ദിവസം രണ്ട് തവണ മുതൽ നാല് തവണ വരെ കുളിക്കുന്നവരാണ് നമ്മൾ മലയാളികൾ. ആരോഗ്യത്തിന് ഏറെ ഗുണം ചെയ്യുന്ന ഈ പ്രവൃത്തി ക്ഷീണം ഇല്ലാതാക്കുകയും പ്രസരിപ്പ് നൽകുകയും ചെയ്യുന്നു. എന്നാൽ ശരീരത്തിലൂടെ വെറുതെ കുറച്ച് വെള്ളമെടുത്ത് ഒഴിച്ചാൽ അത് കുളിയാകില്ല. അതിന്റെ ഗുണങ്ങൾ ലഭിക്കണമെങ്കിൽ ആരോഗ്യവശങ്ങൾ അറിഞ്ഞ് തന്നെ കുളിക്കണം. തെറ്റായ രീതിയിൽ കുളിച്ചാൽ ഇത് ആരോഗ്യത്തെ ബാധിക്കും എന്നാണ് ആയുർവ്വേദത്തിൽ പറയുന്നത്.

• ഇന്ന് മിക്കവരും ഷവറിനടിയിൽ നിന്ന് കുളിക്കുന്നവരാണ്. അതുകൊണ്ട് തന്നെ ആദ്യം നനയ്ക്കുക ശിരസായിരിക്കും. എന്നാൽ ഇത് വിവിധ തരത്തിലുള്ള ആരോഗ്യപ്രശ്നങ്ങൾക്ക് കാരണമാകുമെന്ന് ആയുർവേദത്തിൽ പറയുന്നു. കാരണം നേരിട്ട് തലയിൽ വെള്ളമൊഴിക്കുമ്പോൾ തലവേദന പോലുള്ള അസ്വസ്ഥതകൾ ഉണ്ടാകാൻ സാധ്യതയുണ്ട്.
• കാലിൽ വെള്ളമൊഴിച്ച് വേണം കുളിക്കാൻ തുടങ്ങാൻ. കാരണം കാലിൽ വെള്ളമൊഴിക്കുന്നത് വഴി തണുപ്പ് വരുന്നുണ്ടെന്ന് തലച്ചോറിനെ അറിയിക്കാനാകും. അല്ലെങ്കിൽ ജലദോഷം, നീർക്കെട്ട് പോലെയുള്ള അസുഖങ്ങൾ പിടിപെടും.
• നമ്മുടെ ശരീരം പൊതുവേ ചൂടുളളതാണ്. അതിനിടെ തലയിലേക്ക് പെട്ടെന്ന് തണുത്ത വെള്ളം വീഴുമ്പോൾ ശരീരം അതിവേഗം ശരീരോഷ്മാവ് ക്രമപ്പെടുത്താൻ ശ്രമിക്കും. ഇതിന്റെ ഫലമായി രക്തയോട്ടം അതിവേഗത്തിലാക്കും. ഇത് പതിവായാൽ തലച്ചോറിലെ രക്തക്കുഴൽ പൊട്ടുന്നതുൾപ്പെടെയുളള പ്രശ്നങ്ങളിലേക്ക് ക്രമേണ നയിച്ചേക്കാം.
• ഉയർന്ന രക്തസമ്മർദം, കോളസ്ട്രോൾ, മൈഗ്രേൻ ഉൾപ്പെടെയുള്ള അസുഖങ്ങൾ ഉള്ളവർ ഈ രീതി പിന്തുടരണം.
• കുളി കഴിഞ്ഞാൽ ആദ്യം തലയല്ല തോർത്തേണ്ടത്. തല തോർത്തുന്നതിന് മുൻപ് നാം മുതുക് തോർത്തണം. ആദ്യം തല തോർത്തി തുടങ്ങുന്നത് ആരോഗ്യത്തിന് അത്ര നല്ലതല്ലെന്നാണ് ആയുർവേദത്തിൽ പറയുന്നത്.

ഹെൽത്ത് ടിപ്സുകൾ ദിവസവും ലഭിക്കുവാൻ ഈ പോർട്ടൽ ഫോളോ ചെയ്യുക.

അമിതമായ ഉറക്കം പക്ഷാഘാതം ഉണ്ടാകാനുള്ള സാധ്യത വർധിപ്പിക്കുമോ?... Read More