കൊച്ചി: രാജ്യത്തെ ഏറ്റവും വലിയ സ്വകാര്യ ബാങ്കുകളിലൊന്നായ ആക്സിസ് ബാങ്ക് സീനിയർ ഉപഭോക്താക്കൾക്കായി പ്രത്യേകം തയ്യാറാക്കിയ ?ഫ്ളാഷ്ബാക്ക്' കാമ്പയിൻ ആരംഭിച്ചു. 60, 70 കാലഘട്ടത്തിലെ എക്കാലത്തെയും മികച്ച ചലച്ചിത്രങ്ങൾ പ്രദർശിപ്പിക്കുന്നതിലൂടെ മുതിർന്ന ഉപഭോക്താക്കൾക്ക് സന്തോഷവും, ബാങ്കുമായി കൂടുതൽ ബന്ധപ്പെടുന്നതിനുള്ള അവസരവും നൽകുകയാണ് ഈ പദ്ധതിയുടെ ലക്ഷ്യം. ഈ വർഷം ഫ്ളാഷ്ബാക്ക് ബന്ധപ്പെട്ട സംസ്ഥാനങ്ങളിൽ മലയാളം, കന്നഡ, തെലുങ്ക്, തമിഴ് തുടങ്ങിയ പ്രാദേശിക ഭാഷകളിലെ ചലച്ചിത്രങ്ങൾ പ്രദർശിപ്പിക്കും. ഇതിലൂടെ പ്രാദേശിക പ്രേക്ഷകരുമായി കൂടുതൽ ആഴത്തിലുള്ള സാംസ്കാരിക ബന്ധം സ്ഥാപിക്കാനും ലക്ഷ്യമിടുന്നു.

എറണാകുളം, ഡൽഹി-എൻസിആർ, മുംബൈ, പൂനെ, അഹമ്മദാബാദ്, കൊൽക്കത്ത, ബെംഗളൂരു, ചെന്നൈ, ഹൈദരാബാദ്, ലുധിയാന, ജയ്പൂർ, ലക്നൗ, ചണ്ഡീഗഡ്, പട്ന, റാഞ്ചി, വഡോദര, ഇൻഡോർ, നാഗ്പൂർ, സൂറത്ത്, മംഗലാപുരം, കോയമ്പത്തൂർ ഉൾപ്പെടെ 21 നഗരങ്ങളിലായാണ് ഈ സിനിമകൾ പ്രദർശിപ്പിക്കുന്നത്.

അമർ അക്ബർ ആൻറണി (ഹിന്ദി), ചുപ്കെ ചുപ്കെ (ഹിന്ദി), ഗന്ധദ ഗുഡി (കന്നഡ), മായാബസാർ (തെലുങ്ക്), മണിച്ചിത്രത്താഴ് (മലയാളം), മുതൽ മരിയാദൈ (തമിഴ്) എന്നീ എക്കാലത്തെയും പ്രിയപ്പെട്ട സിനിമകൾ പ്രദർശിപ്പിക്കുന്നതിനായി പി.വി.ആർ., സെൻകോ, വൈബ്സ്, മാർസി എന്നിവരുമായി ബാങ്ക് സഹകരിക്കും.

സാമ്പത്തിക ഇടപാടുകൾക്കപ്പുറത്തെ ബന്ധങ്ങൾ വളർത്താൻ ബാങ്ക് ആഗ്രഹിക്കുന്നു. 'ദിൽ സെ ഓപ്പൺ' എന്ന ബ്രാൻഡ് തത്വത്തിനോട് അനുസൃതമായി ഫ്ളാഷ്ബാക്ക് എന്ന പദ്ധതിയിലൂടെ വർഷങ്ങളായി ഉപഭോക്താക്കൾ അർപ്പിച്ച വിശ്വാസത്തിന് നന്ദിയോടും സ്നേഹത്തോടെയും അവരുമായി ഇടപെഴകാനുള്ള തങ്ങളുടെ പ്രതിബദ്ധതയെയാണ് കാണിക്കുന്നത്. ഈ പദ്ധതിയിലൂടെ ഈ ബന്ധങ്ങളെ കൂടുതൽ ശക്തിപ്പെടുത്തുകയാണ് തങ്ങളുടെ ലക്ഷ്യം. എക്കാലത്തെയും ക്ലാസിക്കൽ സിനിമകളിലൂടെ മുതിർന്ന ഉപഭോക്താക്കൾക്കളുടെ മുൻകാല സ്മരണകൾ ഉണർത്തി സന്തോഷം നിറഞ്ഞ അനുഭവം നൽകാനും, അവരുടെ മനസ്സിനെ പഴയ കാലത്തിലേക്ക് കൊണ്ടുപോകാനാകുമെന്ന് പ്രതീക്ഷിക്കുന്നുവെന്നും ആക്സിസ് ബാങ്ക് ചീഫ് മാർക്കറ്റിംഗ് ഓഫീസർ അനൂപ് മനോഹർ പറഞ്ഞു.

സിനിമയിലൂടെ മുതിർന്ന ഉപഭോക്താക്കളെ ആദരിക്കാനും അവർക്ക് പ്രത്യേക പരിഗണനയും മൂല്യവും നൽകാനുമുള്ള ആക്സിസ് ബാങ്കിൻറെ പ്രതിബദ്ധതയാണ് ഈ കാമ്പയിനിലൂടെ വ്യക്തമാകുന്നത്.