സെയിൽസ് എന്ന പദത്തിനെക്കുറിച്ച് പലർക്കും തെറ്റിദ്ധാരണയാണ് ഉള്ളത്. സെയിൽസ് എന്ന് കേൾക്കുമ്പോൾ പെട്ടെന്ന് ഓർമ്മ വരുന്നത് സാധനം പുറകെ കൊണ്ട് നടന്ന് വിൽക്കുക എന്നതാണ്. നിർബന്ധിച്ച് സാധനങ്ങൾ വാങ്ങിപ്പിക്കുന്ന ഒരു പ്രക്രിയയാണ് സെയിൽസ് എന്നാണ് പലരും കരുതുന്നത്. എന്നാൽ പരിപൂർണ്ണ അർത്ഥത്തിൽ അത് ശരിയല്ല. ലോകപ്രശസ്തനായ ശാസ്ത്രജ്ഞനാണ് തോമസ് ആൽവ എഡിസൺ. അദ്ദേഹം തന്റെ കണ്ടുപിടിത്തങ്ങൾ എല്ലാം തന്നെ മികച്ച രീതിയിൽ സെയിൽസ് നടത്താൻ കഴിവുള്ള ആളായിരുന്നു. അദ്ദേഹത്തിന് ആയിരത്തിൽ പുറത്ത് പ്രോഡക്ടുകൾക്ക് പേറ്റന്റ് ഉണ്ടായിരുന്നു. ഇതിന് പുറമേ തന്നെ അദ്ദേഹം നിരവധി ഉത്പന്നങ്ങൾ നിർമ്മിച്ച് വളരെ ഭംഗിയായി അവയെല്ലാം വിൽപ്പന നടത്തുവാൻ കഴിവുള്ള ആളായിരുന്നു. അദ്ദേഹത്തിന്റെ ഏറ്റവും പ്രധാനപ്പെട്ട കണ്ടുപിടിത്തമാണ് ഡിസി കറണ്ട്. ഡിസി കറന്റ് അദ്ദേഹം നിർമ്മിക്കുകയും അത് അമേരിക്ക പോലുള്ള സ്ഥലങ്ങൾ മുഴുവൻ വിതരണം ചെയ്യുവാനുള്ള അവകാശവും നേടിയെടുത്തിരുന്നു. അതുവഴി വൻ ലാഭവും അദ്ദേഹം സൃഷ്ടിച്ചു. ഇങ്ങനെ നിരവധി ഉപകരണങ്ങൾ അദ്ദേഹം കണ്ടുപിടിക്കുകയും ആ ഉപകരണങ്ങളെല്ലാം അദ്ദേഹം വിൽക്കുകയും ചെയ്തു പോന്നിരുന്നു. എന്നാൽ തോമസ് ആൽവ എഡിസനെക്കാളും എന്തുകൊണ്ടും ഉയരങ്ങളിൽ നിൽക്കുന്ന ശാസ്ത്രജ്ഞനാണ് ടെസ്ല എന്നറിയപ്പെടുന്നയാൾ. ടെസ്ല ഇന്ന് വളരെ പ്രചാരത്തിലുള്ള ഒരു കാറാണ്. എലോൺ മസ്ക് എന്നറിയപ്പെടുന്ന പ്രശസ്തനായ ബിസിനസുകാരൻ തന്റെ കാർ കമ്പനിക്ക് ടെസ്ല എന്ന പേര് നൽകാൻ തന്നെ കാരണം ഈ ശാസ്ത്രജ്ഞനാണ്. അദ്ദേഹം കണ്ടുപിടിച്ചത് തോമസ് ആൽവ എഡിസനോടൊപ്പം തന്നെ അല്ലെങ്കിൽ അതിനേക്കാൾ അപ്പുറം മികച്ച കണ്ടുപിടിത്തങ്ങൾ ആയിരുന്നു. അദ്ദേഹമാണ് എസി കറണ്ട് ആദ്യമായി കണ്ടുപിടിച്ചത്. അദ്ദേഹത്തിന്റെ എ സി കറണ്ടിനെ അന്നത്തെ ശാസ്ത്രജ്ഞൻമാർ എല്ലാം ശക്തമായി എതിർക്കുകയും പരിഹസിക്കുകയും ചെയ്തു. എന്നാൽ അദ്ദേഹം തന്റെ എസി കറണ്ടുമായി മുന്നോട്ടു പോയെങ്കിലും അത് പരിപൂർണ്ണതയിലേക്ക് എത്തിക്കുവാൻ അദ്ദേഹത്തിന് കഴിഞ്ഞില്ല. അതിന് കാരണം അദ്ദേഹം വളരെ മികച്ച ഒരു വില്പനക്കാരൻ അല്ലായിരുന്നു എന്നതാണ്. മികച്ച സെയിൽസ്മാൻ അല്ലായിരുന്നു എന്ന കാരണത്താൽ തന്നെ ടെസ്ല ജീവിതത്തിൽ തന്നെ പിന്നോട്ട് പോകുന്ന അവസ്ഥ കാണാൻ സാധിക്കും. ഇന്ന് ഏറ്റവും കൂടുതൽ ആളുകൾക്ക് ഉപകരിക്കുന്നത് ടെസ്ലയുടെ ഉപകരണങ്ങളാണ്. ടെസ്ലയുടെ ഉപകരണങ്ങളെല്ലാം ആധുനികകാലത്ത് ഉപകാരപ്രദമാണ്. എ സി കറന്റിന്റെ കാര്യം പ്രത്യേകം എടുത്തു പറയേണ്ടതില്ല. പക്ഷേ ടെസ്ലയെക്കുറിച്ച് അധികമാരും ആലോചിക്കുകയോ ചിന്തിക്കുകയോ ചെയ്യുന്നില്ല. അദ്ദേഹത്തിന് ഉണ്ടായിരുന്ന ഒരേ ഒരു കുറവാണ് അദ്ദേഹത്തിന്റെ പ്രോഡക്ടുകൾ വിൽക്കാനുള്ള കഴിവില്ലായിരുന്നു എന്നത്. അതുകൊണ്ട് തന്നെ ഏതൊരു വ്യക്തിക്കും ഉണ്ടാകേണ്ട ഒന്നാണ് വില്പനക്കുള്ള കഴിവ്. തന്റെ പ്രോഡക്റ്റ്, തന്റെ സ്വഭാവം, ജീവിതം, തന്റെ കഴിവ് ഇവയൊക്കെ സമർത്ഥമായി വിൽക്കാൻ കഴിയുന്ന ഒരാൾക്കാണ് ജീവിതവിജയം ഉണ്ടാകുന്നത്. എത്ര കഴിവുണ്ടെന്ന് പറഞ്ഞിട്ട് കാര്യമില്ല ആ കഴിവിനെ എങ്ങനെ സമർത്ഥമായി വിൽക്കാം എന്നതാണ് ഏറ്റവും പ്രധാനം. അങ്ങനെ ഒരു സെയിൽസ്മാൻഷിപ്പ് നിങ്ങൾക്ക് ഉണ്ടാകേണ്ടതിന്റെ ആവശ്യകതയെക്കുറിച്ചാണ് ഇന്ന് നാം നോക്കുന്നത്.

• ഏതൊരു പ്രോഡക്റ്റാകട്ടെ, സ്വഭാവമാകട്ടെ, കഴിവാകട്ടെ ഇത് നിങ്ങളിൽ തന്നെ അവശേഷിക്കുകയാണെങ്കിൽ ആ കഴിവ്കൊണ്ടോ, ആ പ്രോഡക്റ്റ് കൊണ്ടോ യാതൊരു ഗുണവുമില്ല. അത് യഥാർത്ഥ ആളുകളിലേക്ക് എത്തപ്പെടുമ്പോഴാണ് ആ കഴിവിന് അല്ലെങ്കിൽ ആ മൂല്യത്തിന് ഫലം ഉണ്ടാകുന്നത്. അത് സമൃദ്ധമായി ആളുകളിലേക്ക് എത്തിക്കുവാൻ സെയിൽസ് അല്ലെങ്കിൽ വിൽക്കുക എന്ന കഴിവ് ഏതൊരു വ്യക്തിക്കും ഉണ്ടാകണം. ഉദാഹരണമായി മികച്ച ഒരു സാഹിത്യ സൃഷ്ടി ഉണ്ടാക്കി വീട്ടിനകത്ത് പൂട്ടി വച്ച് കഴിഞ്ഞാൽ അതിൽ കാര്യമില്ല. അത് സമൃദ്ധമായി വിൽക്കാനുള്ള ശ്രമം നടത്തി അത് ആൾക്കാരിലേക്ക് എത്തുന്ന സമയത്ത്, വായിച്ച് ആൾക്കാർക്ക് സ്വഭാവത്തിൽ മാറ്റങ്ങൾക്ക് പ്രേരണ നൽകുന്നുണ്ടെങ്കിൽ അതാണ് ഏറ്റവും മികച്ചകാര്യം.അതുകൊണ്ടുതന്നെ സെയിൽസ് വളരെ പ്രധാനപ്പെട്ട ഒരു ഘടകമാണ്.
• ഏതൊരു സാധനവും വില്പന നടത്തണമെന്നുണ്ടെങ്കിൽ പുതുമ വളരെ അത്യാവശ്യമാണ്. അമേരിക്കയിലെ വളരെ പ്രശസ്തനായ പബ്ലിഷ്വർക്ക് അയാളുടെ പുസ്തകങ്ങൾ വറ്റുപോകുന്നില്ല,അതിന് അദ്ദേഹത്തിന് തോന്നിയ ഒരു ആശയമാണ് അതിന്റെ കവർ പേജുകൾ വളരെ ആകർഷകകരം ആക്കി മാറ്റുക എന്നത്. അങ്ങനെ ആകർഷകകരമായ കവർപേജുകൾ ആക്കിയപ്പോൾ ആ പുസ്തകങ്ങൾ വളരെ വേഗത്തിൽ വിറ്റഴിക്കാൻ സാധിച്ചു. അതുപോലെ തന്നെ നിങ്ങളുടെ പ്രോഡക്ടുകൾ, സ്വഭാവം, കഴിവുകൾ എന്നിവ ആൾക്കാരിലേക്ക് എത്തുന്നില്ല എങ്കിൽ അതിനനുസരിച്ച് ആളുകൾക്ക് ഇഷ്ടപ്പെടുന്ന തരത്തിൽ മാറ്റുവാനുള്ള ശ്രമം നടത്തണം. അങ്ങനെ മാറ്റിയാൽ മാത്രമേ അത് ആൾക്കാരിലേക്ക് എത്തുകയുള്ളൂ.
• തന്റെ കഴിവ് അല്ലെങ്കിൽ സൃഷ്ടി ഏതായാലും ആൾക്കാരിലേക്ക് എത്തുന്നില്ല എങ്കിൽ അതിന്റെ കുഴപ്പം നിങ്ങൾക്ക് മാത്രമാണ്. ഉദാഹരണമായി ഒരു ഗ്രാമത്തിൽ കാൻസർ എന്ന രോഗത്തിനുള്ള മരുന്ന് അറിയാവുന്ന വൈദ്യൻ ഉണ്ട്. പക്ഷേ ആ ഗ്രാമത്തിലെ ആളുകളെല്ലാം ക്യാൻസർ വന്ന് മരിച്ചു കൊണ്ടിരിക്കുകയാണ്. വൈദ്യന് അസുഖം മാറ്റാനുള്ള കഴിവും ഉണ്ടെങ്കിലും അത് ആളുകളിലേക്ക് എത്തിക്കാൻ സാധിക്കുന്നില്ല. അവിടെയുള്ള ആളുകൾ ക്യാൻസർ വന്ന് മരിക്കുകയാണെങ്കിൽ അതിന്റെ പരിപൂർണ്ണ ഉത്തരവാദിത്വം വൈദ്യന്റേത് മാത്രമാണ്. നിങ്ങളുടെ കഴിവുകൾ നിങ്ങളിൽ മാത്രം തങ്ങി നിൽക്കുകയാണെങ്കിൽ അതിന്റെ പരാജയത്തിന്റെ കാരണക്കാർ നിങ്ങൾ മാത്രമാണ്. നിങ്ങൾ അതിൽ നിന്നും മാറി ആ കഴിവ് മുന്നോട്ടു കൊണ്ടു പോകുവാൻ വേണ്ട കാര്യങ്ങൾ ചെയ്യണം.
• സെയിൽസ്മാൻമാരെല്ലാം ആളുകളെ ജീവിതത്തിൽ വളരെ മുന്നോട്ടുകൊണ്ടുപോകുവാനാണ് ശ്രമിക്കുന്നത്. ആളുകളുടെ പ്രശ്നങ്ങൾക്ക് പരിഹാരമാണ് സെയിൽസ്മാൻമാർ കണ്ടെത്തുന്നത്. അങ്ങനെ പ്രശ്നം പരിഹരിക്കുന്ന വ്യക്തിയാണ് സെയിൽസ്മാൻ എന്ന കാര്യം ഓർക്കുക. ഇത് പലപ്പോഴും ഓർക്കാറില്ല, സെയിൽസ് എന്തോ മോശമായ ജോലിയായിട്ടാണ് സമൂഹവും സെയിൽസ് ചെയ്യുന്ന ആളുകൾ ഉൾപ്പെടെ കരുതുന്നത്. സമൂഹത്തിന് വളരെ ഉപകാരപ്രദമായ കാര്യങ്ങൾ നൽകുന്ന ആളുകളാണ് ഇവർ. ഇങ്ങനെ സമൂഹത്തിന് ഉപകാരപ്രദമായ സെയിൽസുകളാണ് നിങ്ങൾ ചെയ്യേണ്ടത്. അതുകൊണ്ട് സെയിൽസ് എന്ന് പറയുന്നത് ജോലിയല്ല ഒരു കടമയാണെന്ന ബോധ്യം നിങ്ങൾക്ക് ഉണ്ടാകണം. കഞ്ചാവും മയക്കുമരുന്നും വിൽക്കുന്നതും സെയിൽസ് ആണ്. അത്തരത്തിൽ ജനദ്രോഹകരമായ പ്രവർത്തികൾ ചെയ്യുന്നതിന് പകരം ആളുകൾക്ക് ഉപകാരപ്രദമായ പ്രോഡക്ടുകളും അവർക്ക് സഹായകരമാകുന്നവ വിൽക്കുന്ന സെയിൽസ്മാൻമാരായി മാറുക.

സെയിൽസിനെക്കുറിച്ചുള്ള ടിപ്പുകൾ ദിവസവും ലഭിക്കുവാൻ ഈ പോർട്ടൽ ഫോളോ ചെയ്യുക

സെയിൽസ്മാൻ കസ്റ്റമറിൽ നിന്നും ആദ്യം മനസിലാക്കേണ്ട കാര്യങ്ങൾ എന്തെല്ലാം?... Read More