Home Kerala Gold

Gold Rate | Gold Price Today in Kerala | സ്വർണവിലയിൽ ഇന്ന് വീണ്ടും കുതിപ്പ്; 520 രൂപ കൂടി

Wednesday, Dec 03, 2025

Gold Price Rises Again in Kerala; Sovereign Up by ₹520

സംസ്ഥാനത്ത് ഇന്ന് സ്വർണവിലയിൽ വീണ്ടും വർധനവ് രേഖപ്പെടുത്തി. ഒരു പവൻ സ്വർണത്തിന്റെ വിലയിൽ 520 രൂപയുടെ വർധനയാണിന്നുണ്ടായത്. ഇതോടെ ഒരു പവൻ സ്വർണത്തിന്റെ വില 95,760 രൂപയായി ഉയർന്നു. ഇന്നലെ രാവിലെ 200 രൂപയുടെയും വൈകുന്നേരം 240 രൂപയുടെയും ഇടിവ് നേരിട്ട സ്ഥാനത്താണ് ഇന്ന് വില വർധിച്ചിരിക്കുന്നത്.

ഡോളറിനെതിരെ രൂപയുടെ മൂല്യത്തകർച്ച സ്വർണവില കുതിച്ചുയരാൻ കാരണമായിത്തീർന്നിട്ടുണ്ട്. നവംബർ 30ന് ഒരു ഡോളറിന് 89.35 രൂപ എന്ന നിലയിൽ നിന്നും ഇന്ന് ഒരു ഡോളറിന് 90.21 രൂപ എന്ന നിലയ്ക്ക് രൂപയുടെ മൂല്യമിടിഞ്ഞിരുന്നു. ഇത് സ്വർണവിലയുടെ വർധനയെ സ്വാധീനിച്ചിട്ടുണ്ട്.

കഴിഞ്ഞ മാസാദ്യം 90,200 രൂപയ്ക്ക് വിൽപ്പന നടന്ന സ്വർണം ആദ്യവാരങ്ങളിൽ വില ഇടിഞ്ഞതിനെത്തുടർന്ന് 89,080 രൂപയിലേക്ക് വില താഴുകയും രണ്ടാം വാരത്തിൽ വില കുത്തനെ കുതിച്ചുയർന്നതിനെത്തുടർന്ന് 13ന് 94,320 രൂപയിലേക്ക് കുതിച്ചുയരുകയും മൂന്നാം വാരത്തിൽ വീണ്ടും വില ഇടിഞ്ഞതിനെത്തുടർന്ന് 21 ആയപ്പോഴേയ്ക്കും 90,920 രൂപയിലേക്ക് വില താഴുകയും നാലാം വാരത്തിൽ വീണ്ടും വില കുതിച്ചുയർന്നതിനെത്തുടർന്ന് നവംബർ 30ന് 95,200 രൂപയിലേക്ക് വില കുതിച്ചെത്തുകയും ചെയ്തിരുന്നു.

ഒരു ഗ്രാം സ്വർണത്തിന്റെ വില 65 രൂപ ഉയർന്ന് 11,970 രൂപയിലേക്ക് എത്തി.

സ്വർണവിലയിൽ ദിവസവുമുണ്ടാകുന്ന മാറ്റം കൃത്യമായി അറിയുവാനായി ഈ പോർട്ടൽ ഫോളോ ചെയ്യുക.

ഇവിടെ പോസ്റ്റു ചെയ്യുന്ന അഭിപ്രായങ്ങൾ THE LOCAL ECONOMY ടേതല്ല. അഭിപ്രായങ്ങളുടെ പൂർണ ഉത്തരവാദിത്തം രചയിതാവിനായിരിക്കും. കേന്ദ്ര സർക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം അധിക്ഷേപങ്ങളും അശ്ലീല പദപ്രയോഗങ്ങളും നടത്തുന്നത് ശിക്ഷാർഹമായ കുറ്റമാണ്. ഇത്തരം അഭിപ്രായ പ്രകടനത്തിന് നിയമനടപടി കൈക്കൊള്ളുന്നതാണ്.