- Trending Now:
Sections
Sections
തിരുവനന്തപുരം: സിനിമാ പ്രേമികൾക്ക് മികച്ച കാഴ്ചാനുഭവം സമ്മാനിക്കുന്ന കുട്ടികൾക്കുള്ള ജർമ്മൻ ചലച്ചിത്രമായ റോയ്ബർ ജവഹർ നഗറിലെ ജർമ്മൻ ഭാഷാ-സാംസ്കാരിക കേന്ദ്രമായ ഗൊയ്ഥെ സെൻററിൽ പ്രദർശിപ്പിക്കും. സെപ്റ്റംബർ 30 ന് വൈകുന്നേരം 6.30 നാണ് പ്രദർശനം. പ്രവേശനം സൗജന്യമാണ്.
അക്സൽ റാനിഷ് സംവിധാനത്തിൽ പുറത്തിറങ്ങിയ ഈ ചിത്രം എല്ലാ പ്രായക്കാർക്കും ആസ്വദ്യകരമാണ്. ധീരത, കുടുംബബന്ധങ്ങൾ, വളർച്ചയുടെ ഘട്ടങ്ങൾ എന്നിവയെ ആസ്പദമാക്കി തയാറാക്കിയ റോയ്ബർ നർമ്മവും ഭാവനയും സമന്വയിപ്പിച്ച മികച്ച ചലച്ചിത്ര അനുഭവമാണ്.
കുട്ടിക്കാലത്ത് വരുത്തുന്ന ചെറിയൊരു അബദ്ധം വലിയൊരു അപ്രതീക്ഷിത സാഹസികതയിലേക്ക് വഴിമാറുന്നതാണ് 'റോയ്ബറി'ൻറെ ഇതിവൃത്തം. ഒരു കാട്ടിലേക്ക് നടത്തുന്ന കൗതുകകരമായ യാത്രയാണ് ചിത്രം പ്രമേയമാക്കുന്നത്.
ചിത്രത്തിൻറെ സംവിധാന രീതിയും ഏറെ ശ്രദ്ധിക്കപ്പെട്ടിരുന്നു. വലിയ പ്ലാനുകളോ കൃത്യമായ തിരക്കഥയോ ഇല്ലാതെ തികച്ചും സ്വാഭാവികവും തത്സമയവുമായ അഭിനയ രീതിയിലൂടെയാണ് അക്സൽ റാനിഷ് ഈ ചിത്രം ഒരുക്കിയത്. ബ്രാൻഡൻബർഗ് കാടുകളിൽ ചിത്രീകരണ സമയത്താണ് സംവിധായകനും സംഘവും കഥാസന്ദർഭങ്ങൾ വികസിപ്പിച്ചെടുത്തത്.
കുട്ടിക്കാലം എന്നാൽ കേവലം നിഷ്കളങ്കത മാത്രമല്ലെന്നും ഭാവനയും ഭയവും വെല്ലുവിളികളും നിറഞ്ഞ ഒരു പ്രപഞ്ചമാണെന്നും ഈ ചിത്രം പ്രേക്ഷകർക്ക് കാട്ടിത്തരുന്നു.
2013-ൽ ജർമ്മനിയിൽ നിർമ്മിച്ച ഈ ചിത്രം അതേ വർഷം തന്നെ മ്യൂണിക്ക് ഫിലിം ഫെസ്റ്റിവലിലാണ് ആദ്യമായി പ്രദർശിപ്പിച്ചത്. പിന്നീട് ലിനൻ ഫിലിം ഫെസ്റ്റിവലിൽ മികച്ച കുട്ടികളുടെ ചിത്രത്തിനുള്ള 'റകേറ്റ' പുരസ്കാരവും ഈ ചിത്രം കരസ്ഥമാക്കി.
The Local Economy is an online business news portal based in Kerala. International, national and local news related to business will reach the.
More..
ThelocalEconomy.in Copyright (c) 2026. All Rights Reserved.
ഇവിടെ പോസ്റ്റു ചെയ്യുന്ന അഭിപ്രായങ്ങൾ THE LOCAL ECONOMY ടേതല്ല. അഭിപ്രായങ്ങളുടെ പൂർണ ഉത്തരവാദിത്തം രചയിതാവിനായിരിക്കും. കേന്ദ്ര സർക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം അധിക്ഷേപങ്ങളും അശ്ലീല പദപ്രയോഗങ്ങളും നടത്തുന്നത് ശിക്ഷാർഹമായ കുറ്റമാണ്. ഇത്തരം അഭിപ്രായ പ്രകടനത്തിന് നിയമനടപടി കൈക്കൊള്ളുന്നതാണ്.