• രാജ്യത്തുടനീളമുള്ള ഉപഭോക്താക്കളെയും ജീവനക്കാരെയും നേത്യത്വനിരയെയും ഒരുമിപ്പിച്ച് ബന്ധങ്ങൾ ശക്തിപ്പെടുത്തുന്നതിനും ഉപഭോക്തൃ ധാരണകൾ ആഴത്തിലാക്കുന്നതിനുമായി 'സ്പർശ് വീക്ക് 2026' ആരംഭിച്ചതായി ഇന്ത്യയിലെ പ്രമുഖ സ്വകാര്യ ബാങ്കുകളിലൊന്നായ ആക്സിസ് ബാങ്ക് അറിയിച്ചു.

കൊച്ചി: സെപ്റ്റംബർ 7 മുതൽ 11 വരെ നടക്കുന്ന ഈ വർഷത്തെ പരിപാടിയുടെ പ്രമേയം 'ആക്റ്റ് വിത്ത് സ്പീഡ് എന്നതാണ്. ഉപഭോക്താക്കളുടെ അഭിപ്രായങ്ങൾ കേട്ട് വേഗത്തിലുള്ള നടപടികളിലൂടെയും മികച്ച സേവനാനുഭവങ്ങളിലൂടെയും പ്രതികരിക്കാനുള്ള ബാങ്കിന്റെ പ്രതിബദ്ധതയാണ് ഇത് പ്രതിഫലിപ്പിക്കുന്നത്. നാലാം വർഷത്തിലേക്ക് കടക്കുന്ന 'സ്പർശ് വീക്ക്', ബാങ്കിന്റെ ഏറ്റവും വലിയ ഉപഭോക്തൃ ഇടപഴകൽ വേദികളിലൊന്നായി മാറിയിട്ടുണ്ട്. അടുത്ത അഞ്ച് ദിവസങ്ങളിലായി രാജ്യത്തെ വിവിധ ഉപഭോക്തൃ വിഭാഗങ്ങളുമായി 2.5 ലക്ഷത്തിലധികം സംഭാഷണങ്ങൾ നടത്താനാണ് ആക്സിസ് ബാങ്കിന്റെ ലക്ഷ്യം.

കാശ്മീർ മുതൽ കന്യാകുമാരി വരെയും കച്ച് മുതൽ കൊഹിമ വരെയുമുള്ള 90-ലധികം ഉന്നത ഉദ്യോഗസ്ഥർ പരിപാടിയിൽ നേരിട്ട് പങ്കെടുക്കും. ശാഖകൾ, വായ്പാ കേന്ദ്രങ്ങൾ, മറ്റ് ഓഫീസുകൾ എന്നിവിടങ്ങളിൽ നേരിട്ടെത്തി അവർ ഉപഭോക്താക്കളുമായും സഹപ്രവർത്തകരുമായും സംവദിക്കും.

സ്പർശ് കേവലം ഒരു കസ്റ്റമർ എൻഗേജ്മെന്റ് പരിപാടിയല്ല. ഉപഭോക്തൃ കേന്ദ്രീകൃത സമീപനത്തിനുള്ള ഒരു മാർഗമാണ്. ഉപഭോക്താക്കളുടെ പ്രതികരണങ്ങൾ ഞങ്ങളുടെ സേവനങ്ങൾ മെച്ചപ്പെടുത്താൻ സഹായിക്കുന്നുവെന്ന് ആക്സിസ് ബാങ്ക് എം.ഡി. & സി.ഇ.ഒ. അമിതാഭ് ചൗധരി പറഞ്ഞു. ഈ വർഷത്തെ 'ആക്റ്റ് വിത്ത് സ്പീഡ്' എന്ന പ്രമേയം ഉപഭോക്താക്കളെ കേൾക്കുന്നതിൽ മാത്രം ഒതുങ്ങാതെ, അവരുടെ പ്രതികരണങ്ങൾ വേഗത്തിലുള്ള നടപടികളാക്കി മാറ്റണമെന്ന ഞങ്ങളുടെ വിശ്വാസമാണ് പ്രതിഫലിപ്പിക്കുന്നതെന്ന് അദ്ദേഹം പറഞ്ഞു.

ഉപഭോക്തൃ ഫീഡ്ബാക്ക് വേഗത്തിലുള്ള നടപടികളാക്കി മാറ്റുന്നതിന്റെ ഭാഗമായി, യോഗ്യരായ ഉപഭോക്താക്കൾക്കായി ലളിതമായ കാർ, ഇരുചക്ര വാഹന വായ്പാ സൗകര്യം സ്പർശ് വീക്കിൽ അവതരിപ്പിക്കും. പൂർണമായും ഡിജിറ്റൽ സംവിധാനത്തിലൂടെ 30 മിനിറ്റിനുള്ളിൽ വായ്പ അനുവദിക്കുന്ന സൗകര്യമാണിത്. പുതിയതും നിലവിലുള്ളതുമായ ഉപഭോക്താക്കൾക്ക് ഈ സേവനം ലഭ്യമാകും.

പ്രത്യേക ഉപഭോക്തൃ അനുഭവങ്ങളും പരിപാടികളും

• മുതിർന്ന പൗരന്മാർക്കായി വിരമിക്കൽ ആസൂത്രണം, ഡിജിറ്റൽ ബാങ്കിംഗ് സുരക്ഷ എന്നിവയിൽ ശ്രദ്ധ കേന്ദ്രീകരിക്കുന്ന പ്രത്യേക പരിപാടികൾ.
• ആഗോള ബാങ്കിംഗ് ആവശ്യങ്ങളും നിക്ഷേപ സാധ്യതകളും മനസ്സിലാക്കുന്നതിനുള്ള എൻആർഐ ഫോറങ്ങൾ.
• വളർച്ചയും സാമ്പത്തിക ഉൾപ്പെടുത്തലും ചർച്ച ചെയ്യുന്ന വനിതാ സംരംഭക കൂട്ടായ്മകൾ.
• സമ്പത്ത് സൃഷ്ടിക്കലും ദീർഘകാല സാമ്പത്തിക സുരക്ഷയും സംബന്ധിച്ച 'വെൽത്ത് അൺപ്ലഗ്ഡ്' ചർച്ചകൾ.
• വളർച്ചാ ലക്ഷ്യങ്ങളും ഡിജിറ്റലൈസേഷനും കേന്ദ്രീകരിച്ചുള്ള എംഎസ്എംഇ റൗണ്ട് ടേബിളുകൾ.
• ഗ്രാമീണ ഉപഭോക്താക്കൾക്കായി സാമ്പത്തിക ബോധവൽക്കരണ പരിപാടികൾ.
• കർഷകർക്കായി ട്രാക്ടർ ലോൺ കാർണിവലുകൾ.
• കോർപ്പറേറ്റ് ഉപഭോക്താക്കളുമായുള്ള ബന്ധം ശക്തിപ്പെടുത്തുന്നതിനുള്ള പ്രത്യേക ചർച്ചകൾ.

ബാങ്കിനുള്ളിൽ ഉപഭോക്തൃ കേന്ദ്രീകൃത ചിന്ത വളർത്തുന്നതിനായി ജീവനക്കാർക്കായി വിവിധ പരിശീലന പരിപാടികളും എഐ മാസ്റ്റർക്ലാസുകളും ഡിസൈൻ തിങ്കിംഗ് വർക്ക്ഷോപ്പുകളും സംഘടിപ്പിക്കും. സ്പർശ് വീക്ക് 2026 രാജ്യത്തുടനീളം പുരോഗമിക്കുമ്പോൾ, ഉപഭോക്താക്കളുടെ ആവശ്യങ്ങളോട് വേഗത്തിൽ പ്രതികരിക്കുക എന്നതാണ് ബാങ്കിന്റെ പ്രധാന ലക്ഷ്യം. ഓരോ ഉപഭോക്തൃ ഇടപെടലും വ്യക്തമായ ഉൾക്കാഴ്ചകളിലേക്കും വേഗത്തിലുള്ള പ്രതികരണങ്ങളിലേക്കും ശക്തമായ ബന്ധങ്ങളിലേക്കും നയിക്കുകയാണ് ലക്ഷ്യമിടുന്നത്.