Home Kerala Gold

Gold Rate | Gold Price Today in Kerala | കുതിപ്പ് തുടർന്ന് സ്വർണവില; 81,000 പിന്നിട്ടു

Wednesday, Sep 10, 2025

Gold Price in Kerala Crosses ₹81,000 per Sovereign

സംസ്ഥാനത്ത് സ്വർണവിലയിലെ കുതിപ്പ് തുടരുന്നു. ഒരു പവൻ സ്വർണത്തിന്റെ വില ഇന്ന് 160 രൂപ വർധിച്ചു. ഇതോടെ ഒരു പവൻ സ്വർണത്തിന്റെ വില ആദ്യമായി 81,000 രൂപ പിന്നിട്ട് 81,040 രൂപയിലേക്ക് എത്തി. ഇന്നലെ 1,000 രൂപയുടെ വൻ വില വർധനയെത്തുടർന്ന സ്വർണവില ആദ്യമായി 80,000 രൂപ പിന്നിട്ടിരുന്നു.

ആഗസ്റ്റ് അവസാന വാരത്തോടാരംഭിച്ച വില വർധനവ് സെപ്റ്റംബറിലും ആവർത്തിക്കുന്ന കാഴ്ചയാണ് സ്വർണവിപണിയിൽ കാണുവാൻ സാധിക്കുന്നത്. സെപ്റ്റംബർ ഒന്നിന് 77,640 രൂപയ്ക്ക് വിൽപ്പന നടന്ന സ്വർണമാണ് പത്ത് ദിവസത്തിനിടെ വൻ വില വർധനയുടെ ഫലമായി 81,040 രൂപയിലേക്ക് എത്തി നിൽക്കുന്നത്. സെപ്റ്റംബർ മാസം ആരംഭിച്ചതിൽ പിന്നെ ഇന്നുവരെ ആകെ 3,400 രൂപയുടെ വർധനയാണ് ഒരു പവൻ സ്വർണത്തിന്റെ വിലയിൽ ഉണ്ടായിട്ടുള്ളത്

നേരത്തെ, ആഗസ്റ്റ് 25ന് 74,440 രൂപയ്ക്ക് വിൽപ്പന നടന്ന സ്വർണം ആഗസ്റ്റ് 31 ആയപ്പോഴേക്കും 76,960 രൂപയിലേക്ക് ഉയർന്നിരുന്നു. ആഗസ്റ്റ് 25 ലെ വിലയിൽ നിന്നും ഇന്നത്തെ വിലയിലേക്ക് എത്തുമ്പോൾ ആകെ 6,600 രൂപയുടെ വർധന ഒരു പവൻ സ്വർണത്തിന് സംഭവിച്ചിരിക്കുകയാണ്.

ഒരു ഗ്രാം സ്വർണത്തിന്റെ വില ഇന്ന് 20 രൂപ വർധിച്ച് 10,130 രൂപയിലേക്ക് ഉയർന്നു.

സ്വർണവിലയിൽ ദിവസവുമുണ്ടാകുന്ന മാറ്റം കൃത്യമായി അറിയുവാനായി ഈ പോർട്ടൽ ഫോളോ ചെയ്യുക

ഇവിടെ പോസ്റ്റു ചെയ്യുന്ന അഭിപ്രായങ്ങൾ THE LOCAL ECONOMY ടേതല്ല. അഭിപ്രായങ്ങളുടെ പൂർണ ഉത്തരവാദിത്തം രചയിതാവിനായിരിക്കും. കേന്ദ്ര സർക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം അധിക്ഷേപങ്ങളും അശ്ലീല പദപ്രയോഗങ്ങളും നടത്തുന്നത് ശിക്ഷാർഹമായ കുറ്റമാണ്. ഇത്തരം അഭിപ്രായ പ്രകടനത്തിന് നിയമനടപടി കൈക്കൊള്ളുന്നതാണ്.