ഭക്ഷണം കുറച്ചിട്ടും വ്യായാമം ചെയ്തിട്ടും വണ്ണം കുറയുന്നില്ല എന്ന് പറയുന്നവർ ഉണ്ട്.വണ്ണം കൂടുന്നതിനു പുറകിൽ ചിലപ്പോൾ നിങ്ങളറിയാത്ത, മനസിൽ പോലും വിചാരിക്കാത്ത ചില കാര്യങ്ങൾ കാണും. അവ എന്തൊക്കെയാണെന്ന് നോക്കാം.

• ഒഴിവുകാലം ആഘോഷിക്കാൻ പോകുന്നത് വണ്ണം കൂട്ടാനുള്ള ഒരു കാരണമാണ്. ഇത്തരം സന്ദർഭങ്ങളിൽ ഭക്ഷണനിയന്ത്രണം പാലിക്കാത്തതു തന്നെ കാരണം.
• ഡിപ്രഷനുള്ള മരുന്നുകൾ കഴിയ്ക്കുന്നത് പലപ്പോഴും ഹോർമോൺ വ്യത്യാസങ്ങൾക്കും ഇതുവഴി തടി കൂടാനും ഇട വരുത്തും.ഡയബെറ്റിസിനുള്ള മരുന്നുകളും,മൈഗ്രേയ്നുള്ള മരുന്നുകൾ, ഗ്യാസിനുള്ള മരുന്നുകൾ,ഇവ വണ്ണം കൂടുന്നതിന് ഇടയാക്കാറുണ്ട്.
• കമ്പ്യൂട്ടറിനു മുന്നിൽ,മറ്റ് ജോലിയിൽ മണിക്കൂറുകളോളം അനങ്ങാതിരുന്ന് ജോലി ചെയ്യുന്നത് തടി കൂട്ടാനുള്ള ഒരു കാരണമാണ്.
• ഉറക്കക്കുറവും തടി കൂട്ടുമെന്നു തെളിഞ്ഞിട്ടുണ്ട്. ഇതുപോലെ കൂടുതൽ നേരമുറങ്ങുന്നതും ദോഷം തന്നെ.
• ആവശ്യത്തിന് നാരുകളടങ്ങിയ ഭക്ഷണം കഴിയ്ക്കാത്തതും തടി കൂട്ടും. നാരുകളടങ്ങിയ ഭക്ഷണം ദഹനപ്രക്രിയയ്ക്കും വയർ പെട്ടെന്നു നിറയുന്നതിനും വഴിയൊരുക്കും.
• പല മധുരസാധനങ്ങളിലും ഫ്രക്ടോസ് ഉപയോഗിക്കാറുണ്ട്. ഗ്ലൂക്കോസിനേക്കാൾ ഫ്രക്ടോസ് തടി കൂട്ടും.
• വേഗത്തിൽ ഭക്ഷണം കഴിയ്ക്കുന്നതും, ടീ വിയോ മൊബൈൽ പോലുള്ളവ കണ്ടു കൊണ്ടു ആഹാരം കഴിക്കുന്നത് തടിപ്പിക്കും.വയററിയാതെ കഴിയ്ക്കാൻ ഇത് ഇട വരുത്തുന്നതാണ് കാരണം.
• ഉപ്പ് ധാരാളമായി അടങ്ങിയ ഭക്ഷണം (പ്രോസസ്ഡ് ഭക്ഷണം) കഴിക്കുമ്പോൾ താൽക്കാലികമായെങ്കിലും ശരീരഭാരം കൂടിയേക്കാം.
• പുകവലിച്ചിരുന്നവർ പെട്ടെന്ന് പുകവലി ഉപേക്ഷിച്ചാൽ ആ സമയങ്ങളിലും വണ്ണം കൂടാം. കാരണം പുകവലിക്കുമ്പോൾ പൊതുവിൽ വിശപ്പ് കുറഞ്ഞിരിക്കും. അത് ഉപേക്ഷിക്കുമ്പോൾ അധികമായി ഭക്ഷണം കഴിക്കാൻ തുടങ്ങകയും ചെയ്യും.
• നിർജലീകരണവും ഒരു വലിയ പരിധി വരെ വണ്ണം കൂട്ടാൻ ഇടയാക്കിയേക്കാം. അതിനാൽ ആവശ്യമായത്രയും വെള്ളം ദിവസവും കുടിക്കാൻ ശ്രമിക്കുക.
• കൂടുതൽ ടെൻഷൻ ഉണ്ടാകുമ്പോൾ നമ്മുടെ ശരീരത്തിൽ 'സ്ട്രെസ് ഹോർമോണുകൾ' രൂപപ്പെടാൻ തുടങ്ങും.ഇത് മൂലം നമുക്ക് കൂടുതൽ വിശപ്പ് അനുഭവപ്പെടുന്നു.മാനസിക പിരിമുറുക്കമുണ്ടാകുമ്പോൾ കലോറി കൂടിയ ഭക്ഷണം കഴിക്കാൻ നമ്മൾ ഇഷ്ടപ്പെടുന്നു. ഇത് മൂലം ശരീരഭാരവും വർധിക്കും.

ഹെൽത്ത് ടിപ്സുകൾ ദിവസവും ലഭിക്കുവാൻ ഈ പോർട്ടൽ ഫോളോ ചെയ്യുക.

ഇഞ്ചിയുടെ ആരോഗ്യ ഗുണങ്ങളും ദൂഷ്യവശങ്ങളും: അറിയേണ്ടതെല്ലാം... Read More