ഗുരുഗ്രാം: ഇന്ത്യയിലെ മുൻനിര ഇരുചക്രവാഹന നിർമ്മാതാക്കളായ ഹോണ്ട മോട്ടോർസൈക്കിൾ & സ്കൂട്ടർ ഇന്ത്യ പ്രൈവറ്റ് ലിമിറ്റഡ് (എച്ച്എംഎസ്ഐ) 2026 മെയ് മാസത്തിൽ മികച്ച വിൽപ്പന വളർച്ച കൈവരിച്ചു. കഴിഞ്ഞ മാസം ആകെ 5.18 ലക്ഷം യൂണിറ്റ് വാഹനങ്ങളാണ് കമ്പനി വിറ്റഴിച്ചത്. 2025 മെയ് മാസത്തിലെ 4.65 ലക്ഷം യൂണിറ്റുകളുമായി താരതമ്യം ചെയ്യുമ്പോൾ വിൽപ്പനയിൽ വർഷാടിസ്ഥാനത്തിൽ 12 ശതമാനത്തിന്റെ ശക്തമായ വളർച്ചയാണ് കമ്പനി രേഖപ്പെടുത്തിയത്.

2026 മെയ് മാസത്തിൽ ആഭ്യന്തര വിൽപ്പന 4.59 ലക്ഷം യൂണിറ്റായിരുന്നു, കഴിഞ്ഞ വർഷം ഇതേ മാസത്തിൽ വിറ്റ 4.17 ലക്ഷം യൂണിറ്റിനേക്കാൾ 10% വളർച്ച രേഖപ്പെടുത്തി.

ആഭ്യന്തര വിപണിയിലും കയറ്റുമതിയിലും ഒരുപോലെ മികച്ച മുന്നേറ്റം കാഴ്ചവെക്കാൻ ഹോണ്ടയ്ക്ക് സാധിച്ചിട്ടുണ്ട്. 2026 മെയ് മാസത്തിൽ കമ്പനിയുടെ ആഭ്യന്തര വിൽപ്പന 4.59 ലക്ഷം യൂണിറ്റായി ഉയർന്നു. കഴിഞ്ഞ വർഷം ഇതേ കാലയളവിലെ 4.17 ലക്ഷം യൂണിറ്റുകളെ അപേക്ഷിച്ച് 10 ശതമാനത്തിന്റെ വർധനവാണ് ആഭ്യന്തര വിപണിയിൽ ഉണ്ടായിരിക്കുന്നത്. അതേസമയം കമ്പനിയുടെ വിദേശ കയറ്റുമതിയിൽ 24 ശതമാനത്തിന്റെ വൻ വളർച്ച രേഖപ്പെടുത്തി. 2025 മെയ് മാസത്തിൽ 0.47 ലക്ഷം യൂണിറ്റുകൾ കയറ്റി അയച്ച സ്ഥാനത്ത് ഇത്തവണ അത് 0.59 ലക്ഷം യൂണിറ്റുകളായി വർദ്ധിച്ചു.

മെയ് മാസത്തിൽ രാജ്യത്തെ ഇരുചക്രവാഹന വിപണിയിൽ ഉപഭോക്താക്കളിൽ നിന്ന് സ്ഥിരതയാർന്ന ആവശ്യകതയാണ് അനുഭവപ്പെട്ടത്. ഹോണ്ടയുടെ വൈവിധ്യമാർന്ന ഉൽപ്പന്ന നിരയും, രാജ്യത്തുടനീളം 7,000-ത്തിലധികം കസ്റ്റമർ ടച്ച്പോയിന്റുകളുടെ വിപുലമായ ശൃംഖലയും ഈ നേട്ടത്തിന് അടിത്തറയേകി. വിപണിയിലെ സാന്നിധ്യം കൂടുതൽ വിപുലീകരിക്കുന്നതിനൊപ്പം ഉപഭോക്താക്കൾക്ക് തങ്ങളുടെ വാഹനങ്ങൾ കൂടുതൽ എളുപ്പത്തിൽ ലഭ്യമാക്കാനും എച്ച്എംഎസ്ഐ തുടർച്ചയായ ശ്രമങ്ങൾ നടത്തിവരുന്നു.