സംസ്ഥാനത്ത് കഴിഞ്ഞ ദിവസങ്ങളിൽ തുടർന്ന് പോന്ന വൻ വിലവർധനവിന് പിന്നാലെ ഇന്ന് സ്വർണവിലയിൽ നേരിയ ഇടിവ് സംഭവിച്ചു. ഒരു പവൻ സ്വർണത്തിന് 80 രൂപയുടെ നേരിയ കുറവാണിന്നുണ്ടായത്. ഇതോടെ ഒരു പവൻ സ്വർണത്തിന്റെ വില 79,480 രൂപയായി കുറഞ്ഞു. ശനിയാഴ്ച വിൽപ്പന നടന്ന സ്വർണവിലയുടെ ചരിത്രത്തിലെ ഏറ്റവും ഉയർന്ന നിരക്കായ 79,560 രൂപയിൽ നിന്നുമാണ് ഇന്ന് സ്വർണവിലയിൽ നേരിയ കുറവ് സംഭവിച്ചിരിക്കുന്നത്. സ്വർണവില 80,000 രൂപയിലേക്ക് എത്താൻ കേവലം 520 രൂപയുടെ വ്യത്യാസമാത്രമാണ് ഇന്നത്തെ വിലയിൽ നിന്നുമുള്ളത്.

നേരത്തെ, 77,640 രൂപയ്ക്ക് സെപ്റ്റംബർ ഒന്നിന് വിൽപ്പന ആരംഭിച്ച സ്വർണത്തിന് പിന്നീട് വീണ്ടും വില കുതിച്ചുയുർന്ന് നിരന്തരം റെക്കോർഡുകൾ തിരുത്തി മുന്നേറുകയായിരുന്നു. സെപ്റ്റംബർ രണ്ടിന് 77,800 രൂപയിലേക്ക് ഉയർന്ന സ്വർണവില സെപ്റ്റംബർ മൂന്നിന് 78,440 രൂപയിലേക്കും ഉയർന്നു. സെപ്റ്റംബർ നാലിന് നേരിയ വില ഇടിവിലൂടെ 78,360 രൂപയായി കുറഞ്ഞ സ്വർണവില, പിന്നീട് വെള്ളിയാഴ്ച 78,920 രൂപയായി ഉയരുകയും ശനിയാഴ്ച ആ റെക്കോർഡ് തിരുത്തി ചരിത്രത്തിലാദ്യമായി 79,000 രൂപ പിന്നിട്ട് 79,560 രൂപയിലേക്ക് ഉയരുകയും ചെയ്തിരുന്നു.

ആഗസ്റ്റ് മാസം ആദ്യ മൂന്ന് വാരങ്ങളിൽ തുടർച്ചയായി വില ഇടിഞ്ഞ സ്വർണത്തിന് ആഗസ്റ്റ് 26 മുതലാണ് തുടർച്ചയായി വില കുതിച്ചുയരാൻ തുടങ്ങിയത്. ആഗസ്റ്റ് മാസം അവസാനവാരത്തെ തുടർച്ചയായ വില വർധനവ് സെപ്റ്റംബർ ആദ്യവാരവും സ്വർണം ആവർത്തിക്കുകയായിരുന്നു. ആഗസ്റ്റ് 25ന് വിൽപ്പന നടന്ന 74,440 രൂപയിൽ നിന്നും ഇന്നത്തെ വിലയിലേക്ക് എത്തുമ്പോൽ 5,040 രൂപയുടെ വർധന ഒരു പവൻ സ്വർണത്തിന്റെ വിലയിൽ ഉണ്ടായിട്ടുണ്ട്.

ഒരു ഗ്രാം സ്വർണത്തിന്റെ വില ഇന്ന് 10 രൂപ കുറഞ്ഞ് 9,945 രൂപയായി താഴ്ന്നു. ഒരു ഗ്രാം സ്വർണത്തിന്റെ വില 10,000 രൂപയിലേക്ക് എത്താൻ കേവലം 55 രൂപയുടെ വർധന മാത്രമാണ് ഇനിയുള്ളത്.

സ്വർണവിലയിൽ ദിവസവുമുണ്ടാകുന്ന മാറ്റം കൃത്യമായി അറിയുവാനായി ഈ പോർട്ടൽ ഫോളോ ചെയ്യുക