കൊച്ചി: ഏറ്റവും മികച്ച ദൃശ്യഭംഗിയോടെ ഉള്ളടക്കങ്ങൾ സൃഷ്ടിക്കുന്നതിന് സോണി ഇന്ത്യ ഇസഡ്വി-ഇ1 എന്ന പുതിയ ഫുൾ ഫ്രെയിം വ്ളോഗ് ക്യാമറ അവതരിപ്പിച്ചു. പരസ്പരം മാറ്റാവുന്ന ലെൻസും, മികച്ച പ്രകടനമുള്ള 35 എംഎം ഫുൾ ഫ്രെയിം ഇമേജ് സെൻസറുമാണ് പ്രധാനമായും വ്ളോഗർമാരെ ലക്ഷ്യമിട്ടുള്ള ഇസഡ്വി-ഇ1 ക്യാമറയുടെ ഏറ്റവും പ്രധാന സവിശേഷതകൾ.

സിനിമാറ്റിക് വ്ളോഗ് സെറ്റിങ്, ഇന്നോവേറ്റീവ് എഐ പ്രോസസിങ് യൂണിറ്റ്, റിയൽടൈം ട്രാക്കിങ്, റെകഗ്നിഷൻ ഫീച്ചേർസ്, എളുപ്പത്തിലുള്ള നിരീക്ഷണത്തിനും മൊബിലിറ്റിക്കുമായി വേരി-ആംഗിൾ ടച്ച് എൽസിഡി സ്ക്രീൻ, സുഗമമായ സ്മാർട്ട്ഫോൺ കണക്റ്റിവിറ്റി, ക്രിയേറ്റേഴ്സ് ക്ലൗഡ് ഫീച്ചർ എന്നിവയാണ് ഇസഡ്വി-ഇ1 ക്യാമറയുടെ മറ്റു പ്രത്യേകതകൾ. ഇസഡ്വി-ഇ1 ക്യാമറ വാങ്ങുമ്പോൾ പ്രത്യേക അവതരണ ഓഫറായി 19,170 രൂപയുടെ ആനുകൂല്യങ്ങൾ ഉപഭോക്താക്കൾക്ക് ലഭിക്കും.

വ്ളോഗർമാർക്കും കോണ്ടെൻറ് ക്രിയേറ്റർക്കുമായി പ്രത്യേകം രൂപകൽപന ചെയ്തിരിക്കുന്ന ഇസഡ്വി-ഇ1 ക്യാമറയുടെ അസാധാരണമായ ഇമേജ് നിലവാരവും. ഒതുക്കം നിറഞ്ഞ രൂപവും, നൂതനമായ സവിശേഷതകളും. ആകർഷകവും ആഴത്തിലുള്ളതുമായ ഉള്ളടക്കം സൃഷ്ടിക്കാൻ ക്രിയേറ്റർമാരെ സഹായിക്കുമെന്ന് സോണി ഇന്ത്യയുടെ ഡിജിറ്റൽ ഇമേജിങ് ബിസിനസ് മേധാവി മുകേഷ് ശ്രീവാസ്തവ പറഞ്ഞു.

28-60 എംഎം സൂം ലെൻസിനൊപ്പം ഇസഡ്വി-ഇ1എൽ മോഡൽ 2,43,990 രൂപയ്ക്കും, ഇസഡ്വി-ഇ1 മോഡലിന് മാത്രമായി 2,14,990 രൂപയുമാണ് വില. എല്ലാ സോണി സെൻറർ, ആൽഫ ഫ്ളാഗ്ഷിപ്പ് സ്റ്റോറുകൾ, സോണി അംഗീകൃത ഡീലർമാർ, ഇ-കൊമേഴ്സ് വെബ്സൈറ്റുകൾ (ആമസോൺ, ഫ്ലിപ്പ്കാർട്ട്) എന്നിവയിലും ഇന്ത്യയിലെ പ്രമുഖ ഇലക്ട്രോണിക് സ്റ്റോറുകളിലും ലഭ്യമാണ്.

സ്മാർട്ട്കണക്ട് സാങ്കേതിക വിദ്യയുമായി ടിവിഎസ് ജൂപിറ്റർ ഇസഡ്എക്സ് ഡ്രം പുറത്തിറക്കി... Read More