- Trending Now:
Sections
Sections
കൊച്ചി: പാലിലെ അഫ്ലാടോക്സിൻ, ആന്റിബയോട്ടിക് അവശിഷ്ടങ്ങൾ എന്നിവയുടെ സാന്നിധ്യം നിയന്ത്രിക്കുന്നതിനും പാലിന്റെ ഗുണനിലവാരവും ഭക്ഷ്യസുരക്ഷയും ഉറപ്പാക്കുന്നതിനുമായി പരിശീലന പരിപാടി സംഘടിപ്പിച്ചു.
മിൽമ എറണാകുളം മേഖലാ യൂണിയൻ, ദേശീയ ക്ഷീര വികസന ബോർഡ്, സംസ്ഥാന ക്ഷീരവികസന വകുപ്പ് എന്നിവയുടെ സംയുക്താഭിമുഖ്യത്തിൽ കളമശ്ശേരി സെന്റ് ജോസഫ് ചർച്ച് ഹാളിൽ നടന്ന പരിപാടി ക്ഷീരവികസന വകുപ്പ് സെക്രട്ടറി ഷീബ ജോർജ് ഐഎഎസ് ഉദ്ഘാടനം ചെയ്തു. മിൽമ എറണാകുളം മേഖല യൂണിയൻ ചെയർമാൻ സി എൻ വത്സലൻ പിള്ള അധ്യക്ഷത വഹിച്ചു ക്ഷീരവികസന വകുപ്പ് ഡയറക്ടർ ശാലിനി ഗോപിനാഥ്, മിൽമ മാനേജിംഗ് ഡയറക്ടർ വിൽസൺ ജെ പുറവക്കാട്, ദേശീയ ക്ഷീര വികസന ബോർഡ് ജനറൽ മാനേജർ ഡോ ഹരികുമാർ തുടങ്ങിയവർ സംസാരിച്ചു. മേഖല യൂണിയൻ ഭരണസമിതി അംഗങ്ങൾ, ക്ഷീരവികസന വകുപ്പ് ജില്ലാ ഓഫീസർമാർ എന്നിവർ പങ്കെടുത്തു
പാലിന്റെ മൂല്യശൃംഖലയിലെ വെല്ലുവിളികൾ, പാലിലെ ആന്റിബയോട്ടിക് അവശിഷ്ടങ്ങൾ, അഫ്ലാടോക്സിൻ തുടങ്ങിയ വിഷയങ്ങളിൽ വിദഗ്ധർ ക്ലാസുകൾ നയിച്ചു. ഇവയുടെ സാന്നിധ്യം കണ്ടെത്തുന്നതിനും നിയന്ത്രിക്കുന്നതിനുമുള്ള വിവിധ മാർഗങ്ങളും പരിശീലനത്തിൽ വിശദീകരിച്ചു. എറണാകുളം, തൃശ്ശൂർ, ഇടുക്കി, കോട്ടയം ജില്ലകളിലെ ക്ഷീരവികസന വകുപ്പ്, മിൽമ, മൃഗസംരക്ഷണ വകുപ്പ് ഉദ്യോഗസ്ഥരും ക്ഷീരകർഷകരും പരിശീലന പരിപാടിയിൽ പങ്കെടുത്തു.
The Local Economy is an online business news portal based in Kerala. International, national and local news related to business will reach the.
More..
ThelocalEconomy.in Copyright (c) 2026. All Rights Reserved.
ഇവിടെ പോസ്റ്റു ചെയ്യുന്ന അഭിപ്രായങ്ങൾ THE LOCAL ECONOMY ടേതല്ല. അഭിപ്രായങ്ങളുടെ പൂർണ ഉത്തരവാദിത്തം രചയിതാവിനായിരിക്കും. കേന്ദ്ര സർക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം അധിക്ഷേപങ്ങളും അശ്ലീല പദപ്രയോഗങ്ങളും നടത്തുന്നത് ശിക്ഷാർഹമായ കുറ്റമാണ്. ഇത്തരം അഭിപ്രായ പ്രകടനത്തിന് നിയമനടപടി കൈക്കൊള്ളുന്നതാണ്.