- Trending Now:
Sections
Sections
കൊച്ചി: നിർമ്മിത ബുദ്ധി (എഐ) മേഖലയിലെ ഏറ്റവും പുതിയ മുന്നേറ്റങ്ങളായ ജനറേറ്റീവ് എഐ, ഏജന്റിക് എഐ എന്നിവയെക്കുറിച്ച് ഇൻഫോപാർക്കിൽ ഐബിഎം സംഘടിപ്പിച്ച ഉന്നതതല സെഷൻ ശ്രദ്ധേയമായി. ഐബിഎം ഇന്ത്യ സോഫ്റ്റ്വെയർ ലാബ് വൈസ് പ്രസിഡന്റ് വിശാൽ ചഹൽ മുഖ്യപ്രഭാഷണം നടത്തിയ ചടങ്ങിൽ നാൽപ്പതിലധികം പ്രമുഖ കമ്പനികളിൽ നിന്നുള്ള പ്രതിനിധികൾ പങ്കെടുത്തു.
വെറും വിവരങ്ങൾ സൃഷ്ടിക്കുന്ന ജനറേറ്റീവ് എഐയിൽ നിന്ന്, സ്വയം തീരുമാനങ്ങളെടുക്കാനും സങ്കീർണ്ണമായ ജോലികൾ പൂർത്തിയാക്കാനും ശേഷിയുള്ള 'ഏജന്റിക് എഐ' സിസ്റ്റങ്ങളിലേക്കുള്ള കുതിച്ചുചാട്ടത്തെക്കുറിച്ച് വിശാൽ ചഹൽ വിശദീകരിച്ചു. ഭാവിയിൽ ബിസിനസ് ലോകത്തും ദൈനംദിന ജീവിതത്തിലും ഈ സാങ്കേതികവിദ്യ വരുത്താൻ പോകുന്ന വൻ മാറ്റങ്ങളെക്കുറിച്ച് അദ്ദേഹം പറഞ്ഞു. ആഗോളതലത്തിൽ ഐബിഎം നടത്തുന്ന ഗവേഷണങ്ങളും ഈ പദ്ധതികളിൽ സംസ്ഥാനത്തെ ഐടി ആവാസവ്യവസ്ഥ വഹിക്കാൻ പോകുന്ന പങ്കും സെഷനിൽ ചർച്ചയായി.
ഇൻഫോപാർക്ക്, ടെക്നോപാർക്ക്, സ്മാർട്ട് സിറ്റി തുടങ്ങിയവയിൽ നിന്നുള്ള പ്രമുഖ ഐടി കമ്പനികളിൽ നിന്നുൾപ്പെടെ ടെക് ലീഡർമാരും എഞ്ചിനീയർമാരുമടങ്ങുന്ന സംഘമാണ് പരിപാടിയിൽ പങ്കെടുത്തത്. സ്റ്റാർട്ടപ്പുകൾക്കും വൻകിട കമ്പനികൾക്കും എഐ സാങ്കേതികവിദ്യ പ്രായോഗികമായി എങ്ങനെ നടപ്പിലാക്കാമെന്നതിനെക്കുറിച്ചുള്ള ചർച്ചകൾ സെഷന്റെ ഭാഗമായി നടന്നു. ഇത്തരം ഹൈ-പ്രൊഫൈൽ സാങ്കേതിക സംവാദങ്ങൾ കേരളത്തിലെ ഐടി മേഖലയിലേക്ക് കൂടുതൽ ആഗോള നിക്ഷേപങ്ങളെയും പ്രൊഫഷണലുകളെയും ആകർഷിക്കാൻ സഹായിക്കും. എഐ മേഖലയിൽ അനുദിനം നടന്നു കൊണ്ടിരിക്കുന്ന മാറ്റങ്ങളെ അടുത്തറിയാൻ ഐടി പ്രൊഫഷണലുകൾക്ക് ഇതിലൂടെ സാധിച്ചു.
The Local Economy is an online business news portal based in Kerala. International, national and local news related to business will reach the.
More..
ThelocalEconomy.in Copyright (c) 2026. All Rights Reserved.
.png)
.png)
ഇവിടെ പോസ്റ്റു ചെയ്യുന്ന അഭിപ്രായങ്ങൾ THE LOCAL ECONOMY ടേതല്ല. അഭിപ്രായങ്ങളുടെ പൂർണ ഉത്തരവാദിത്തം രചയിതാവിനായിരിക്കും. കേന്ദ്ര സർക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം അധിക്ഷേപങ്ങളും അശ്ലീല പദപ്രയോഗങ്ങളും നടത്തുന്നത് ശിക്ഷാർഹമായ കുറ്റമാണ്. ഇത്തരം അഭിപ്രായ പ്രകടനത്തിന് നിയമനടപടി കൈക്കൊള്ളുന്നതാണ്.