ക്ഷീര വികസന വകുപ്പിന്റെയും ഭക്ഷ്യസുരക്ഷാ വകുപ്പിന്റെയും ആഭിമുഖ്യത്തില്‍ ഓണക്കാല ഊര്‍ജ്ജിത പാല്‍ പരിശോധന

ക്ഷീര വികസന വകുപ്പിന്റെയും ഭക്ഷ്യസുരക്ഷാ വകുപ്പിന്റെയും സംയുക്താഭിമുഖ്യത്തില്‍ നടത്തപ്പെടുന്ന ഓണക്കാല ഊര്‍ജ്ജിത പാല്‍ പരിശോധനയുടെ ഭാഗമായി തൊടുപുഴ മിനി സിവില്‍ സ്റ്റേഷനില്‍ ജില്ലാ ഇന്‍ഫര്‍മേഷന്‍ സെന്ററും കുമളി ചെക്ക് പോസ്റ്റില്‍ 24 മണിക്കൂര്‍ പ്രവര്‍ത്തിക്കുന്ന പ്രത്യേക പാല്‍ പരിശോധനാ ലാബോറട്ടറിയും ഇന്ന് മുതല്‍ ആരംഭിക്കുന്നു.

ഓണ വിപണിയില്‍ പാലിലെ മായം പരിശോധിക്കാന്‍ സംവിധാനം... Read More

ഓണക്കാലത്ത് പാലിന്റെ ഉപഭോഗം വര്‍ദ്ധിക്കുന്നതിനാല്‍, അന്യ സംസ്ഥാനത്ത് നിന്നും കേരളത്തിലേക്ക് പാല്‍ കൊണ്ടുവരികയും മാര്‍ക്കറ്റില്‍ വിറ്റഴിക്കപെടുകയും ചെയ്യുന്നു. ഈ സമയത്ത് അതിര്‍ത്തി കടന്നു വരുന്ന പാലിന്റെയും മാര്‍ക്കറ്റില്‍ ലഭ്യമായ വിവിധ പാക്കറ്റ് പാലുകളുടേയും ഗുണമേന്മയും സുരക്ഷിതത്വവും പരിശോധിച്ചു ഉറപ്പ് വരുത്തേണ്ടത് അനിവാര്യമാണ്.ഈ ലക്ഷ്യത്തോടെ ക്ഷീരവികസനവകുപ്പിന്റെ ആഭിമുഖ്യത്തില്‍ 2022 സെപ്തംബര്‍ 3 മുതല്‍ 7 വരെ കുമളി ചെക്ക് പോസ്റ്റില്‍ സ്ഥാപിക്കുന്ന പാല്‍ പരിശോധന കേന്ദ്രത്തിലും തൊടുപുഴ മിനി സിവില്‍ സ്റ്റേഷനില്‍ പ്രവര്‍ത്തിക്കുന്ന ഇന്‍ഫര്‍മേഷന്‍ സെന്ററിലും ഓണക്കാലപ്രത്യേക പാല്‍ പരിശോധന നടത്തും. കുമളി ചെക്ക് പോസ്റ്റിലുളള പാല്‍ പരിശോധന കേന്ദ്രത്തിന്റെ ഉദ്ഘാടനം വാഴൂര്‍ സോമന്‍ എം. എല്‍.എ.നിര്‍വ്വഹിക്കും.

കാലിത്തീറ്റയില്‍ സമ്മാന കൂപ്പണ്‍... Read More

സെപ്തംബര്‍ 3 മുതല്‍ 7 വരെയുളള ദിവസങ്ങളില്‍ പാല്‍ ഗുണനിലവാര നിരീക്ഷണ ഓഫീസിനോടനുബന്ധിച്ച് പ്രവര്‍ത്തിക്കുന്ന ഇന്‍ഫര്‍മേഷന്‍ സെന്ററില്‍ രാവിലെ 9 മുതല്‍ വൈകീട്ട് 6 മണി വരെ പാല്‍ ഉപഭോക്താക്കള്‍ക്കും ഉല്പാദകര്‍ക്കും പാലിന്റെ ഗുണനിലവാരം സൗജന്യമായി പരിശോധിച്ചു നല്‍കും.സൗജന്യ പരിശോധനക്കായി കുറഞ്ഞത് 200 മി.ലി. പാല്‍ കൊണ്ടുവരേണ്ടതാണ്. വിപണിയില്‍ ലഭ്യമാകുന്ന എല്ലാ ബ്രാന്‍ഡ് പാലും പരിശോധിക്കുന്നതാണെന്ന് ഇടുക്കി ക്ഷീരവികസന വകുപ്പ് ഡെപ്യൂട്ടി ഡയറക്ടര്‍ എസ്. മഹേഷ് നാരായണന്‍ അറിയിച്ചു.