എല്ലാവർക്കും അവരുടെ കിടപ്പുമുറി പ്രിയപ്പെട്ടതാകും. റൂമിന്റെ വലുപ്പമല്ല, ഉപയോഗക്ഷമതയാണ് പ്രധാനം. വലിയ മുറിയാണെങ്കിലും സ്ഥലം ഉപയോഗിക്കുന്നത് ശരിയായ രീതിയിൽ അല്ലെങ്കിൽ പിന്നെ, പറഞ്ഞിട്ട് കാര്യമില്ല പുതിയ മുറി പ്ളാൻ ചെയ്യുമ്പോൾ മാത്രമല്ല, പഴയ മുറി റീസെറ്റ് ചെയ്തും മനോഹരമാക്കാം.

• ബെഡ്റൂം ഒരിക്കലും സ്റ്റോർ റൂമായി ഉപയോഗിയ്ക്കരുത്. വേണ്ടതും വേണ്ടാത്തതുമായ സാധനങ്ങൾ സൂക്ഷിയ്ക്കരുതെന്നർത്ഥം.
• ബെഡ്റൂമിൽ സ്ഥലലഭ്യത ഉറപ്പാക്കുക. സ്ഥലപരിമിതി നിങ്ങളെ ശ്വാസം മുട്ടിയ്ക്കും. മനസു മടുപ്പിയ്ക്കും.
• ബെഡ് റൂമിനകത്തിരുന്നു ഭക്ഷണം കഴിക്കുന്ന ശീലമുണ്ടെങ്കിൽ അത് മാറ്റുന്നത് ബെഡ്റൂമിനെ വൃത്തിയായി സൂക്ഷിക്കാൻ അനിവാര്യമാണ്.
• മനസിനെ സ്പർശിയ്ക്കുന്ന രീതിയിലുള്ള അലങ്കാരങ്ങൾ ഉപയോഗിയ്ക്കുക. നിങ്ങളുടെ കുടംബഫോട്ടോയാകാം, ഒരുമിച്ചുള്ള ചിത്രങ്ങളോ പരസ്പം നൽകിയിട്ടുള്ള ചെറിയ സമ്മാനങ്ങളോ വിവാഹചിത്രമോ ആകാം.
• എഴുന്നേറ്റയുടനെ തന്നെ കിടക്കവിരിച്ചിടുന്നതു ഒരു ശീലമാക്കി നോക്കൂ, റൂമിനോടുള്ള നിങ്ങളുടെ ഇഷ്ടം കൂടുന്നത് അനുഭവിച്ചറിയാം.
• നിറങ്ങൾക്ക് മനസിനെയും ശരീരത്തേയും സ്വാധീനിയ്ക്കാനാകും. മനസിന് സന്തോഷം നൽകുന്ന, റൊമാൻസുണർത്തുന്ന നിറങ്ങൾ ബെഡ്റൂമിൽ ഉപയോഗിയ്ക്കുക.
• ബെഡ്റൂമിലെ ഫർണിച്ചറുകൾ വലിപ്പമുള്ളതാകാതിരിക്കാൻ ശ്രദ്ധിക്കുക. ഉദാഹരണത്തിന് ബെഡിന്റെ ഹെഡ് സ്പേസ് മീഡിയം സൈസിലുള്ളത് ആണെങ്കിൽ അവ റൂമിൽ കൂടുതൽ സ്ഥലം ചെലവാക്കുന്നതായി അനുഭവപ്പെടില്ല.
• മണമുള്ള മെഴുകുതിരികൾ മുറിയിൽ ഉപയോഗിയ്ക്കാം. മുറിയിലെ സുഗന്ധം മനസിനെ ഉണർത്തും.
• ബെഡ്റൂമിലെ പെയിന്റിനോട് ചേരുന്ന ഷീറ്റുകളും കർട്ടനുകളുമെല്ലാം ഉപയോഗിയ്ക്കുക.
• ബെഡ്റൂമിൽ ടെലിവിഷൻ വയ്ക്കാതിരിയ്ക്കുകയാണ് നല്ലത്. ഇത് ബെഡ്റൂമിന്റെ ആകെയുള്ള അന്തരീക്ഷത്തെ മാറ്റുകയും അലോസരം സൃഷ്ടിയ്ക്കുകയും ചെയ്യും.
• ബെഡ് റൂമിന് കൊടുക്കുന്ന പെയിന്റിന്റെ നിറം ഏറെ ശ്രദ്ധിക്കേണ്ട കാര്യമാണ്. ഇഷ്ടപ്പെട്ട നിറം നിങ്ങൾക്ക് കൊടുക്കാമെങ്കിലും ലൈറ്റ് ഷെയ്ഡുള്ള പെയിന്റായിരിക്കും കൂടുതൽ അഭികാമ്യം.

ഹെൽത്ത് ടിപ്സുകൾ ദിവസവും ലഭിക്കുവാൻ ഈ പോർട്ടൽ ഫോളോ ചെയ്യുക

അടുക്കള എങ്ങനെ വൃത്തിയായി സൂക്ഷിക്കാം... Read More