നഗരങ്ങളിലും വലിയ വില്പനക്കണക്കുകളാണ് സാംസങ്ങിന്റേത്

ഇന്ത്യന്‍ മൊബൈല്‍ വിപണിയില്‍ വന്‍മുന്നേറ്റം നടത്തി സാംസങ് ഇന്ത്യ. കഴിഞ്ഞ സെപ്തംബര്‍ - ഒക്ടോബര്‍ കാലയളവില്‍ 14,400 കോടി രൂപയുടെ മൊബൈല്‍ ഫോണുകള്‍ വിറ്റഴിച്ചതായി കമ്പനി അവകാശപ്പെട്ടു.പ്രീമിയം കാറ്റഗറി സ്മാര്‍ട് ഫോണ്‍ വിഭാഗത്തില്‍ 99% വളര്‍ച്ചയാണ് കമ്പനി നേടിയത്. ഈ വര്‍ഷം ജനുവരി മുതല്‍ സെപ്തംബര്‍ വരെയുള്ള കാലയളവില്‍, 5G സ്മാര്‍ട് ഫോണ്‍ സെയില്‍സില്‍ 178% വളര്‍ച്ചയാണ് കമ്പനി നേടിയത്. വാര്‍ഷികാടിസ്ഥാനത്തിലുള്ള വര്‍ധനയാണിത്.

ഈ വര്‍ഷത്തെ ഉത്സവ സീസണില്‍ റെക്കോര്‍ഡ് വില്പനയാണ് കമ്പനി നടത്തിയത്. സെപ്തംബര്‍ 1 മുതലുള്ള 60 ദിവസ കാലയളവില്‍ 14,400 കോടിയുടെ വില്പനയാണ് നടന്നത്. കഴിഞ്ഞ വര്‍ഷവുമായി താരതമ്യം ചെയ്യുമ്പോള്‍ ഡബിള്‍ ഡിജിറ്റ് വളര്‍ച്ചയാണ് കമ്പനി നേടിയത്. ഈ വളര്‍ച്ചയ്ക്ക് പ്രധാനമായും സംഭാവന ചെയ്തത് സാംസങ് ഫിനാന്‍സ് പ്ലസാണ്. ഈ പ്ലാറ്റ്‌ഫോമിലൂടെയുള്ള വിനിമയങ്ങള്‍ മൂന്നു മടങ്ങായി, 10 ലക്ഷത്തിലധികമായി വര്‍ധിച്ചു.

രാജ്യത്ത് മരുന്നുകളില്‍ ബാര്‍കോഡ് നിര്‍ബന്ധമാക്കി; തുടക്കത്തില്‍ 300 ബ്രാന്‍ഡുകള്‍ എത്തും... Read More

ടയര്‍ II, ടയര്‍ III നഗരങ്ങളില്‍ മികച്ച വളര്‍ച്ചയാണ് കമ്പനി നേടിയത്. നഗരങ്ങളിലും വലിയ വില്പനക്കണക്കുകളാണ് സാംസങ്ങിന്റേത്. പ്രീമിയം വിഭാഗത്തിലുള്ള സ്മാര്‍ട് ഫോണുകളില്‍ 30,000 രൂപയ്ക്കു മുകളിലുള്ളവയില്‍ 99% വളര്‍ച്ച രേഖപ്പെടുത്തി. ഈ വര്‍ഷം ജനുവരി മുതല്‍ സെപ്തംബര്‍ വരെയുള്ള കണക്കാണിത്. കഴിഞ്ഞ വര്‍ഷത്തെ ഇതേ കാലയളവുമായി താരതമ്യം ചെയ്യുമ്പോഴാണ് ഈ വളര്‍ച്ച.

കൗണ്ടര്‍ പോയിന്റ് റിസര്‍ച്ചിന്റെ ഏറ്റവും പുതിയ റിപ്പോര്‍ട്ട് പ്രകാരം ഇന്ത്യയിലെ രണ്ടാത്തെ ഏറ്റവും വലിയ സ്മാര്‍ട് ഫോണ്‍ സെല്ലറാണ് സാംസങ്. ജൂലൈ- സെപ്തംബര്‍ പാദത്തില്‍ 18% മാര്‍ക്കറ്റ് ഷെയര്‍ വോളിയമാണ് കമ്പനിക്കുള്ളതെന്നും റിപ്പോര്‍ട്ട് വ്യക്തമാക്കുന്നു. സാംസങ് ഇന്ത്യയുടെ ആകെ മൊബൈല്‍ ഫോണ്‍ ബിസിനസ്, 20% വളര്‍ന്നതായി കമ്പനി അവകാശപ്പെടുന്നു. 2022 ലെ ആദ്യ 9 മാസങ്ങളില്‍ വരുമാന അടിസ്ഥാനത്തില്‍ 22% വിപണി പങ്കാളിത്തമാണ് കമ്പനിക്കുള്ളത്.