത്തെത്തി ഗ്രൂപ്പ് ഘട്ടം പൂർത്തിയാക്കാനുമാണ് ബിബി തോമസിന്റെ നേതൃത്വത്തിലുള്ള ടീം ലക്ഷ്യമിടുന്നത്. കഴിഞ്ഞ മത്സരത്തിൽ രണ്ടാം സ്ഥാനക്കാരായ റിയൽ മലബാറിനെ പരാജയപ്പെടുത്തിയാണ് കേരള ബ്ലാസ്റ്റേഴ്സ് ഈ അവസാന അങ്കത്തിനെത്തുന്നത്.
ഗ്രൂപ്പ് ഘട്ടത്തിൽ എട്ട് ഗോളുകൾ നേടിയ കാലിക്കറ്റ് എഫ്സി വഴങ്ങിയത് രണ്ട് ഗോളുകൾ മാത്രമാണ്. ലീഗിലെ രണ്ട് ഗ്രൂപ്പുകളിലുമായി നിലവിൽ ഏറ്റവും കുറവ് ഗോളുകൾ വഴങ്ങിയ, മനോജ് നയിക്കുന്ന ടീമിന്റെ പ്രതിരോധ നിര ശക്തമാണ്.
The Local Economy is an online business news portal based in Kerala. International, national and local news related to business will reach the.
More..
ThelocalEconomy.in Copyright (c) 2026. All Rights Reserved.
.png)
.png)
ഇവിടെ പോസ്റ്റു ചെയ്യുന്ന അഭിപ്രായങ്ങൾ THE LOCAL ECONOMY ടേതല്ല. അഭിപ്രായങ്ങളുടെ പൂർണ ഉത്തരവാദിത്തം രചയിതാവിനായിരിക്കും. കേന്ദ്ര സർക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം അധിക്ഷേപങ്ങളും അശ്ലീല പദപ്രയോഗങ്ങളും നടത്തുന്നത് ശിക്ഷാർഹമായ കുറ്റമാണ്. ഇത്തരം അഭിപ്രായ പ്രകടനത്തിന് നിയമനടപടി കൈക്കൊള്ളുന്നതാണ്.