നിങ്ങളുടെ സെയിൽസ് ജീവിതം ആസ്വദിക്കാൻ കഴിയുന്നവരാണോ നിങ്ങൾ. ശരിക്കും ഏറ്റവും മികച്ച ഒരു പ്രൊഫഷൻ തന്നെയാണ് സെയിൽസ്. സെയിൽസ് നിങ്ങൾക്ക് ആസ്വാദ്യകരമാണോ എന്നതാണ് പ്രധാനപ്പെട്ട കാര്യം. കസ്റ്റമറിനെ കണ്ട് സെയിൽസ് ടാർജറ്റ് ഒക്കെ നടത്തി കഴിയുമ്പോൾ തളർന്നു പോകുന്നവരാണോ നിങ്ങൾ. അതോ അടുത്ത ദിവസം രാവിലെ എണീക്കുമ്പോഴും ഇനിയും എനിക്ക് നല്ല രീതിയിൽ സെയിൽസ് ചെയ്യണം എന്ന് ഉഷാറോടെ വരുന്നവരാണോ. ഇങ്ങനെ ഉഷാറായി എണീക്കുന്നവരാണ് സെയിൽസിൽ തുടരാൻ യോഗ്യരായിട്ടുള്ളവർ. അതിനുപകരം മടിച്ച് വേറൊരു ഗെത്യന്തരവുമില്ലാതെ ചെയ്യുന്ന സെയിൽസ് ജോലിയിൽ നിങ്ങൾക്ക് മുന്നോട്ട് കൊണ്ടുപോകാൻ സാധിക്കില്ല ആ സെയിൽസിൽസ് നിങ്ങൾക്ക് ഗുണവും തരില്ല. വ്യക്തിപരമായി ഇത് നിങ്ങൾക്ക് ദോഷകരമായിരിക്കും. ഇങ്ങനെയുള്ളവർ സെയിൽസ് ജോലി നിർത്തി മറ്റെന്തെങ്കിലും ജോലിക്ക് പോകുന്നതായിരിക്കും നല്ലത്. അതിനുപകരം സെയിൽസ് ജോലി നിങ്ങളെ പ്രചോദിപ്പിക്കുന്നുണ്ട് പുതിയ ആളുകളെ കാണുകയും ടാർജറ്റ് അച്ചീവ് ചെയ്യുകയും പുതിയ വെല്ലുവിളികൾ ഏറ്റെടുത്തുകൊണ്ട് മുന്നോട്ടുപോവുകയും ചെയ്യുന്നവർ ആണെങ്കിൽ നിങ്ങൾക്ക് ഏറ്റവും യോജിച്ച ജോലി സെയിൽസ് തന്നെയാണ്. കാരണം ധീരന്മാർക്ക് ചേർന്ന ജോലിയാണ് സെയിൽസ്. ഒരു സാധാരണക്കാരന് ഒരിക്കലും യോജിച്ച ജോലിയല്ല സെയിൽസ്. കഴിവുള്ള ഒരാൾക്ക് മാത്രമേ സെയിൽസിൽ നിൽക്കാൻ സാധിക്കുകയുള്ളൂ എന്ന് മനസ്സിലാക്കുക.

സെയിൽസിൽ വർഷങ്ങളായി നിൽക്കുന്നവർ തികച്ചും ധീരന്മാർ തന്നെയാണ്. അങ്ങനെ സെയിൽസിൽ തുടർച്ചയായി നിൽക്കാൻ കഴിയുന്ന ചില കാര്യങ്ങളെ കുറിച്ചാണ് ഇന്ന് പറയുന്നത്.

• സെയിൽസിൽ നിങ്ങൾക്ക് ഒരു പാഷൻ ഉണ്ടാവുക എന്നതാണ് ആദ്യത്തേത്. സെയിൽസ് എന്ന് പറയുന്നത് കുറച്ച് കാശ് മാത്രം സമ്പാദിക്കുന്നതല്ല. സെയിൽസ് നടത്തുമ്പോൾ അതിൽ ഹാപ്പി ഉണ്ടാവുക എന്നതാണ് പ്രധാനം.
• ധാർമിക മൂല്യങ്ങൾ കൈവിട്ടു കൊണ്ട് സന്തോഷം കൈവരിക്കരുത്. ആരെയും പറ്റിച്ചു കൊണ്ട് നിങ്ങളുടെ സംസാരശേഷികൊണ്ട് പ്രോഡക്റ്റ് വിൽക്കുന്നവർ ആകരുത്. പ്രോഡക്റ്റിന്റെ മൂല്യവും ആ പ്രോഡക്റ്റ് കൊണ്ട് കസ്റ്റമറിന് നിരന്തരമായി ഗുണമുണ്ടാകുന്ന ഒരു പ്രോസസ് ആയിരിക്കണം സെയിൽസിൽ വരേണ്ടത്. നിങ്ങൾക്കും കമ്പനിക്കും കസ്റ്റമറിനും ഗുണകരമാകുന്ന തരത്തിൽ ആയിരിക്കണം സെയിൽസ് കൊണ്ടുപോകേണ്ടത്. അങ്ങനെ ചിന്തിക്കുന്ന സെയിൽസ്മാൻമാരാണ് വിജയികളായി മാറുന്നത്.
• മടുപ്പ് ഉണ്ടാകാതിരിക്കുക എന്നതാണ് മൂന്നാമത്തെ കാര്യം. സെയിൽസ് രംഗത്ത് പെട്ടെന്ന് പെട്ടെന്ന് വിജയം കൈവരിക്കാൻ കഴിയില്ല കുറച്ച് സമയം എടുക്കും. അങ്ങനെ സമയമെടുക്കുന്നതിനുള്ള ക്ഷമത നിങ്ങൾക്കുണ്ടായിരിക്കണം. അതുകൊണ്ട് ദീർഘകാലം നിലനിൽക്കാൻ വേണ്ടി ക്ഷമയും അതുപോലെ കസ്റ്റമറുമായി റാപ്പോ ഉണ്ടാക്കുവാനുള്ള സമയവും എക്സ്പീരിയൻസും വേണം. അതിനുവേണ്ടിയുള്ള കൃത്യമായി സമയം കൊടുക്കാൻ നിങ്ങൾ തയ്യാറാകണം.
• നിങ്ങളുടെ സെയിൽസ് ജീവിതത്തിൽ എപ്പോഴും പുതിയ ആശയങ്ങൾ കൊണ്ടുവരികയും, ഇന്നവേഷൻസ് കൊണ്ടുവരികയും അത് പ്രാവർത്തികമാക്കുകയും ചെയ്യണം. എപ്പോഴും ഒരുപോലെ സെയിൽസ് നടത്താൻ വേണ്ടി ശ്രമിക്കരുത്. വ്യത്യസ്തത സെയിൽസിൽ കൊണ്ടുവരിക എന്നത് വളരെ ഇംപോർട്ടൻസ് ആണ്.
• കസ്റ്റമർ ഫീഡ്ബാക്ക് അതുപോലെതന്നെ പുതിയ ഉൽപ്പന്നങ്ങളോട് കസ്റ്റമർക്കുള്ള താല്പര്യം എന്നിവയൊക്കെ മനസ്സിലാക്കി പ്രവർത്തിക്കുന്നവർ ആയിരിക്കണം. എന്തുതന്നെയായാലും ചെയ്യുന്ന പ്രവർത്തി വളരെ ആസ്വദിച്ച് ചെയ്യുന്ന ഒരാൾക്ക് സെയിൽസ് മുന്നോട്ടു പോകുവാൻ തീർച്ചയായും സാധിക്കും.അങ്ങനെ ആസ്വദിച്ചു ചെയ്യുവാനുള്ള ത്വര നിങ്ങൾക്ക് എപ്പോഴും ഉണ്ടാകണം.

സെയിൽസിനെക്കുറിച്ചുള്ള ടിപ്പുകൾ ദിവസവും ലഭിക്കുവാൻ ഈ പോർട്ടൽ ഫോളോ ചെയ്യുക

കസ്റ്റമേഴ്സിനോട് റഫറൻസ് ചോദിക്കുന്ന അവസരത്തിൽ സെയിൽസ്മാന്മാർ ശ്രദ്ധിക്കേണ്ട കാര്യങ്ങൾ... Read More