മുകേഷ് അംബാനി യാത്ര ചെയ്യുമ്പോൾ നീണ്ട സുരക്ഷാ വാഹനങ്ങളുടെ അകമ്പടിയോടെയാണ് അദ്ദേഹം യാത്ര ചെയ്യുന്നത്

മുകേഷ് അംബാനിയുടെ ഉടമസ്ഥതയിലുള്ള കറുകളിൽ റോൾസ് റോയിസും മെഴ്‌സിഡസ് മോഡലുകളും എല്ലാമുണ്ട്. റോൾസ് റോയിസ് ഫാന്റത്തിന് 13.50 കോടി രൂപയാണ് വില എങ്കിൽ മേബാക്ക് ബോഡലിന് 10.5 കോടി രൂപയാണ് വില. ഫെരാരിയും ബെനറ്റ്‌ലിയുടെ ഫ്‌ലയിങ് സൂപ്പർ കാറുമെല്ലാം ഗാരേജിലുണ്ട്. ലോകത്തിലെ തന്നെ ഏറ്റവും ചെലവേറിയ വീടായ മുംബൈയിലെ ആൻറിലിയയുടെ ഗാരേജും അൾട്രാ ലക്ഷ്വറി തന്നെയാണ്. മുകേഷ് അംബാനി സ്ഥിരമായി യാത ചെയ്യുന്ന സുരക്ഷാ വാഹനങ്ങളും ഫാൻസി സ്പോർട്സ് കാറുകളും കിടിലൻ എസ്യുവികളും എല്ലാം ഇതിൽ ഉൾപ്പെടുന്നു. മുകേഷ് അംബാനിയുടെ ആഡംബര വാഹനങ്ങളും ഗാരേജുമൊക്കെ പലപ്പോഴും ചർച്ചയാകാറുണ്ടെങ്കിലും ഈ ഗാരേജിൽ അംബാനി ഓർഡർ ചെയ്ത രണ്ട് മോട്ടോർസൈക്കിളുകളും ഇടം പിടിക്കാറുണ്ടെന്നത് ശ്രദ്ധേയമാണ്.

രണ്ട് കസ്റ്റമൈസ്ഡ് റോയൽ എൻഫീൽഡ് ബുള്ളറ്റ് 350 മോട്ടോർസൈക്കിളുകൾ ആണ് ഗാരേജിലെ ഇരുചക്ര വാഹനങ്ങളിൽ ചിലത്. ഡ്രൈവ്‌സ്പാർക്കിന്റെ ഒരുറിപ്പോർട്ട് അനുസരിച്ച്, റിലയൻസ് ഇൻഡസ്ട്രീസ് ലിമിറ്റഡിന്റെ ചെയർമാനായിരിക്കുമ്പോൾ ആണ് 2018-ൽ അദ്ദേഹത്തിന് രണ്ട് കസ്റ്റം-ബിൽറ്റ് മോട്ടോർസൈക്കിളുകൾ ലഭിക്കുന്നത്. റോഡ് റേജ് കസ്റ്റം ബിൽഡ്‌സ് ആണ് ഈ ബൈക്കുകൾ കസ്റ്റമൈസ് ചെയ്ത് മനോഹരമാക്കിയത്. മുകേഷ് അംബാനിക്കായി കസ്റ്റം ബിൽറ്റ് റോയൽ എൻഫീൽഡ് ബൈക്കുകളുടെ മുൻവശത്ത് വലിയ പ്രൊട്ടക്റ്റീവ് വൈസർ ഘടിപ്പിച്ചിട്ടുണ്ട്. ഇതിന് ഇരുവശത്തും വലിയ പാനിയറുകളും ടോപ്പ് ബോക്‌സും ഉൾപ്പെടുത്തിയിരിക്കു ന്നു.

ഇന്റർനെറ്റ് വേണ്ട, ഏത് ഫോണിൽ നിന്നും യുപിഐ ഇടപാട് നടത്താം; പുതിയ സംവിധാനവുമായി പ്രമുഖ ബാങ്ക്... Read More

രണ്ട് പോലീസ് മോട്ടോർസൈക്കിളുകളും അദ്ദേഹത്തിന്റെ സുരക്ഷാ വിഭാഗത്തിന്റെ ഭാഗമായ രണ്ട് പോലീസ് ഉദ്യോഗസ്ഥർക്ക് ആണ് നൽകിയിരിക്കുന്നത്. കസ്റ്റമൈസ് ചെയ്ത ബൈക്കുകളുടെ ബോഡി നീലയും മഞ്ഞയും സ്‌ട്രൈപ്പുകളുള്ള ഓഫ്-വൈറ്റ് നിറത്തിലാണ് പെയിന്റ് ചെയ്തിരിക്കുന്നത്. മുന്നിലും പിന്നിലും പോലീസ് ബീക്കണുകളും 'പോലീസ്' ഡെക്കലുകളും ഒക്കെ ബൈക്കിലുണ്ട്. മുകേഷ് അംബാനി യാത്ര ചെയ്യുമ്പോൾ നീണ്ട സുരക്ഷാ വാഹനങ്ങളുടെ അകമ്പടിയോടെയാണ് അദ്ദേഹം യാത്ര ചെയ്യുന്നത്. റേഞ്ച് റോവർ, എംജി ഗ്ലോസ്റ്റർ, ടൊയോട്ട ഫോർച്യൂണർ, ഫോർഡ് എൻഡവർ തുടങ്ങിയ കാറുകൾ ഈ വാഹനവ്യൂഹത്തിൽ ഉൾപ്പെടുന്നു. ബിഎംഡബ്ല്യു 760എൽഐ, മേബാക്ക് ബെൻസ് എസ്660 ഗാർഡ് എന്നിവയുൾപ്പെടെ രണ്ട് ബുള്ളറ്റ് പ്രൂഫ് കാറുകളും അദ്ദേഹത്തിനുണ്ട്.