മൂന്നാം മോദി സർക്കാരിന്റെ മൂന്നാം ബജറ്റ് ലോക്സഭയിൽ ധനമന്ത്രി നിർമലാ സീതാരാമൻ അവതരിപ്പിക്കുന്നു. തുടർച്ചയായി ഏറ്റവും കൂടുതൽ തവണ ബജറ്റ് അവതരിപ്പിച്ച ധനമന്ത്രിയെന്ന നേട്ടം തുടർന്ന ധനമന്ത്രി പതിവിന് വിപരീതമായി ഞായറാഴ്ച ബജറ്റവതരിപ്പിക്കുക എന്ന പ്രത്യേകതയും സ്വന്തമാക്കി. ബജറ്റിൽ മുംബൈ - പൂണെ, പൂണെ, ഹൈദരാബാദ്, ഹൈദരാബാദ്, ബെംഗളൂരു, ഹൈദരാബാദ്-ചെന്നെ, ചെന്നൈ-ബംഗളൂരു, ഡൽഹി-വരാണസി, വരാണി-സിലിഗുരി എന്നീ ഏഴ് അതിവേഗ റെയിൽ ഇടനാഴികൾ പ്രഖ്യാപിച്ചു. കേരളം അതിവേഗ റെയിൽ പദ്ധതിയിൽ ഇടംപിടിച്ചില്ല. 12 പുതിയ ജലപാതകളിലും കേരളം ഉൾപ്പെട്ടില്ല. എന്നാൽ ധാതു ഇടനാഴി പദ്ധതിയിൽ കേരളം ഉൾപ്പെട്ടു. അപൂർവ ധാതുഖനനം വർധിപ്പിക്കുവാനായി ആണ് ഈ പദ്ധതി പ്രഖ്യാപിച്ചത്. ഒഡീഷ കേരളം, ആന്ധ്രപ്രദേശ്, തമിഴ്നാട് തുടങ്ങിയ സംസ്ഥാനങ്ങളെ ഉൾപ്പെടുത്തിയാണ് ധാതു ഇടനാഴി പ്രഖ്യാപിച്ചത്. നികുതി ഇനങ്ങളിൽ നിരവധി പ്രഖ്യാപനങ്ങൾ നടത്തിയ ധനമന്ത്രി പുതിയ ആദായ നികുതി നിയമം ഈ ഏപ്രിലിൽ നിലവിൽ വരുമെന്ന് പ്രഖ്യാപിച്ചു.

ബജറ്റിലെ പ്രധാന നിർദ്ദേശങ്ങൾ

• അർബുദചികിത്സയ്ക്കുള്ള 17 മരുന്നുകൾക്കുള്ള കസ്റ്റംസ് തീരുവ കുറച്ചു
• കാർഗോ നീക്കത്തിന് ജല ഇടനാഴി
• വിദേശത്തേക്ക് പണം അയക്കാൻ നികുതി കുറയ്ക്കും
• എയർക്രാഫ്റ്റ് ഭാഗങ്ങൾക്ക് നികുതിയില്ല
• സോഡിയം ആന്റിമോണേറ്റിന് കസ്റ്റംസ് തീരുവയില്ല
• കടൽ വിഭവങ്ങൾക്ക് വില കുറയും
• തുകൽ ഉൽപ്പന്നങ്ങൾക്ക് വില കുറയും
• വരുമാനത്തെ കുറിച്ച് തെറ്റായ വിവരം നൽകിയാൽ കടുത്ത ശിക്ഷ
• അന്തിമ നികുതി നിരക്ക് 14 ശതമാനമാക്കി കുറച്ചു
• ലിഥിയം അയേൺ ബാറ്ററികളുടെ ഇറക്കുമതിക്ക് ഇളവ്
• ആണവ പദ്ധതി വസ്തുക്കളുടെ ഇറക്കുമതി ഇളവ് തുടരും
• വിദേശ ഇന്ത്യക്കാർക്ക് നികുതി ഇളവ്
• കന്നുകാലി വളർത്തലിന് സബ്സിഡി
• ഡാറ്റാ സെന്റർ കമ്പനികൾക്ക് വൻ ഇളവ്, 2047 വരെ ടാക്സ് ഹോളിഡേ
• മെഡിക്കൽ വിദ്യാഭ്യാസത്തിനുള്ള ടിസിഎസ് രണ്ട് ശതമാനമാക്കി
• പരിശോധനയ്ക്ക് ശേഷവും ടാക്സ് റിട്ടേൺ വിവരം പുതുക്കാം
• വിദേശയാത്രയുടെ ടിസിഎസ് അഞ്ചിൽനിന്ന് രണ്ട് ശതമാനമാക്കി
• വനിതാ ശാക്തീകരണത്തിനായി ഷീ മാർട്ടുകൾ
• വാഹനാപകട നഷ്ടപരിഹാര തുകയ്ക്ക് നികുതിയില്ല
• വിദേശ യാത്രാനികുതി 2% കുറച്ചു
• സംസ്ഥാനങ്ങൾക്ക് 1.4 ലക്ഷം കോടി രൂപ ഫിനാൻസ് കമ്മീഷൻ ഗ്രാന്റായി ലഭിക്കും
• പുതിയ അക്കാദമിക് സെന്ററുകൾ വരും
• നികുതി നിയമങ്ങൾ ലഘൂകരിക്കും
• സ്പോർട്സ് ഉപകരണ നിർമാണത്തിനും ?ഗവേഷണത്തിനും പദ്ധതി
• കർഷകരുടെ വരുമാനം വർധിപ്പിക്കാൻ ശ്രമിക്കും
• പുതിയ ആദായനികുതി ആക്ട് ഏപ്രിൽ ഒന്നുമുതൽ
• കായിക മേഖലയെ പരിവർത്തനം ചെയ്യാൻ ഖേലോ ഇന്ത്യ ദൗത്യം ആരംഭിക്കും
• ധനക്കമ്മി കുറയ്ക്കും, ജിഡിപിയുടെ 4.5 ശതമാനമാക്കും
• കടലാമ പരിചരണത്തിന് കേരളത്തിൽ പ്രത്യേക കേന്ദ്രം
• ആനിമേഷൻ, വിഷ്വൽ എഫക്ട്സ്, ഗെയിമിങ് മേഖലകൾക്ക് സഹായം
• ജാംനഗറിലെ ലോകാരോഗ്യ സംഘടനയുടെ മെഡിക്കൽ സെന്റർ നവീകരിക്കും
• നാളികേര ഉത്പാദന വർധനവിന് പദ്ധതി
• സ്കൂളുകളിൽ കണ്ടന്റ് ക്രിയേറ്റർ ലാബുകൾ
• തീരദേശ ടൂറിസം പദ്ധതി
• വിദ്യാഭ്യാസം-തൊഴിൽ സ്ഥിരം കമ്മിറ്റി സ്ഥാപിക്കും
• കണ്ടെയിനർ നിർമാണത്തിന് പ്രത്യേക പദ്ധതി
• വിദേശ വിനിമയ മാനേജ്മെന്റ് ചട്ടക്കൂട് സർക്കാർ അവലോകനം ചെയ്യും
• അതിവേഗ റെയിൽ ഇടനാഴിയില്ല, കേരളത്തിന് നിരാശ
• മെഡിക്കൽ ടൂറിസത്തിന് പദ്ധതി
• എയിംസ് മാതൃകയിൽ ആയുർവേദ രം?ഗത്ത് മൂന്ന് ഐഐഎകൾ
• വിദ്യാർഥികൾക്ക് എല്ലാ ജില്ലകളിലും ഒരു വനിതാ ഹോസ്റ്റൽ
• 5 വർഷത്തിനുള്ളിൽ 20 പുതിയ ദേശീയ ജലപാതകൾ പ്രവർത്തനക്ഷമമാക്കാൻ പദ്ധതി
• അധിക വളർച്ച സാധ്യതയുള്ള കമ്പനികൾക്ക് പിന്തുണ നൽകുന്നതിനായി 10,000 കോടി രൂപയുടെ SME വളർച്ചാ ഫണ്ട്
• സാമ്പത്തിക വളർച്ച ത്വരിതപ്പെടുത്തുന്നതിനും നിലനിർത്തുന്നതിനും ആറ് മേഖലകളിൽ ഇടപെടലുകൾ
• ഏറ്റവും ചെറിയ സ്ഥാപനങ്ങളെ നിലനിർത്തുന്നതിനായി, സ്വയംപര്യാപ്തതാ ഇന്ത്യ ഫണ്ടിന് 2,000 കോടി രൂപ അധികമായി അനുവദിക്കും
• 200 പഴയ വ്യവസായ ശാലകൾ പുനരുജ്ജീവിപ്പിക്കാൻ പദ്ധതി
• നഗരങ്ങളെ ബന്ധിപ്പിച്ച് ഏഴ് അതിവേഗ റെയിൽ ഇടനാഴി
• ബഹിരാകാശ മേഖലയിൽ സ്വയംപര്യാപ്തത നേടുന്നതിനായി ദേശീയ ഫൈബർ പദ്ധതി
• തുണിത്തര വ്യവസായ ശാലകളെ ആധുനികവൽക്കരിക്കുന്നതിനായി തുണിത്തര വികസന, തൊഴിൽ പദ്ധതി
• ചെറുകിടപദ്ധതികൾക്ക് 20000 കോടി രൂപ
• ഇന്ത്യ സെമികണ്ടക്ടർ മിഷൻ 2.0: സെമികണ്ടക്ടറുകൾക്കായുള്ള വ്യവസായം നയിക്കുന്ന ഗവേഷണ, പരിശീലന കേന്ദ്രങ്ങളിൽ ശ്രദ്ധ കേന്ദ്രീകരിക്കും.
• ബയോ ഫാർമയ്ക്ക് 10000 കോടി രൂപ