മാസം തികയാതെയുള്ള ജനനത്തെക്കുറിച്ചും ലോകമെമ്പാടുമുള്ള മാസം തികയാതെയുള്ള കുഞ്ഞുങ്ങളുടേയും അവരുടെ കുടുംബങ്ങളുടേയും ആശങ്കകളെക്കുറിച്ചും അവബോധം സൃഷ്ടിക്കുന്നതിനായി എല്ലാ വർഷവും നവംബർ 17 ന് ലോക പ്രിമെച്യുരിറ്റി ദിനം ആചരിക്കുന്നു. ലോകമെമ്പാടും മാസം തികയാതെയുള്ള ജനനം അതിവേഗം വർദ്ധിച്ചുകൊണ്ടിരിക്കുന്നതിനാൽ ഇത് വളരെ പ്രധാനമാണ്. ലോകാരോഗ്യ സംഘടനയുടെ (ഡബ്ല്യുഎച്ച്ഒ) കണക്കനുസരിച്ച് ഓരോ വർഷവും ലോകമെമ്പാടുമുള്ള ഏകദേശം 15 ദശലക്ഷം ശിശുക്കൾ മാസം തികയാതെ ജനിക്കുന്നു. ഇങ്ങനെ ജനിക്കുന്ന ശിശുക്കൾക്കു പ്രായേണ 2,500 ഗ്രാമിൽ കുറവായിരിക്കും തൂക്കം. ഈ ശിശുക്കൾക്ക് ഗർഭാശയത്തിനു വെളിയിലുള്ള പരിസ്ഥിതിയുമായി ഇണങ്ങിച്ചേരാനുള്ള കഴിവ് കുറവായിരിക്കും. ലോകത്ത് ഇന്ന് നടക്കുന്ന പ്രസവങ്ങളിൽ 7-12 % വരെ അകാല ജനനങ്ങളാണ്. 34 ആഴ്ചകൾക്ക് മുമ്പുള്ള കുട്ടികളെയാണ് നമ്മൾ യഥാർത്ഥത്തിൽ Preterm കുട്ടികൾ എന്ന് പറയുന്നത്. അതിൽ തന്നെ 28 ആഴ്ചയിൽ താഴെയുള്ള കുട്ടികളെ Extreme Preterm എന്ന് പറയും. 23-24 ആഴ്ച പൂർത്തിയായതിന് ശേഷം മാത്രമാണ് ഒരു കുഞ്ഞിന് ജീവിക്കാനുള്ള സാധ്യത വരുന്നത്.

കാരണങ്ങൾ

• മാതാവിന്റെ പ്രായം 20ൽ താഴെയോ 35-ന് മുകളിലോ ആണെങ്കിൽ അകാലജനനത്തിനുള്ള സാധ്യത കൂടുതലാണ്.
• ഒരേ പ്രസവത്തിൽ ഒന്നിലേറെ ശിശുക്കൾ ഉണ്ടാകുമ്പോഴും ഇത് സാധാരണമാണ്.
• ഗർഭകാലത്ത് അമ്മമാരിൽ കാണുന്ന പ്രഷർ, ഡയബറ്റിസ്, ഇൻഫെക്ഷൻ (പ്രത്യേകിച്ച് മൂത്രത്തിൽ പഴുപ്പ്).
• പ്ലാസന്റയിലെ പ്രശ്നങ്ങൾ.
• സെർവിക്സുമായി ബന്ധപ്പെട്ട പ്രശ്നങ്ങൾ.
• ഗർഭാശയത്തിലെ പ്രശ്നങ്ങൾ.
• കുഞ്ഞിന്റെ വളർച്ചയിൽ പ്രശ്നങ്ങൾ.
• മുമ്പത്തെ ഫെർട്ടിലിറ്റി ചികിത്സ.
• ഗർഭധാരണങ്ങൾക്കിടയിലുള്ള ചെറിയ സമയം

കുഞ്ഞുങ്ങൾക്ക് ഉണ്ടാകുന്ന സങ്കീർണതകൾ

• ശ്വസന പ്രശ്നങ്ങൾ.
• ഹൃദയ പ്രശ്നങ്ങൾ
• മസ്തിഷ്ക പ്രശ്നങ്ങൾ.
• താപനില നിയന്ത്രണ പ്രശ്നങ്ങൾ
• ദഹന പ്രശ്നങ്ങൾ
• ഉപാപചയ പ്രശ്നങ്ങൾ
• രോഗപ്രതിരോധ വ്യവസ്ഥയുടെ പ്രശ്നങ്ങൾ

ദീർഘകാല സങ്കീർണതകൾ

ദീർഘകാലാടിസ്ഥാനത്തിൽ, അകാല ജനനം ഇനിപ്പറയുന്നതുപോലുള്ള ആരോഗ്യപ്രശ്നങ്ങളിലേക്ക് നയിച്ചേക്കാം

• സെറിബ്രൽ പാൾസി
• പഠിക്കുന്നതിൽ പ്രശ്നം
• കാഴ്ച പ്രശ്നങ്ങൾ
• കേൾവി പ്രശ്നങ്ങൾ
• ദന്ത പ്രശ്നങ്ങൾ
• പെരുമാറ്റവും മാനസികാരോഗ്യ പ്രശ്നങ്ങളും

ഹെൽത്ത് ടിപ്സുകൾ ദിവസവും ലഭിക്കുവാൻ ഈ പോർട്ടൽ ഫോളോ ചെയ്യുക

സിഒപിഡി ഗുരുതര രോഗമോ? ലക്ഷണങ്ങളെയും ചികിത്സയെയും കുറിച്ചറിയാം... Read More