Home Kerala Gold

Gold Rate | Gold Price Today in Kerala | രണ്ട് ദിവസത്തെ നേരിയ ഇടിവിന് പിന്നാലെ വൻ കുതിപ്പിൽ സ്വർണവില

Tuesday, Sep 16, 2025

സംസ്ഥാനത്ത് ശനിയാഴ്ചയും ഇന്നലെയുമായി സംഭവിച്ച നേരിയ വില ഇടിവിന് പിന്നാലെ ഇന്ന് സ്വർണവിലയിൽ വൻ വർധന. ഒരു പവൻ സ്വർണത്തിന് 640 രൂപയുടെ വർധനയാണിന്നുണ്ടായത്. ഇതോടെ ഒരു പവൻ സ്വർണത്തിന്റെ വില 82,080 രൂപ എന്ന പുതിയ റെക്കോർഡ് ഉയരത്തിലേക്ക് എത്തി.

സെപ്റ്റംബർ ഒന്നിന് 77,640 രൂപയ്ക്ക് വിൽപ്പന നടന്ന സ്വർണത്തിന് രണ്ടാഴ്ചക്കൊണ്ട് വില നിരന്തരം ഉയരുകയും തുടർച്ചയായി ഏറ്റവും ഉയർന്ന നിരക്കെന്ന റെക്കോർഡ് തിരുത്തിപ്പോരുകയുമായിരുന്നു. ഇതെത്തുടർന്ന് സെപ്റ്റംബർ 9ന് ചരിത്രത്തിലാദ്യമായി സ്വർണവില 80,000 രൂപ പിന്നിട്ട് 80,880 രൂപയിലേക്ക് എത്തുകയും ചെയ്തിരുന്നു. സെപ്റ്റംബർ 10ന് 81,000 രൂപ പിന്നിട്ട സ്വർണവില ഇന്ന് ആദ്യമായി 82,000 പിന്നിട്ടിരിക്കുകയാണ്.

കഴിഞ്ഞ മാസം 26 മുതലാണ് സ്വർണവില തുടർച്ചായി ഉയരാൻ തുടങ്ങിയത്. സെപ്റ്റംബർ 25ന് 74,440 രൂപയ്ക്കാണ് ഒരു പവൻ സ്വർണത്തിന്റെ വിൽപ്പന നടന്നത്. മൂന്നാഴ്ച പിന്നിടുമ്പോൾ 7,640 രൂപയുടെ വർധന ഒരു പവൻ സ്വർണത്തിന്റെ വിലയിൽ ഉണ്ടായിട്ടുണ്ട്.

ഒരു ഗ്രാം സ്വർണത്തിന്റെ വില ഇന്ന് 80 രൂപ വർധിച്ച് 10,260 രൂപയിലേക്ക് ഉയർന്നു.

സ്വർണവിലയിൽ ദിവസവുമുണ്ടാകുന്ന മാറ്റം കൃത്യമായി അറിയുവാനായി ഈ പോർട്ടൽ ഫോളോ ചെയ്യുക.

ഇവിടെ പോസ്റ്റു ചെയ്യുന്ന അഭിപ്രായങ്ങൾ THE LOCAL ECONOMY ടേതല്ല. അഭിപ്രായങ്ങളുടെ പൂർണ ഉത്തരവാദിത്തം രചയിതാവിനായിരിക്കും. കേന്ദ്ര സർക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം അധിക്ഷേപങ്ങളും അശ്ലീല പദപ്രയോഗങ്ങളും നടത്തുന്നത് ശിക്ഷാർഹമായ കുറ്റമാണ്. ഇത്തരം അഭിപ്രായ പ്രകടനത്തിന് നിയമനടപടി കൈക്കൊള്ളുന്നതാണ്.