നിരന്തരമായി ഉണ്ടാകുന്ന ചുമ പലരുടെയും ഉറക്കം കെടുത്തുന്ന ഒന്നാണ്. സാധാരണയായി എട്ടാഴ്ച അഥവാ രണ്ടുമാസത്തിൽ കൂടുതൽ നീണ്ടു നിൽക്കുന്ന ചുമയെയാണ് വിട്ടുമാറാത്ത ചുമ എന്നുപറയുന്നത്.
പൊതുവേ രണ്ടു തരത്തിലുള്ള ചുമയാണുള്ളത് കഫത്തോടു കൂടിയതും വരണ്ട ചുമയും. ശ്വാസകോശത്തിലുണ്ടാകുന്ന അണുബാധയുടെ ഭാഗമായാണ് കഫത്തോടുകൂടിയ ചുമ കൂടുതലും ഉണ്ടാകാറുള്ളത്. എന്നാൽ വരണ്ട ചുമയ്ക്ക് കാരണം പലതുമാകാം. സാധാരണയായി വരണ്ട ചുമയാണ് വിട്ടുമാറാത്ത ചുമയായി നീണ്ടു നിൽക്കുന്നത്. അലർജി ഉള്ളവരിലും വിട്ടുമാറാത്ത ചുമ കാണാറുണ്ട്. COPD ഉള്ളവരിലും വിട്ടുമാറാത്ത ചുമയും, ശ്വാസതടസ്സവും ഉണ്ടാകാറുണ്ട്.

രണ്ടുമാസത്തിൽ കൂടുതൽ നീണ്ടു നിൽക്കുന്ന ചുമ ഉള്ളവർ ശരിയായ ടെസ്റ്റുകൾ നടത്തി അതിന്റെ കാരണം കണ്ടെത്തി ചിക്ത്സിക്കുകയാണ് വേണ്ടത്.

വിട്ടുമാറാത്ത ചുമയ്ക്ക് ചില പൊടികൈകൾ

• വരണ്ട ചുമ നിയന്ത്രിക്കാൻ ദിവസവും ഒന്നോ മൂന്നോ തവണ തേൻ ഒരു ടേബിൾ സ്പൂൺ വീതം കഴിക്കുക. ഒരു കപ്പ് ചൂടുവെള്ളത്തിലോ ഹെർബൽ ടീയിലോ തേൻ ചേർത്ത് ദിവസത്തിൽ രണ്ടുതവണ കുടിക്കാം.
• സന്ധിവാതം മുതൽ ശ്വാസകോശ സംബന്ധമായ രോഗങ്ങൾ വരെ ചികിത്സിക്കാൻ കഴിയുന്ന നൂറ്റാണ്ടുകൾ പഴക്കമുള്ള ആയുർവേദ ഔഷധമാണ് മഞ്ഞൾ. ചൂടുള്ള പാലിലോ മറ്റേതെങ്കിലും ചൂടുള്ള പാനീയത്തിലോ ഒരു ടീസ്പൂൺ മഞ്ഞൾ ചേർത്ത് രാത്രി ഉറങ്ങുന്നതിനു മുമ്പ് കഴിക്കാം.
• ദിവസവും മൂന്നു പ്രാവശ്യം ഒരു കപ്പ് ചൂടുവെള്ളത്തിൽ അര ടീസ്പൂൺ ഇഞ്ചിപ്പൊടി ചേർത്ത് കുടിക്കാം. പകരമായി, ഒരു ടേബിൾ സ്പൂൺ ഇഞ്ചി നീരും തേനും കലർത്തി ദിവസത്തിൽ രണ്ടു തവണ കഴിക്കുക.
• ചെറുചൂടുള്ള ഉപ്പ് വെള്ളം വച്ച് തൊണ്ടയിൽ ആവി പിടിക്കുക.
• ഉപ്പുവെള്ളം വച്ചു ഗാർഗ്ലിംഗ് ചെയ്യുക.

ഹെൽത്ത് ടിപ്സുകൾ ദിവസവും ലഭിക്കുവാൻ ഈ പോർട്ടൽ ഫോളോ ചെയ്യുക

പിസിഒഡി ലക്ഷണങ്ങളും പ്രതിരോധവും... Read More