- Trending Now:
Sections
Sections
കൊച്ചി: ഇന്ത്യയിലെ പ്രമുഖ ഉപഭോക്തൃ ഇലക്ട്രിക്കൽ, ഇലക്ട്രോണിക്സ് ബ്രാൻഡായ വി-ഗാർഡ്, രാജ്യത്തെ ആദ്യ ഗ്ലാസ് ഫിനിഷ് സ്റ്റോറേജ് വാട്ടർ ഹീറ്റർ ശ്രേണിയായ 'അരിസോ' വിപണിയിലെത്തിച്ചു. ആധുനിക ബാത്ത്റൂമുകളുടെ സൗന്ദര്യസങ്കൽപ്പങ്ങൾക്കൊപ്പം ഉയർന്ന പ്രകടനവും ഉറപ്പാക്കുന്ന രീതിയിലാണ് പുതിയ ശ്രേണി രൂപകൽപ്പന ചെയ്തിരിക്കുന്നത്.
സ്ക്രാച്ച് പ്രതിരോധശേഷിയുള്ള ടഫൻഡ് ബ്ലാക്ക് ഗ്ലാസിൽ നിർമിച്ച മിഡ്നൈറ്റ് ഗ്ലാസ് ഫേഷ്യയാണ് അരിസോ സീരീസിന്റെ പ്രധാന സവിശേഷത. വെള്ളത്തിന്റെ താപനില നിറംമാറുന്ന ലൈറ്റ് ബാർ വഴി തത്സമയം അറിയിക്കുന്ന സ്മാർട്ട് ലൈറ്റ് ഇൻഡിക്കേറ്റർ സംവിധാനവും ഇതിലുണ്ട്. ഡിജിറ്റൽ (ഡിജി) മോഡലുകളിൽ ഗ്ലാസിന് കീഴിൽ ഫ്ലഷ്-എംബെഡഡ് ഡിസ്പ്ലേയും തിരഞ്ഞെടുത്ത മോഡലുകളിൽ റിമോട്ട് കൺട്രോൾ സൗകര്യവും നൽകിയിട്ടുണ്ട്.
നിക്കൽ സമ്പുഷ്ടമായ ഇൻകോളോയ് 800 ഹീറ്റിംഗ് എലമെന്റും വിറ്റ്രിയസ് ഇനാമൽ കോട്ടിങ് നൽകിയ ഇന്നർ ടാങ്ക് വേഗത്തിലുള്ള ചൂടാക്കലും ദീർഘകാല ഉപയോഗക്ഷമതയും ഉറപ്പാക്കുമെന്ന് കമ്പനി അവകാശപ്പെട്ടു. ഉയർന്ന നിലകളിലുള്ള അപ്പാർട്ട്മെന്റുകളിലെ ഉപയോഗം കൂടി കണക്കിലെടുത്ത് 8-ബാർ പ്രഷർ റേറ്റിങ്ങും 5-സ്റ്റാർ ബി.ഇ.ഇ ഊർജക്ഷമതാ റേറ്റിങ്ങും ഉൽപ്പന്നത്തിനുണ്ട്.
'ഉപഭോക്താക്കളുടെ മാറുന്ന ജീവിതശൈലിയും വീടുകളുടെ ആധുനിക രൂപകൽപ്പനയുമാണ് അരിസോ സീരീസിന് പ്രചോദനമായത്. ഇന്ത്യയിലെ ആദ്യ ഗ്ലാസ് ഫിനിഷ് വാട്ടർ ഹീറ്റർ അവതരിപ്പിക്കുന്നതിലൂടെ ഈ വിഭാഗത്തിൽ പുതിയ മാനദണ്ഡം സൃഷ്ടിക്കാനാണ് ലക്ഷ്യമിടുന്നത്,' വി-ഗാർഡ് ഇൻഡസ്ട്രീസ് ലിമിറ്റഡ് മാനേജിങ് ഡയറക്ടർ മിഥുൻ കെ. ചിറ്റിലപ്പിള്ളി പറഞ്ഞു.
The Local Economy is an online business news portal based in Kerala. International, national and local news related to business will reach the.
More..
ThelocalEconomy.in Copyright (c) 2026. All Rights Reserved.
ഇവിടെ പോസ്റ്റു ചെയ്യുന്ന അഭിപ്രായങ്ങൾ THE LOCAL ECONOMY ടേതല്ല. അഭിപ്രായങ്ങളുടെ പൂർണ ഉത്തരവാദിത്തം രചയിതാവിനായിരിക്കും. കേന്ദ്ര സർക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം അധിക്ഷേപങ്ങളും അശ്ലീല പദപ്രയോഗങ്ങളും നടത്തുന്നത് ശിക്ഷാർഹമായ കുറ്റമാണ്. ഇത്തരം അഭിപ്രായ പ്രകടനത്തിന് നിയമനടപടി കൈക്കൊള്ളുന്നതാണ്.