ഇന്ത്യയിലുടനീളമുള്ള ദശലക്ഷക്കണക്കിന് ഉപയോക്താക്കൾക്ക് ഡിജിറ്റൽ പേയ്മെന്റുകൾ ദൈനംദിന ഇടപാടുകൾ വേഗത്തിലും എളുപ്പത്തിലും ലഭ്യമാകുന്നതുമാക്കി മാറ്റിയിട്ടുണ്ട്. ഈ സൗകര്യം വർദ്ധിക്കുന്നതിനനുസരിച്ച് ഉപയോക്താക്കൾ അറിവുള്ളവരും ജാഗ്രതയുള്ളവരുമായിരിക്കുന്നത് പ്രധാനമാണ്. സുരക്ഷിതമായ പേയ്മെന്റ് ശീലങ്ങൾ ലളിതമായി പിന്തുടരാവുന്നവയാണ്. ഇത് സുരക്ഷിതമായ ഡിജിറ്റൽ അനുഭവങ്ങൾ ഉറപ്പാക്കുന്നതിൽ വളരെ അധികം സഹായിക്കും.

• പണമടയ്ക്കുന്നതിന് മുമ്പ് എപ്പോഴും പരിശോധിക്കുക: ഏതെങ്കിലും പേയ്മെന്റ് നടത്തുന്നതിന് മുമ്പ് സ്ക്രീനിൽ കാണിക്കുന്ന പേര് പരിശോധിക്കുക. നിങ്ങൾ പണമടയ്ക്കാൻ ഉദ്ദേശിക്കുന്ന വ്യക്തിയുടെയോ സ്ഥാപനത്തിന്റെയോ പേരാണെന്ന് ഉറപ്പാക്കണം. ഏതാനും നിമിഷങ്ങൾ പരിശോധിച്ച് ഉറപ്പാക്കുന്നത് തെറ്റുകൾ ഒഴിവാക്കാൻ സഹായിക്കും.
• വിശ്വസനീയമായ പേയ്മെന്റ് ആപ്പുകളും വെബ്സൈറ്റുകളും മാത്രം ഉപയോഗിക്കുക: ഔദ്യോഗികവും അറിയപ്പെടുന്നതുമായ ആപ്പുകളോ വെബ്സൈറ്റുകളോ വഴി മാത്രം പേയ്മെന്റുകൾ നടത്തുക. നിങ്ങൾക്ക് പരിചയമില്ലാത്തതോ വിശ്വാസമില്ലാത്തതോ ആയ ആളുകൾ അയക്കുന്ന ലിങ്കുകൾ ക്ലിക്കുചെയ്യുകയോ ആപ്പുകൾ ഡൗൺലോഡ് ചെയ്യുകയോ ചെയ്യരുത്.
• നിങ്ങളുടെ പിൻ, ഒടിപി ആർക്കും നൽകരുത്: നിങ്ങളുടെ യുപിഐ പിൻ, ഒടിപി, അല്ലെങ്കിൽ ബാങ്ക് വിവരങ്ങൾ സ്വകാര്യവും രഹസ്യവുമാണ്. ബാങ്കിൽ നിന്നോ പോലീസിൽ നിന്നോ ഏതെങ്കിലും സർക്കാർ ഓഫീസിൽ നിന്നോ ആണെന്ന് പറഞ്ഞ് ആരെങ്കിലും ആവശ്യപ്പെട്ടാലും ഈ വിവരങ്ങൾ ആർക്കും നൽകരുത്.
• ഒരു പണമിടപാടിലും തിടുക്കം കാണിക്കരുത്: ആരെങ്കിലും നിങ്ങളോട് പെട്ടെന്ന് പണമടയ്ക്കാനോ നിങ്ങളുടെ വിവരങ്ങൾ അടിയന്തിരമായി നൽകാൻ ആവശ്യപ്പെട്ടാൽ, ഒരു നിമിഷം എടുക്കുക. നിങ്ങൾ പരിശോധിച്ച് പിന്നെ വിളിക്കാമെന്നു പറയാം. സമയമെടുക്കുന്നതിൽ തെറ്റില്ല.
• പേയ്മെന്റ് അലേർട്ടുകൾ ഓണാക്കി അവ ഇടയ്ക്കിടെ പരിശോധിക്കുക: നിങ്ങളുടെ പണമിടപാടുകൾക്കായി എസ്എംഎസ്, ആപ്പ് നോട്ടിഫിക്കേഷനുകൾ ഓണാക്കുക. ഓരോ അലേർട്ടും ശ്രദ്ധാപൂർവ്വം വായിക്കുക. എന്തെങ്കിലും തെറ്റായി തോന്നിയാൽ ഉടൻ തന്നെ നിങ്ങളുടെ ബാങ്കുമായോ പേയ്മെന്റ് ആപ്പുമായോ ബന്ധപ്പെടുക.

ചില ശ്രദ്ധാപൂർവമായ ശീലങ്ങൾ സ്വീകരിക്കുന്നതിലൂടെ ഓരോ ഉപയോക്താവും അവരുടെ ഡിജിറ്റൽ സുരക്ഷയുടെ ഉത്തരവാദിത്തം ഏറ്റെടുക്കുന്നുവെന്ന് ഉറപ്പാക്കാൻ കഴിയും. അവബോധവും ഉത്തരവാദിത്തമുള്ള ഉപയോഗവും ഡിജിറ്റൽ പേയ്മെന്റുകൾ ദൈനംദിന ജീവിതത്തിന്റെ ഭാഗമായി തുടരാം. 1930 അല്ലെങ്കിൽ ടെലികമ്മ്യൂണിക്കേഷൻ വകുപ്പ് (https://sancharsaathi.gov.in/sfc) ഡയൽ ചെയ്ത് ദേശീയ സൈബർക്രൈം ഹെൽപ്പ്ലൈനിൽ സംശയാസ്പദമായ നമ്പർ റിപ്പോർട്ട് ചെയ്യുക. മെസേജുകൾ സേവ് ചെയ്യുക, സ്ക്രീൻഷോട്ടുകൾ എടുക്കുക, ഇടപെടലുകൾ രേഖപ്പെടുത്തുക. നിങ്ങൾക്ക് ഒരു റിപ്പോർട്ട് ഫയൽ ചെയ്യണമെങ്കിൽ ഇത് അധികാരികളെ സഹായിക്കും.