Home Kerala Gold

Gold Rate | Gold Price Today in Kerala | തുടർച്ചയായ രണ്ടാം ദിനവും കുതിച്ച് സ്വർണവില; വീണ്ടും 75,000 ന് മുകളിൽ

Wednesday, Aug 27, 2025

Gold price in Kerala rises to ₹75,120 per sovereign

സംസ്ഥാനത്ത് തുടർച്ചയായ രണ്ടാം ദിനവും സ്വർണവിലയിൽ കുതിപ്പ് രേഖപ്പെടുത്തി. ഒരു പവൻ സ്വർണത്തിന് 280 രൂപയുടെ വർധനയാണിന്നുണ്ടായത്. ഇതോടെ ഒരു പവൻ സ്വർണത്തിന്റെ വില 75,120 രൂപയിലേക്ക് ഉയർന്നു. ആഗസ്റ്റ് 11 ശേഷം ഇതാദ്യമായാണ് സ്വർണവില പിന്നെയും 75,000 രൂപ കടന്ന് മുന്നേറുന്നത്.

നേരത്തെ, ജൂലൈ 23ന് 75,040 രൂപയിലേക്ക് എത്തിയാണ് സ്വർണവില ആദ്യമായി മുക്കാൽ ലക്ഷത്തിലേക്ക് എത്തിയത്. പിന്നീട് ആഗസ്റ്റ് ആറിനും ഇതേ നിരക്കിലേക്ക് എത്തിയിരുന്നു എന്നാൽ ആഗസ്റ്റ് ഏഴിന് 75,200 രൂപയിലേക്ക് ഉയർന്നു, തുടർന്ന് ആഗസ്റ്റ് എട്ടിന് 75,760 രൂപയിലേക്ക് ഉയർന്ന് സർവ്വകാല റെക്കോർഡ് ഉയർച്ചയിലേക്ക് എത്തുകയും ചെയ്തിരുന്നു.

ആഗസ്റ്റ് എട്ടിന് റെക്കോർഡ് നിരക്കിലേക്ക് എത്തിയ സ്വർണത്തിന് പിന്നീടുള്ള 12 ദിവസങ്ങളിൽ വില വർധിച്ചതേയില്ല. അതിൽ എട്ട് ദിവസം വില ഇടിയുകയും ബാക്കിയുള്ള നാല് ദിവസം വില മാറ്റമില്ലാതെ തുടരുകയും ചെയ്തിരുന്നു. ആഗസ്റ്റ് 21 മുതൽ വീണ്ടും വില ചാഞ്ചാട്ടം തുടർന്നെങ്കിലും ഇന്നലെയും ഇന്നുമായി വില തുടർച്ചായി ഉയരുകയായിരുന്നു. ഇന്നലെ ഒരു പവൻ സ്വർണത്തിന് 400 രൂപ വർധിച്ചിരുന്നു.

ഒരു ഗ്രാം സ്വർണത്തിന്റെ വില ഇന്ന് 35 രൂപ വർധിച്ച് 9,390 രൂപയിലേക്ക് ഉയർന്നു.

സ്വർണവിലയിൽ ദിവസവുമുണ്ടാകുന്ന മാറ്റം കൃത്യമായി അറിയുവാനായി ഈ പോർട്ടൽ ഫോളോ ചെയ്യുക

ഇവിടെ പോസ്റ്റു ചെയ്യുന്ന അഭിപ്രായങ്ങൾ THE LOCAL ECONOMY ടേതല്ല. അഭിപ്രായങ്ങളുടെ പൂർണ ഉത്തരവാദിത്തം രചയിതാവിനായിരിക്കും. കേന്ദ്ര സർക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം അധിക്ഷേപങ്ങളും അശ്ലീല പദപ്രയോഗങ്ങളും നടത്തുന്നത് ശിക്ഷാർഹമായ കുറ്റമാണ്. ഇത്തരം അഭിപ്രായ പ്രകടനത്തിന് നിയമനടപടി കൈക്കൊള്ളുന്നതാണ്.