Home Kerala Milma

ദേശീയ ക്ഷീരദിനത്തോടനുബന്ധിച്ച് മിൽമയുടെ ഡെയറികൾ സന്ദർശിക്കാൻ സൗകര്യം

Sunday, Nov 23, 2025

Milma Dairy Visit for Public on National Milk Day

കൊച്ചി: ദേശീയ ക്ഷീരദിനത്തോടനുബന്ധിച്ച് പാൽ-പാലുൽപ്പന്നങ്ങൾ എന്നിവയുടെ ശാസ്ത്രീയ സംഭരണ സംസ്കരണ പ്രക്രിയ പൊതുജനങ്ങൾക്ക് നേരിട്ട് കണ്ട് മനസ്സിലാക്കുന്നതിനായി മിൽമ എറണാകുളം മേഖലാ യൂണിയൻ അവസരം ഒരുക്കുന്നു. മിൽമ എറണാകുളം മേഖലാ യൂണിയന്റെ എറണാകുളം തൃപ്പൂണിത്തുറ, തൃശ്ശൂർ രാമവർമ്മപുരം, കോട്ടയം വടവാതൂർ, ഇടുക്കി- കട്ടപ്പന ഡെയറി പ്ലാൻറുകൾ സന്ദർശിക്കുന്നതിന് പൊതുജനങ്ങൾക്കും, വിദ്യാർത്ഥികൾക്കും സൗകര്യം ഒരുക്കിയിട്ടുണ്ടെന്ന് ചെയർമാൻ സി എൻ വത്സലൻപിള്ള അറിയിച്ചു.

ഡെയറി സന്ദർശനത്തിന് എത്തുന്നവർക്ക് ക്ഷീരസഹകരണ രംഗം, ക്ഷീരോൽപ്പാദനം, സംസ്കരണം, വിപണനം തുടങ്ങിയ മേഖലകളെ വിശദീകരിക്കുകയും പ്ലാൻറുകളുടെ പ്രവർത്തനങ്ങൾ പരിചയപ്പെടുത്തുകയും ചെയ്യും. കൂടാതെ ഇവിടങ്ങളിലെ മാർക്കറ്റിംഗ് കേന്ദ്രങ്ങളിൽ നിന്നും സ്പെഷ്യൽ റേറ്റിൽ എല്ലാ മിൽമ ഉൽപ്പന്നങ്ങളും വാങ്ങുന്നതിനുള്ള സൗകര്യവും ഉണ്ടായിരിക്കും.

പ്ലാൻറുകൾ സന്ദർശിക്കാൻ ആഗ്രഹിക്കുന്നവർ തൃപ്പൂണിത്തുറ ഡെയറി 9447078010, തൃശ്ശൂർ ഡെയറി 9447543276, കോട്ടയം ഡെയറി 9495445911, കട്ടപ്പന ഡെയറി 9447396859 എന്നീവിടങ്ങളിലെ മാനേജർമാരെ മുൻകൂറായിബന്ധപ്പെട്ട് വിശദവിവരങ്ങൾ അറിയിക്കേണ്ടതാണ്. നവംബർ 25,26,27 തീയതികളിലാണ് ഡെയറി സന്ദർശത്തിനുള്ള സൗകര്യം എർപ്പെടുത്തിയിട്ടുള്ളത്.

ഇവിടെ പോസ്റ്റു ചെയ്യുന്ന അഭിപ്രായങ്ങൾ THE LOCAL ECONOMY ടേതല്ല. അഭിപ്രായങ്ങളുടെ പൂർണ ഉത്തരവാദിത്തം രചയിതാവിനായിരിക്കും. കേന്ദ്ര സർക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം അധിക്ഷേപങ്ങളും അശ്ലീല പദപ്രയോഗങ്ങളും നടത്തുന്നത് ശിക്ഷാർഹമായ കുറ്റമാണ്. ഇത്തരം അഭിപ്രായ പ്രകടനത്തിന് നിയമനടപടി കൈക്കൊള്ളുന്നതാണ്.