നായയുടെ കടിയേറ്റല്‍ ശ്രദ്ധിക്കേണ്ട കാര്യങ്ങള്‍

ശരീരത്തില്‍ എവിടെ പട്ടി കടിച്ചാലും ആദ്യം തന്നെ സോപ്പ്, ഡെറ്റോള്‍ എന്നിവയില്‍ ഏതെങ്കിലുമോ ശുദ്ധജലമോ ഉപയോഗിച്ച് 20 - 25 മിനിറ്റ് മുറിവ് വൃത്തിയായി മുറിവ് കഴുകണം. ഇങ്ങനെ മുറിവ് കഴുകുന്നതിലൂടെ ഏതാണ്ട് 90 ശതമാനം വൈറസിനെയും നശിപ്പിക്കാന്‍ കഴിയും.മുഖം, കഴുത്ത്, കണ്ണ്, ചെവി, കൈപ്പത്തി, കാല്‍വെള്ള, ജനനേന്ദ്രിയം വിരലിന്റെ അറ്റം തുടങ്ങിയ ഭാഗങ്ങളിലാണ് കടിയേല്‍ക്കുന്നതെങ്കില്‍ വൈറസ് തലച്ചോറിലേക്ക് വേഗത്തിലെത്തുന്നു. നാഡീവ്യൂഹം കൂടുതലുള്ള സ്ഥലങ്ങളില്‍ കടിയേല്‍ക്കുമ്പോഴാണ് വൈറസ് തലച്ചോറിലേക്ക് വേഗത്തിലെത്തുന്നത്.മുറിവില്‍ മഞ്ഞള്‍പൊടിതേക്കുക, മുറിവ് കെട്ടിവെയ്ക്കുക തുടങ്ങിയ കാര്യങ്ങള്‍ ചെയ്യരുത്. മുറിവ് കഴുകി വൃത്തിയാക്കിയ ഉടനെ ഏറ്റവും അടുത്തുള്ള ആശുപത്രിയിലെത്തുക. കാര്യമായ മുറിവില്ലെന്ന് കരുതി ആശുപത്രിയിലേക്ക് പോകാതിരിക്കരുത്. ചെറിയൊരു പോറലിലൂടെ പോലും വൈറസിന് ശരീരത്തിനകത്ത് കടക്കാന്‍ കഴിയുമെന്നറിയുക.മുറിവിന്റെ വലിപ്പമനുസരിച്ച് ആദ്യം ഇമ്യൂണോഗ്ലോബുലിനും തുടര്‍ന്ന് വാക്‌സിനും ഏടുക്കുക.ഇമ്യൂണോഗ്ലോബുലിന്‍ മുറിവില്‍ തന്നെ എടുത്താല്‍ മാത്രമേ ഗുണം ലഭിക്കുകയൊള്ളൂ. നാല് ഡോസ് വാക്‌സിനാണ് എടുക്കേണ്ടത്. ഒന്നോ രണ്ടോ വാക്‌സിനെടുത്തെന്ന് കരുതി വാക്‌സിന്‍ ഡോസ് മുടക്കരുത്. പേവിഷബാധയ്‌ക്കെതിരെ പ്രതിരോധത്തിനാണ് ആന്റി റാബിസ് വാക്‌സിന്‍ എടുക്കുന്നത്.
വാക്‌സിന്‍ എടുക്കുന്നതിലൂടെ ശരീരത്തില്‍ ആന്റിബോഡി രൂപപ്പെടുന്നു. അതേസമയം മൂന്ന് മുതല്‍ എട്ട് ഡിഗ്രിവരെ സെല്‍ഷ്യസില്‍ വേണം വാക്‌സീന്‍ സൂക്ഷിക്കാന്‍. അല്ലാത്ത പക്ഷം വാക്‌സിന്റെ ഗുണം നഷ്ടമാകും. മാത്രമല്ല വൈദ്യുതി വിതരണം പത്ത് മിനിറ്റ് നഷ്ടമായാല്‍ പോലം വാക്‌സിന്റെ ഗുണനിലവാരം നഷ്ടമാകും.

പട്ടി കടിച്ചാല്‍ നഷ്ടപരിഹാരം... Read More

പേവിഷബാധയ്ക്ക് എതിരെയുള്ള പ്രതിരോധ കുത്തിവെപ്പ് [ഐ ഡി ആര്‍ വി] സൗജന്യമായി ലഭിക്കുന്ന തിരുവനന്തപുരത്തെ പ്രദേശ സര്‍ക്കാര്‍ ആശുപത്രികളുടെ പട്ടിക താഴെ നല്‍കുന്നു.

• പാലോട് ഗവ: ആശുപത്രി .
• കല്ലറ തറട്ട ഗവ: ആശുപത്രി .
• കിളിമാനൂര്‍ കേശവപുരം ആശുപത്രി.
• നെടുമങ്ങാട് ഗവണ്‍മെന്റ് ഹോസ്പിറ്റലില്‍ .
• വാമനപുരം ഗവ: ആശുപത്രി .
• കന്യാകുളങ്ങര ഗവ: ആശുപത്രി .(നിലവില്‍ സ്റ്റോക്ക് ഇല്ല)14/9/22
• ആറ്റിങ്ങല്‍ ഗവ: ആശുപത്രി .
• വര്‍ക്കല ഗവ.ആശുപത്രി .
• വിതുര ഗവ: ആശുപത്രി .
• ചിറയിന്‍കീഴ് ഗവ: ആശുപത്രി .
• മണമ്പൂര്‍ ഗവ: ആശുപത്രി.
• നെയ്യാറ്റിന്‍കര ആശുപത്രി.
• പേരൂര്‍ക്കട ആശുപത്രി .
• നേമം ഗവണ്‍മെന്റ് ആശുപത്രി.
• പാറശാല ഗവണ്‍മെന്റ് ആശുപത്രി .
• അഞ്ചുതെങ്ങ് ഗവണ്‍മെന്റ് ആശുപത്രി .
• മലയിന്‍കീഴ് ഗവണ്‍മെന്റ് ആശുപത്രി
• പെരുങ്കടവിള ഗവണ്‍മെന്റ് ആശുപത്രി .
• പൂന്തുറ ഗവണ്‍മെന്റ് ആശുപത്രി .
• പൂവാര്‍ ഗവണ്‍മെന്റ് ആശുപത്രി.
• പുല്ലുവിള ഗവണ്‍മെന്റ് ആശുപത്രി .
• പുത്തന്‍തോപ്പ് ഗവ: ആശുപത്രി
• വക്കം ഗവ:ആശുപത്രി.
• വെള്ളനാട് ഗവ.ആശുപത്രി .
• വെള്ളറട ഗവ.ആശുപത്രി .
• വിളപ്പില്‍ ഗവ:ആശുപത്രി .
• വിഴിഞ്ഞം ഗവ:ആശുപത്രി.
• പാണപ്പാറ ഗവ:ആശുപത്രി.
• തിരുവനന്തപുരം ജനറല്‍ ആശുപത്രി.
• പേരൂര്‍ക്കട ജനറല്‍ ആശുപത്രി .
• ഫോര്‍ട്ട് ഗവ: ആശുപത്രി.
• ഇരാണി മുട്ടം ഗവ: ആശുപത്രി .

ഈ വിവരങ്ങള്‍ മറ്റുള്ളവര്‍ക്ക് കൂടി ഷെയര്‍ ചെയ്ത് നല്‍കു