പണ്ടുകാലത്ത് ഫാനെന്ന പോലെ ഇപ്പോൾ എയർ കണ്ടീഷണറുകൾ പല വീടുകളുടേയും ഭാഗമായി മാറിക്കഴിഞ്ഞിരിയ്ക്കുന്നു. കനത്ത ചൂടിനെ തടയാൻ വഴിയില്ലാത്തതു കൊണ്ടാണ് പലരും കറന്റ് ചാർജും പണച്ചെലവും നോക്കാതെ ഈ വഴിയിലേയ്ക്കു തിരിയുന്നത്. ചൂടിൽ നിന്നും രക്ഷ നൽകി സുഖകരമായ അന്തരീക്ഷം നൽകുന്നുവെങ്കിലും എയർ കണ്ടീഷണറുകൾ ആരോഗ്യത്തിന് അത്ര നല്ലതല്ല. ആരോഗ്യത്തിനു മാത്രമല്ല, ചർമത്തിലും മുടിയ്ക്കും ഇത് ദോഷം വരുതും.

• എയർ കണ്ടീഷണറുകൾ അന്തരീക്ഷതാപത്തിൽ പെട്ടെന്ന് വ്യതിയാനങ്ങൾ വരുത്തുന്നു. ഇത് ശ്വസനവ്യവസ്ഥയെ ബാധിയ്ക്കുന്നു.
• മ്യൂകസ് മെംമ്പ്രേയ്ൻ വരണ്ടതാക്കുന്നതു വഴി ഇത് ചർമത്തെയും വരണ്ടതാക്കുന്നു.
• ചില എയർ കണ്ടീഷറണുകളെങ്കിലും ശബ്ദമുണ്ടാക്കുന്നവയുണ്ട്. ഇത് ചിലർക്കെങ്കിലും തലവേദന പോലുള്ള പ്രശ്നങ്ങൾ വരുത്തി വയ്ക്കും.
• ശ്വസനസംബന്ധമായ അസുഖങ്ങൾ പടർത്താനും ഇത് കാരണമാകും.
• എയർ കണ്ടീഷണറുകൾ പലപ്പോഴും അലർജിയ്ക്കു കാരണമാകും.
• തൊണ്ടവേദന പോലുള്ള പ്രശ്നങ്ങളും എയർ കണ്ടീഷണറുകൾ വരുത്തി വയ്ക്കും.
• എയർ കണ്ടീഷണറിൽ നിന്നുള്ള വായു ഒരേ മുറിയിൽ തന്നെ സർകുലേറ്റ് ചെയ്യുകയാണ് ചെയ്യുന്നത്. ഇത് കോൾഡ് പോലുള്ള അസുഖങ്ങൾ ഒരാൾക്കുണ്ടെങ്കിൽ പകരുവാൻ ഇട വരുത്തും.
• കൺജങ്റ്റിവൈറ്റിസ്, ബ്ലെപാരൈറ്റിസ് തുടങ്ങിയ നേത്രസംബന്ധമായ അസുഖങ്ങൾക്കും എയർ കണ്ടീഷണറുകൾ കാരണമാകും.
• കോൺടാക്റ്റ് ലെൻസ് ധരിച്ചിരിയ്ക്കുന്നവർക്ക് എസി പൊതുവെ നല്ലതല്ല.
• എസി മുടിയെ വല്ലാതെ വരണ്ടതാക്കും. മുടിയുടെ സ്വാഭാവിക സൗന്ദര്യത്തെ ബാധിയ്ക്കും.
• എയർ കണ്ടീഷൺ റൂമിൽ കൂടുതൽ നേരം ചെലവഴിയ്ക്കുന്നവർക്ക് ക്ഷീണവും തളർച്ചയുമെല്ലാം അധികമാവുകയും ചെയ്യും.

ഹെൽത്ത് ടിപ്സുകൾ ദിവസവും ലഭിക്കുവാൻ ഈ പോർട്ടൽ ഫോളോ ചെയ്യുക.

നഖം കടിക്കുന്നത് ശീലമായവർ ശ്രദ്ധിക്കേണ്ട കാര്യങ്ങൾ... Read More