ജീവിതശൈലിയിലെയും വിദ്യാഭ്യാസ സമ്പ്രദായത്തിലെയും മാറ്റം കാരണം ഇക്കാലത്ത് കുട്ടികൾക്ക് മുമ്പത്തേക്കാൾ കൂടുതൽ നേത്രരോഗങ്ങൾ ഉണ്ട്. ശ്രദ്ധ വളരെ ആവശ്യമുള്ള മനുഷ്യ ശരീരത്തിലെ അതിലോലമായ അവയവമാണ് കണ്ണുകൾ. കാഴ്ച പ്രശ്നങ്ങൾ സ്കൂളിൽ പോകുന്ന കുട്ടികളിൽ വളരെ സാധാരണമാണ്. കുട്ടകളിലെ നേത്രരോഗങ്ങൾ മുതിർന്നവരിലെ നേത്രരോഗങ്ങളിൽ നിന്ന് വ്യത്യസ്തവും സവിശേഷമായ രീതിയിൽ കാണപ്പെടുന്നതുമാണ്. കുട്ടികൾക്ക് കണ്ണിന് പ്രശ്നമുണ്ടെന്ന് പറയാൻ കഴിയില്ല, നിർഭാഗ്യവശാൽ, ഈ കാഴ്ച പ്രശ്നങ്ങൾ പലതും പിന്നീട് കണ്ടുപിടിക്കപ്പെടുന്നു

കുട്ടികളിൽ ശ്രദ്ധിക്കേണ്ട ലക്ഷണങ്ങൾ:

• ദൂരെ നിന്ന് വായിക്കുക.
• അടുത്ത് നിന്ന് ടിവി കാണുക.
• മുഖം ഒരു ദിശയിലേക്ക് തിരിയുക, തല ചായുക.
• കണ്ണ് ചിമ്മുക, കണ്ണുകൾ ഇടയ്ക്കിടെ തടവുക, കണ്ണുകൾ ചുവക്കുക.
• മങ്ങിയ അല്ലെങ്കിൽ ഇരട്ട ദർശനം.
• ബ്ലാക്ക് ബോർഡ് കാണുന്നതിൽ കുഴപ്പം.
• ക്ലാസ്സിൽ ശ്രദ്ധിക്കാൻ ബുദ്ധിമുട്ട്.
• തലവേദന.
• സ്കൂളിലെ മോശം പ്രകടനം, പ്രത്യേകിച്ച് സ്ഥിരതയാർന്ന പ്രകടനത്തിന് ശേഷം.
• വായിക്കുമ്പോഴും പഠിക്കുമ്പോഴും ബുദ്ധിമുട്ട്.

ഏറ്റവും കൂടുതലായി കുട്ടികളിൽ കാണുന്നത് 'റിഫ്രാക്റ്റീവ് എറേഴ്സ്' എന്ന കണ്ണടകൾ കൊണ്ട് പരിഹരിക്കാവുന്ന പ്രശ്നമാണ്. ഇതിൽ ഹ്രസ്വ ദൃഷ്ടി (ഷോർട് സൈറ്റ്/മയോപിയ), ദീർഘ ദൃഷ്ടി (ലോങ് സൈറ്റ്/ഹൈപ്പർ മെട്രോപിയ), വക്ര ദൃഷ്ടി (അസ്റ്റിഗ്മാറ്റിസം) എന്നിവയാണ് കൂടുതലായി കാണുന്നത്. കുട്ടികൾ കണ്ണട വയ്ക്കുമ്പോൾ കണ്ണിലേക്ക് എത്തുന്ന പ്രകാശ രശ്മികളെ കണ്ണടയിലെ ലെൻസ് നാഡിയിലേക്ക് ക്രേന്ദീകരിക്കാൻ സഹായിക്കും. അതോടെ കുട്ടിക്ക് നല്ല രീതിയിൽ കാണാൻ സാധിക്കും.

രണ്ട് കണ്ണും നേരെ ഒരേ ദിശയിലേക്ക് നോക്കാൻ കഴിയാത്ത അവസ്ഥയാണ് കോങ്കണ്ണ്.

എപ്പിഫോറ അഥവാ കണ്ണിൽ നിന്ന് സ്ഥിരമായി കണ്ണീർ വന്നു കൊണ്ടിരിക്കുക എന്നതാണ് മറ്റൊന്ന്. കണ്ണീർ ഗ്രന്ഥികളിലുണ്ടാകുന്ന കണ്ണീർ കൺകോണിൽ നിന്ന് ചെറിയ സുഷിരത്തിലൂടെ സ്വതവേ മൂക്കിലേക്ക് പോകും. ഇത് മൂക്കിലേക്ക് പോകാതെ സുഷിരത്തിൽ തടസ്സമുണ്ടാകുന്ന അവസ്ഥയാണിത്.

നവജാത ശിശുക്കൾക്ക് കണ്ണിൽ നിന്നുള്ള വെള്ളമൊഴുക്കുണ്ടെങ്കിൽ നേത്രരോഗ വിദഗ്ധനെ കണ്ട് കൺകോണുകളിൽ മസാജ് ചെയ്തു കൊടുത്താൽ ചില അവസരങ്ങളിൽ ഇത് മാറാറുണ്ട്.

വളരെ അപൂർവമായി കുട്ടികൾക്ക് ജന്മനാ തിമിരം, ഗ്ലൂക്കോമ എന്നിവ കാണാറുണ്ട്. കാഴ്ച മങ്ങലുണ്ടെന്ന് സംശയം വന്നാലുടനെ നേത്രരോഗ വിദഗ്ധരെകൊണ്ട് പരിഹാരം തേടാം.

ആരോഗ്യഗരമായ ഭക്ഷണശീലം കുട്ടികൾക്ക് എങ്ങനെ പകർന്ന് നൽകാം... Read More

കണ്ണുകളുടെ ആരോഗ്യത്തിന് ഡയറ്റിൽ ഉൾപ്പെടുത്തേണ്ടവ എന്തൊക്കെ?

• ല്യൂട്ടീൻ, തിയോ സാൻത്തീൻ അടങ്ങിയ ചില ഭക്ഷ്യവസ്തുക്കൾ :ഇലക്കറികൾ, മത്തങ്ങ, ഗ്രീൻ പീസ്, കാരറ്റ്, പിസ്ത, മുട്ടയുടെ മഞ്ഞ, മുന്തിരി, കിവി.
• വൈറ്റമിൻ സി നെല്ലിക്ക, ഓറഞ്ച്, നാരങ്ങ, കിഴങ്ങ്, തക്കാളി.
• വൈറ്റമിൻ ഇ പപ്പായ, കപ്പലണ്ടി, ചീര, ഒലിവ് ഓയിൽ, ബ്രോക്ക്ലി, അവക്കാഡോ, സൂര്യകാന്തി വിത്ത്, ബദാം.
• സിങ്ക് മാംസം (റെഡ് മീറ്റ്), മുട്ട, ധാന്യങ്ങൾ, കശുവണ്ടി, പാൽ, ചീസ്, ടോഫു, ചെമ്മീൻ, കല്ലുമ്മക്കായ, കൂൺ.
• വൈറ്റമിൻ എ : ചീര, മധുരക്കിഴങ്ങ്, കാരറ്റ്, പപ്പായ, കാപ്സിക്കം, മാങ്ങ, ഏപ്രിക്കോട്ട്.

ഹെൽത്ത് ടിപ്സുകൾ ദിവസവും ലഭിക്കുവാൻ ഈ പോർട്ടൽ ഫോളോ ചെയ്യുക.