വര്‍ധിച്ചുവരുന്ന വ്യാപാരക്കമ്മിയും രൂപയുടെ മൂല്യത്തകര്‍ച്ചയും കണക്കിലെടുത്താണ് നിരക്ക് വര്‍ദ്ധന 

സ്വര്‍ണത്തിന്റെ അടിസ്ഥാന ഇറക്കുമതി തീരുവ 7.5 ശതമാനത്തില്‍ നിന്ന് 12.5 ശതമാനമാക്കി കേന്ദ്ര സര്‍ക്കാര്‍ ജൂണ്‍ 30ന് പുറത്തിറക്കിയ ഗസറ്റഡ് വിജ്ഞാപനത്തില്‍ അറിയിച്ചു. കഴിഞ്ഞ മാസം രാജ്യത്തിന്റെ വ്യാപാരക്കമ്മി റെക്കോര്‍ഡ് ഉയരത്തിലേക്ക് ഉയരുകയും രൂപയുടെ മൂല്യം ഇടിയുകയും ചെയ്തതിനെ തുടര്‍ന്നാണ് തീരുമാനം.പെട്രോളിയം നികുതിയില്‍ നിന്നുള്ള വരുമാനം കുറയുന്നത് നികത്തുന്നതിനും,  കറന്റ് അക്കൗണ്ട് കമ്മി നിയന്ത്രിക്കാനുള്ള ശ്രമത്തിന്റെയും ഭാഗമായാണ് സ്വര്‍ണത്തിന്റെ ഇറക്കുമതി തീരുവ വര്‍ദ്ധിപ്പച്ചത്.

റഷ്യയില്‍ നിന്നുള്ള  സ്വര്‍ണ്ണം ഇറക്കുമതി നിരോധിക്കാന്‍ ജി-7 രാജ്യങ്ങള്‍... Read More

ഗവണ്‍മെന്റ് പുറത്തുവിട്ട കണക്കുകള്‍ പ്രകാരം ഇന്ത്യയുടെ വ്യാപാര കമ്മി ഒരു വര്‍ഷം 6.53 ബില്യണ്‍ ഡോളറില്‍ നിന്ന് 24.29 ബില്യണ്‍ ഡോളറായി ഉയര്‍ന്നു. നടപ്പ് സാമ്പത്തിക വര്‍ഷത്തിലെ ആദ്യ രണ്ട് മാസങ്ങളിലെ വ്യാപാര കമ്മി കഴിഞ്ഞ വര്‍ഷം ഇതേ കാലയളവില്‍ 21.82 ബില്യണ്‍ ഡോളറില്‍ നിന്ന് 44.69 ബില്യണ്‍ ഡോളറായി വര്‍ദ്ധിച്ചു. വര്‍ദ്ധിച്ചുവരുന്ന വ്യാപാര അന്തരവും വിദേശ ഫണ്ടുകളുടെ തുടര്‍ച്ചയായ ഒഴുക്കും വെള്ളിയാഴ്ച യുഎസ് ഡോളറിനെതിരെ രൂപയുടെ മൂല്യം റെക്കോര്‍ഡ് താഴ്ന്ന നിലയായ 79.12 രൂപയിലെത്തി.

ചൈന കഴിഞ്ഞാല്‍ ലോകത്തിലെ ഏറ്റവും വലിയ രണ്ടാമത്തെ സ്വര്‍ണ ഉപഭോക്താവാണ് ഇന്ത്യ. രാജ്യം അതിന്റെ സ്വര്‍ണ്ണ ആവശ്യകതയുടെ ഭൂരിഭാഗവും ഇറക്കുമതിയിലൂടെ നിറവേറ്റുന്നു. മെയ് മാസത്തില്‍ സ്വര്‍ണത്തിന്റെ ഇറക്കുമതി ഒരു വര്‍ഷം മുമ്പുള്ളതിനേക്കാള്‍ ഒമ്പത് മടങ്ങ് വര്‍ധിച്ച് 7.7 ബില്യണ്‍ ഡോളറിലെത്തി. വര്‍ധിച്ചുവരുന്ന വ്യാപാരക്കമ്മിയും രൂപയുടെ മൂല്യത്തകര്‍ച്ചയും കണക്കിലെടുത്ത് വിലയേറിയ ലോഹത്തിന്റെ ഇറക്കുമതി തടയാന്‍ ഇറക്കുമതി തീരുവ വര്‍ധിപ്പിക്കാന്‍ കേന്ദ്രസര്‍ക്കാര്‍ തീരുമാനിച്ചു.

രൂപയുടെ മൂല്യത്തകര്‍ച്ചയും മറ്റ് അസ്ഥിരമായ മാക്രോ ഇക്കണോമിക് ഘടകങ്ങളും കാരണം ഇന്ത്യ നിലവില്‍ ഉയര്‍ന്ന കറന്റ് അക്കൗണ്ടും വ്യാപാര കമ്മിയും നേരിടുന്നു. മഹാമാരിക്ക് ശേഷം, സ്വര്‍ണത്തിന്റെ ആവശ്യകതയിലുണ്ടായ വര്‍ധന കമ്മിയെ മോശമായി ബാധിച്ചു. ഇറക്കുമതി തടയാന്‍, സ്വര്‍ണത്തിന്റെ വില വര്‍ധിപ്പിക്കാന്‍ സര്‍ക്കാര്‍ നികുതി വര്‍ധിപ്പിച്ചു. എന്നിരുന്നാലും, ആഭ്യന്തര വിപണിയെ ശക്തിപ്പെടുത്തുന്നതിനായി കഴിഞ്ഞ വര്‍ഷം കേന്ദ്രം ഇറക്കുമതി നികുതി 7.5 ശതമാനമായി കുറച്ചിരുന്നു.

പിടിച്ചെടുത്തത് 350 കിലോ സ്വര്‍ണ്ണം; 14.62 കോടി രൂപ സര്‍ക്കാരിന് ... Read More

സ്വര്‍ണ വില 10 ഗ്രാമിന് 2,000 രൂപ കൂടാന്‍ സാധ്യത 

ഏറ്റവും പുതിയ വര്‍ദ്ധനയ്ക്ക് ശേഷം സ്വര്‍ണത്തിന്മേലുള്ള ലെവി 18.75 ശതമാനമായി ഉയര്‍ത്തും. 12.50 ശതമാനം അടിസ്ഥാന ഇറക്കുമതി തീരുവ, 2.5 ശതമാനം അഗ്രി സെസ്, 0.75 ശതമാനം സാമൂഹ്യക്ഷേമ സര്‍ചാര്‍ജ് എന്നിവ ഉള്‍പ്പെടുന്ന വിലയേറിയ ലോഹത്തിന്റെ മൊത്തത്തിലുള്ള ഫലപ്രദമായ ഇറക്കുമതി നികുതി 15.75 ശതമാനമായി ഉയരും. ചരക്ക് സേവന നികുതിയായി (ജിഎസ്ടി) 3 ശതമാനം അധികമായി വരും. 

ആഭ്യന്തര ആവശ്യം നിറവേറ്റുന്നതിനാണ് വലിയ തോതില്‍ സ്വര്‍ണ്ണം ഇറക്കുമതി ചെയ്യുന്നതെന്ന വസ്തുത കണക്കിലെടുക്കുമ്പോള്‍, ഇത് ആഭ്യന്തര സ്വര്‍ണ്ണത്തിന്റെ വിലയില്‍ 10 ഗ്രാമിന് ഏകദേശം 2,000 രൂപ ആനുപാതികമായി വര്‍ധിക്കാന്‍ ഇടയാക്കും.നിക്ഷേപകരെ സംബന്ധിച്ചിടത്തോളം, ഈ തീരുമാനം ആഭ്യന്തര വിപണിയില്‍ സ്വര്‍ണം ചെലവേറിയതാക്കും, ഇന്നത്തെ സ്വര്‍ണ വിലയിലെ അന്തരം അതിന് തെളിവാണ്. മള്‍ട്ടി-കമ്മോഡിറ്റി എക്സ്ചേഞ്ച് (എംസിഎക്സ്) സ്വര്‍ണ വിലയിലെ ഇന്നത്തെ നിരക്ക് വര്‍ധനയ്ക്ക് വിപണി ഇതിനകം കാരണമായിട്ടുണ്ട്.

മള്‍ട്ടി-കമ്മോഡിറ്റി എക്സ്ചേഞ്ചില്‍, സ്വര്‍ണവില വെള്ളിയാഴ്ച വന്‍ കുതിച്ചുചാട്ടത്തിന് സാക്ഷ്യം വഹിച്ചു.10 ഗ്രാമിന് 2.28 ശതമാനം ഉയര്‍ന്ന് 51,670 രൂപയായി.