ബിസിനസ് കാരന്റെ വസ്ത്രധാരണം എങ്ങനെയാകണം. ഒരു വ്യക്തിയുടെ ഏറ്റവും പ്രധാനപ്പെട്ട ഒന്നാണ് വസ്ത്രധാരണം. സ്വയം മികച്ച സങ്കൽപ്പങ്ങൾ ഉള്ള ഒരാൾക്ക് മാത്രമേ മികച്ച രീതിയിൽ വസ്ത്രം ധരിക്കാൻ സാധിക്കുകയുള്ളൂ എന്ന് പറയപ്പെടുന്നു. നിങ്ങൾ എന്താണ് ചിന്തിക്കുന്നത് അതായിരിക്കും നിങ്ങൾ. താനൊരു മികച്ച ബിസിനസുകാരനാണ്, കഴിവുള്ള ഒരാളാണ് എന്ന് ചിന്തിക്കുന്ന ആൾക്ക് മാത്രമേ അങ്ങനെയായി മാറാൻ സാധിക്കുകയുള്ളൂ. നിങ്ങൾ സ്വയം അങ്ങനെ ചിന്തിച്ചു പ്രവർത്തിച്ചാൽ മാത്രമേ സമൂഹവും നിങ്ങളെ അങ്ങനെ കാണുകയുള്ളൂ. നിങ്ങളുടെ ചിന്തയ്ക്ക് അനുസരിച്ച് പ്രവർത്തിയുണ്ടാകുന്നു ആ പ്രവർത്തിക്കനുസരിച്ച് മറ്റുള്ളവർ നിങ്ങളെ വിലയിരുത്തുന്നു ഇതാണ് സത്യം. ബഹുമാനം നിങ്ങൾക്ക് കിട്ടണമെങ്കിൽ നിങ്ങൾ സ്വയം അത് അർഹിക്കുന്നു എന്ന് ചിന്തിക്കണം. മറ്റുള്ളവരാൽ ശ്രദ്ധിക്കപ്പെടണമെങ്കിൽ അതിനേറ്റവും പ്രധാനപ്പെട്ടതാണ് മികച്ച രീതിയിലുള്ള വസ്ത്രധാരണം. ഇങ്ങനെ മികച്ച രീതിയിൽ വസ്ത്രം ധരിച്ചാൽ ഒരാൾക്ക് ഉണ്ടാകുന്ന ഗുണങ്ങളെ കുറിച്ചാണ് ഇന്ന് ഇവിടെ പറയുന്നത്.

• നിങ്ങൾ ബാഹ്യമായി എങ്ങനെ കാണപ്പെടുന്നു എന്നത് നിങ്ങൾ ഉള്ളിൽ എങ്ങനെ ചിന്തിക്കുന്നു എന്നതിനെ അടിസ്ഥാനപ്പെടുത്തിയിരിക്കും. ബാഹ്യമായി വളരെ നീറ്റായി വസ്ത്രം ചെയ്ത ഗ്രൂമിങ് നടത്തുന്ന ഒരാളാണെങ്കിൽ നിങ്ങൾ ഉള്ളിന്റെയുള്ളത് അങ്ങനെ കാണാൻ ആഗ്രഹിക്കുന്നത് കൊണ്ടാണ് എന്ന് മനസ്സിലാക്കുക.ഉദാഹരണമായി ഒരു പോലീസുകാരൻ യൂണിഫോമിൽ ആണെങ്കിൽ അയാൾക്ക് വളരെയധികം ബഹുമാനവും ആദരവും ലഭിക്കുന്നു.
• വൃത്തിയായി ഇരിക്കാൻ വലിയ ചിലവിന്റെ ആവശ്യമൊന്നുമില്ല. നല്ല വൃത്തിയായി നടക്കാൻ നല്ല ആറ്റിട്യൂടാണ് ആവശ്യം. മോശമായി വസ്ത്രം ധരിക്കുന്ന ഭൂരിഭാഗം ആളുകളും അലസമാരും, മടിയന്മാരും ആത്മവിശ്വാസം ഇല്ലാത്തവരും ആണെന്ന് ശ്രദ്ധിച്ചാൽ മനസ്സിലാകും.
• നല്ല വസ്ത്രം ധരിക്കുന്ന ഒരാളെ സംബന്ധിച്ചിടത്തോളം അവന്റെ രൂപം മറ്റുള്ളവരോട് അവനെക്കുറിച്ച് സംസാരിക്കുകയും മറ്റുള്ളവരിൽ അവന് മതിപ്പുണ്ടാക്കുകയും ചെയ്യും.
• നിങ്ങളുടെ രൂപഭാവത്തിന്റെ അടിസ്ഥാനത്തിലാണ് ആളുകൾ നിങ്ങളെ വിലയിരുത്തുന്നത്. ഇതൊരു ബിസിനസുകാരൻ വ്യക്തമായി മനസ്സിലാക്കിയിരിക്കണം.
• മോശമായി വസ്ത്രം ധരിക്കുന്ന ആൾ നെഗറ്റീവായ കാര്യങ്ങൾ ആയിരിക്കും കൂടുതലും പറയുന്നത്. അവൻ അശ്രദ്ധനാണ് കാര്യക്ഷമത ഇല്ലാത്തവനാണ് എന്ന് വിളിച്ചു പറയുന്നത് പോലെയാണ് മോശമായി ഡ്രസ്സിംഗ് നടത്തുന്ന ആളുകൾ മറ്റുള്ളവരുടെ മുന്നിൽ തന്നെക്കുറിച്ച് അവതരിക്കുന്നത്.
• നിങ്ങളുടെ രൂപത്തെ ബഹുമാനിക്കുക. ആ ബഹുമാനം നിങ്ങളുടെ വസ്ത്രങ്ങളിലൂടെയും ഗ്രൂമിങ്ങിലൂടെയും കാണിക്കുക. ഇതിന് വില കൂടിയ വസ്ത്രങ്ങൾ ധരിക്കണം എന്നുള്ളതല്ല വ്യക്തമാക്കുന്നത്.നിങ്ങളുടെ വസ്ത്രങ്ങൾ വൃത്തിയായി അലക്കിത്തേച്ച് മറ്റുള്ളവരുടെ മുന്നിൽ കാഴ്ചയ്ക്ക് മനോഹരം ആക്കുക എന്നതാണ്.

നിങ്ങൾ എന്താണെന്ന് കരുതുന്നു അതാണ് നിങ്ങൾ . നിങ്ങളുടെ രൂപം നിങ്ങൾ താഴ്ന്നവരാണെന്ന് തോന്നുകയാണെങ്കിൽ നിങ്ങൾ അങ്ങനെയായി മാറും. നിങ്ങളെ ചെറുതായി ചിന്തിപ്പിക്കുകയാണെങ്കിൽ നിങ്ങൾ ചെറുതാണ്. അതുകൊണ്ട് നിങ്ങൾ മികച്ചതായി ചിന്തിക്കുകയും പ്രവർത്തിക്കുകയും ചെയ്യുക.

മുദ്ര ലോൺ ആർക്കൊക്കെ ലഭിക്കും? അപേക്ഷിക്കേണ്ടത് എങ്ങനെ?... Read More

ചെറുകിട സംരംഭകർക്കും സംരംഭം ആരംഭിക്കാൻ ഉദ്ദേശിക്കുന്നവർക്കുമുള്ള ടിപ്പുകൾ നിരന്തരം ലഭിക്കുവാൻ വേണ്ടി ഞങ്ങളെ ഫോളോ ചെയ്യുക