പ്രഭാതഭക്ഷണം വെറും ഭക്ഷണം അല്ല അത് ഒരു നല്ല ദിനത്തിന്റെ തുടക്കം ആണ്.
ഒരിക്കലും അത് ഒഴിവാക്കരുത്.

• രാത്രിയിലുടനീളം ശരീരം വിശ്രമത്തിലായിരിക്കും. പ്രഭാതഭക്ഷണം കഴിക്കുന്നത് ശരീരത്തിന്റെ മെറ്റബോളിസം സജീവമാക്കുന്നു, അതായത് ശരീരം എനർജി ഉപയോഗിക്കുന്ന പ്രക്രിയ ആരംഭിക്കുന്നു. ഇതുവഴി ദിനം മുഴുവൻ ഊർജ്ജം ലഭിക്കുന്നു.
• പ്രഭാതഭക്ഷണം എടുക്കുമ്പോൾ ഗ്ലൂക്കോസ് ലെവൽ നിലനിർത്തപ്പെടുന്നു. ഇതാണ് മസ്തിഷ്കത്തിനും ശരീരത്തിനും പ്രാഥമിക ഊർജ്ജസ്രോതസ്. പ്രഭാതഭക്ഷണം ഒഴിവാക്കിയാൽ മന്ദതയും ക്ഷീണവും അനുഭവപ്പെടാം.
• മികച്ച പ്രഭാതഭക്ഷണം കഴിക്കുന്നവർക്ക് മനസ്സിലാക്കാനുള്ള കഴിവ്, കൺസൻട്രേഷൻ, ഓർമ എന്നിവ മെച്ചപ്പെടുന്നു. വിദ്യാർത്ഥികൾക്കും ജോലിക്കാർക്കും ഇത് അത്യാവശ്യമാണ്.
• പ്രഭാതഭക്ഷണം ഒഴിവാക്കുന്നവർക്ക് പിന്നീട് അമിതഭക്ഷണ ശീലം വരാം. അതുവഴി ഭാരം കൂടാനും പഞ്ചസാര, കൊളസ്ട്രോൾ എന്നിവ ഉയരാനും സാധ്യതയുണ്ട്. പ്രഭാതഭക്ഷണം ശരിയായി എടുക്കുന്നത് ഭാരം നിയന്ത്രിക്കാൻ സഹായിക്കുന്നു.
• ചില പഠനങ്ങൾ പ്രകാരം പ്രഭാതഭക്ഷണം കഴിക്കുന്നവർക്ക് ഹൃദയ സംബന്ധമായ രോഗങ്ങളുടെ സാധ്യത കുറവാണ്. രക്തത്തിലെ പഞ്ചസാരയും കൊളസ്ട്രോളും നിയന്ത്രണത്തിലാകുന്നു.
• ശരിയായ പ്രഭാതഭക്ഷണം തെരഞ്ഞെടുക്കുക പാൽ, മുട്ട, പഴം, നട്ട്സ് എന്നിവ ഉൾപ്പെടുത്തുക. ഫാസ്റ്റ് ഫുഡ് അല്ലെങ്കിൽ ഷുഗർ കൂടുതലുള്ള ഭക്ഷണം ഒഴിവാക്കുക.
• പ്രഭാതഭക്ഷണം കഴിക്കുന്നവർ ദിനം മുഴുവൻ പോസിറ്റീവ് മനോഭാവത്തിൽ ഇരിക്കും.
• പ്രഭാതത്തിൽ പോഷകങ്ങൾ ലഭിക്കുന്നത് ശരീരത്തിന്റെ ഇമ്മ്യൂൺ സിസ്റ്റം ശക്തമാക്കുന്നു, അതുവഴി രോഗങ്ങൾ എളുപ്പത്തിൽ പ്രതിരോധിക്കാം.
• കുട്ടികളുടെ വളർച്ചയ്ക്കും പ്രായമായവരുടെ ആരോഗ്യം നിലനിർത്താനുമായി പ്രഭാതഭക്ഷണം അത്യാവശ്യമാണ്. അവർക്ക് ശരിയായ എനർജി ലഭിക്കാൻ ഇതാണ് പ്രധാന വഴി.
• പ്രഭാതഭക്ഷണം രക്തത്തിലെ ഗ്ലൂക്കോസ് സ്തിരമായി നിലനിർത്തുന്നു. ഇത് ഡയബറ്റിസ് നിയന്ത്രിക്കാനും സഹായിക്കുന്നു.
• ഉറക്കത്തിൽ ചില ഹോർമോണുകൾ (കോർട്ടിസോൾ പോലുള്ള) ഉയരുന്നു. പ്രഭാതഭക്ഷണം കഴിക്കുന്നത് ഹോർമോൺ ലെവലുകൾ ശരിയാക്കുകയും സ്ട്രെസ് കുറക്കുകയും ചെയ്യുന്നു.
• ചിലർ രാവിലെ കാപ്പി മാത്രം കുടിച്ച് ജോലി തുടങ്ങാറുണ്ട്. ഇതു വയറിലെ ആസിഡ് വർദ്ധിപ്പിച്ച് ഗാസ്ട്രിക് പ്രശ്നങ്ങൾക്കും ആസിഡിറ്റിക്കും കാരണമാകും. കാപ്പി കുടിക്കുന്നവർ അതിന് മുന്നേ ചെറിയൊരു ഭക്ഷണം കഴിക്കണം.
• വിറ്റമിൻ, മിനറൽ, പ്രോട്ടീൻ എന്നിവ പ്രഭാതഭക്ഷണത്തിലൂടെ ലഭിക്കുമ്പോൾ ചർമ്മം തിളങ്ങുകയും, മുടി ആരോഗ്യകരമാവുകയും ചെയ്യുന്നു.

ഹെൽത്ത് ടിപ്സുകൾ ദിവസവും ലഭിക്കുവാൻ ഈ പോർട്ടൽ ഫോളോ ചെയ്യുക.

മില്ലറ്റ്സ്: പ്രമേഹത്തെയും കാൻസറിനെയും ചെറുക്കുന്ന സൂപ്പർഫുഡുകൾ... Read More