- Trending Now:
Sections
Sections
കൊച്ചി: നടപ്പു സാമ്പത്തിക വർഷത്തിൻറെ മൂന്നാം ത്രൈമാസത്തിൽ യെസ് ബാങ്കിൻറെ അറ്റാദായം വാർഷികാടിസ്ഥാനത്തിൽ 55.4 ശതമാനവും ത്രൈമാസാടിസ്ഥാനത്തിൽ 45.4 ശതമാനവും വർധിച്ച് 952 കോടി രൂപയിലെത്തി. ത്രൈമാസത്തിലെ പ്രവർത്തന ലാഭം വാർഷികാടിസ്ഥാനത്തിൽ 28.7 ശതമാനം വർധിച്ച് 1,389 കോടി രൂപയിലും എത്തിയിട്ടുണ്ട്.
ബാങ്കിൻറെ അറ്റ പലിശ വരുമാനം വാർഷികാടിസ്ഥാനത്തിൽ 10.9 ശതമാനം വർധനവോടെ 2,466 കോടി രൂപയിലെത്തി. തുടർച്ചയായ ആറാം ത്രൈമാസത്തിലും ചെലവും വരുമാനവുമായുള്ള അനുപാതം കുറച്ച് 66.1 ശതമാനം എന്ന നിലയിൽ എത്തിച്ചിട്ടുണ്ട്.
ബാങ്കിൻറെ നിക്ഷേപങ്ങൾ 5.5 ശതമാനം വാർഷിക വർധനവോടെ 2,92,524 കോടി രൂപയിലെത്തി. കാസ അനുപാതം 34 ശതമാനമെന്ന നിലയിലേക്കും ഉയർന്നു. അറ്റ വായ്പകൾ 5.2 ശതമാനം വാർഷിക വർധനവോടെ 2,57,451 കോടി രൂപയിലും എത്തി.
ലാഭക്ഷമതയുടെ കാര്യത്തിലെ വളർച്ചയും ആസ്തി നിലവാരത്തിൽ ശക്തമായ വർധനവുണ്ടായതും അടക്കം വളരെ മികച്ചൊരു ത്രൈമാസത്തിലൂടെയാണ് യെസ് ബാങ്ക് കടന്നു പോയതെന്ന് മാനേജിങ് ഡയറക്ടറും സിഇഒയുമായ പ്രശാന്ത് കുമാർ പറഞ്ഞു. വായ്പകളുടെ കാര്യത്തിൽ മുന്നേറ്റം കൈവരിക്കാനായെന്നും കാസ പ്രകടനത്തിൽ മുൻനിരയിൽ നിൽക്കുന്ന പ്രകടനം തുടരാനായെന്നും ഈ മേഖല മൊത്തത്തിൽ നേരിട്ട വെല്ലുവിളികൾക്കിടയിലും കാസയുടെ കാര്യത്തിലുണ്ടായ ഗണ്യമായ ഉയർച്ച നിക്ഷേപങ്ങളുടെ ചെലവിൻറെ കാര്യത്തിൽ മെച്ചപ്പെടുത്തലുകൾ വരുത്താനും സഹായിച്ചതായി അദ്ദേഹം കൂട്ടിച്ചേർത്തു.
The Local Economy is an online business news portal based in Kerala. International, national and local news related to business will reach the.
More..
ThelocalEconomy.in Copyright (c) 2026. All Rights Reserved.
.png)
.png)
ഇവിടെ പോസ്റ്റു ചെയ്യുന്ന അഭിപ്രായങ്ങൾ THE LOCAL ECONOMY ടേതല്ല. അഭിപ്രായങ്ങളുടെ പൂർണ ഉത്തരവാദിത്തം രചയിതാവിനായിരിക്കും. കേന്ദ്ര സർക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം അധിക്ഷേപങ്ങളും അശ്ലീല പദപ്രയോഗങ്ങളും നടത്തുന്നത് ശിക്ഷാർഹമായ കുറ്റമാണ്. ഇത്തരം അഭിപ്രായ പ്രകടനത്തിന് നിയമനടപടി കൈക്കൊള്ളുന്നതാണ്.