ഈ അടുത്ത കാലത്തായി ആളുകളിൽ വളരെയധികം കണ്ടുവരുന്ന ഒരു ജീവിതശൈലി രോഗമാണ് രക്തസമ്മർദ്ദം. മാറി കൊണ്ടിരിക്കുന്ന ജീവിതശൈലിയും ഭക്ഷണശൈലിയുമൊക്കെ ബിപി കൂടാനുള്ള പ്രധാന കാരണങ്ങളിൽ ചിലതാണ്. ബിപിയെ നിയന്ത്രിക്കാൻ ശ്രദ്ധിക്കേണ്ട ചില കാര്യങ്ങൾ നോക്കാം.

• ബിപി നിയന്ത്രിക്കാൻ ശരിയായ ഭക്ഷണരീതി പിന്തുടരേണ്ടത് വളരെ പ്രധാനമാണ്. ഭക്ഷണത്തിൽ ആവശ്യത്തിന് പച്ചക്കറികളും പഴങ്ങളും ഉൾപ്പെടുത്താൻ പ്രത്യേകം ശ്രമിക്കുക.
• ശരിയായ ശരീരഭാരം നിലനിർത്താൻ ശ്രമിക്കേണ്ടത് വളരെ പ്രധാനമാണ്. ശരീരഭാരം കൂടുന്നത് ഹൃദ്രോഗം പോലെയുള്ളവയിലേക്ക് നയിക്കാം. മാത്രമല്ല ഇത് ബിപി കൂട്ടാനും കാരണമാകും.
• ഭക്ഷണത്തിൽ അമിതമായ ഉപ്പ് ഉപയോഗിക്കുന്നവർ അത് കുറയ്ക്കാൻ ശ്രമിക്കുക. സോഡിയം കൂടുന്നത് ബിപി കൂടാനുള്ള പ്രധാന കാരണമാണ്.
• ആവശ്യത്തിന് വെള്ളം കുടിക്കുന്നത് ആരോഗ്യത്തിന് ഏറെ നല്ലതാണ്. അതുപോലെ ബിപി നിയന്ത്രിക്കാനും ഇത് സഹായിക്കും. ദിവസവും എട്ട് ഗ്ലാസ് വെള്ളം കുടിക്കുക.
• വ്യായാമം ചെയ്യുന്നത് നല്ല ആരോഗ്യത്തോടിരിക്കാൻ സഹായിക്കും. ദിവസവും 30 മിനിറ്റ് വ്യായാമത്തിനായി മാറ്റി വയ്ക്കുക. അല്ലെങ്കിൽ ആഴ്ചയിൽ മൂന്ന് ദിവസം എങ്കിലും വ്യായാമം ചെയ്യുക. വ്യായാമം ചെയ്യുന്നത് ജീവിതശൈലി രോഗങ്ങളെ ചെറുക്കാൻ നല്ലതാണ്.
• പുകവലി ആരോഗ്യത്തിന് അത്ര നല്ലതല്ല. ഇത് പല തരത്തിലുള്ള രോഗങ്ങൾക്കും കാരണമാകും. അമിതമായി പുകവലിക്കുന്നവർക്ക് രക്തസമ്മർദ്ദം ഉണ്ടാകാനുള്ള സാധ്യത വളരെ കൂടുതലാണ്.
• അമിതമായി മദ്യപിക്കുന്നവർക്ക് ബിപി കൂടാനുള്ള സാധ്യത വളരെ വലുതാണ്. മാത്രമല്ല മദ്യപാനം മറ്റ് പല രോഗങ്ങൾക്കും കാരണമാകും.

ഹെൽത്ത് ടിപ്സുകൾ ദിവസവും ലഭിക്കുവാൻ ഈ പോർട്ടൽ ഫോളോ ചെയ്യുക.

മുടിയുടെ ആരോഗ്യസംരക്ഷണത്തിന് വെളിച്ചെണ്ണ: ഗുണങ്ങളും ശരിയായ ഉപയോഗവും... Read More