- Trending Now:
- Cough syrups
- Wipro
- syrup
അരി അടക്കം നിരവധി ഭക്ഷ്യവസ്തുക്കള്ക്ക് നാളെ മുതല് വില കൂടും
ന്യൂഡല്ഹി: നാളെ മുതല് സര്വത്ര വസ്തുക്കളും സാധാരണക്കാരുടെ കൈപൊള്ളിക്കും. അരി അടക്കം നിരവധി ഭക്ഷ്യവസ്തുക്കള്ക്ക് നാളെ മുതല് വില കൂടും. പായ്ക്ക് ചെയ്ത് ലേബല് ഒട്ടിച്ച ബ്രാന്ഡഡ് അല്ലാത്ത ഭക്ഷ്യ വസ്തുക്കളെയും ജിഎസ്ടി പരിധിയില് ഉള്പ്പെടുത്താന് കഴിഞ്ഞ മാസം അവസാനം ചേര്ന്ന ജിഎസ്ടി കൗണ്സില് യോഗമാണ് തീരുമാനിച്ചത്. ഇതുസംബന്ധിച്ച് പരോക്ഷനികുതി ബോര്ഡ് വിജ്ഞാപനം ഇറക്കിയതോടെയാണ് തിങ്കളാഴ്ച മുതല് വില വര്ധിക്കുന്നത്.
നാളെ മുതല് വില കൂടുന്നവ:
പനീര്, ശര്ക്കര, പപ്പടം, പാക്കറ്റിലാക്കി വില്ക്കുന്ന അരി, ഗോതമ്പുപൊടി, അരിപ്പൊടി എന്നിവയ്ക്ക് അഞ്ചുശതമാനം ജിഎസ്ടി
പാക്കറ്റിലുള്ള തൈരിനും മോരിനുമടക്കം നാളെ മുതല് അഞ്ചുശതമാനം ജിഎസ്ടി
ബാങ്കുകളില്നിന്നുള്ള ചെക്ക് ബുക്കിന് 18% നികുതി
ബിസിനസ് സ്ഥാപനങ്ങള്ക്ക് വീട് വാടകയ്ക്കു കൊടുക്കുന്നതിനും നികുതി
5000 രൂപയിലേറെ ദിവസവാടകയുള്ള ആശുപത്രിമുറികള്ക്ക് (ഐസിയു ഒഴികെ) 5% നികുതി
ദിവസം 1000 രൂപയില് താഴെയുള്ള ഹോട്ടല്മുറി വാടകയില് 12% നികുതി
എല്ഇഡി ലാംപ്, ലൈറ്റ്, വാട്ടര് പമ്പ്, സൈക്കിള് പമ്പ്, അച്ചടി, എഴുത്ത്, വര എന്നിവയ്ക്കുള്ള മഷി, കട്ടിങ് ബ്ലേഡുകളുള്ള കത്തികള്, പേപ്പര് മുറിക്കുന്ന കത്തി, പെന്സില് ഷാര്പ്നറും ബ്ലേഡുകളും, സ്പൂണ്, ഫോര്ക്ക് തുടങ്ങിയവയ്ക്ക് 18ശതമാനം നികുതി.
സോളര് വാട്ടര് ഹീറ്ററുകളുടെ നികുതി അഞ്ചില്നിന്ന് 12 ശതമാനമാകും; ഭൂപടങ്ങള്ക്ക് 12%.
ഇവിടെ പോസ്റ്റു ചെയ്യുന്ന അഭിപ്രായങ്ങൾ THE LOCAL ECONOMY ടേതല്ല. അഭിപ്രായങ്ങളുടെ പൂർണ ഉത്തരവാദിത്തം രചയിതാവിനായിരിക്കും. കേന്ദ്ര സർക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം അധിക്ഷേപങ്ങളും അശ്ലീല പദപ്രയോഗങ്ങളും നടത്തുന്നത് ശിക്ഷാർഹമായ കുറ്റമാണ്. ഇത്തരം അഭിപ്രായ പ്രകടനത്തിന് നിയമനടപടി കൈക്കൊള്ളുന്നതാണ്.