ദൃഢനിശ്ചയം എന്നത് മനുഷ്യന്റെ ആത്മശക്തിയുടെ പ്രതീകമാണ്. ജീവിതത്തിൽ എത്ര വലിയ പ്രതിസന്ധികളും തടസ്സങ്ങളും വന്നാലും ദൃഢനിശ്ചയം ഉള്ളവർ അത് മറികടന്ന് മുന്നോട്ട് പോകുന്നു. ലക്ഷ്യം വ്യക്തമായാൽ വഴി സ്വയം തെളിയും എന്നതാണ് സത്യമായ അനുഭവം. വിജയികളായവർക്ക് ഒരിക്കലും പരാജയം വന്നിട്ടില്ല എന്നല്ല, അവർ പരാജയത്തെ ഭയക്കാതെ അതിനുമപ്പുറം കാണാൻ പഠിച്ചതാണ്. ഒരു ദൃഢനിശ്ചയം ഉള്ള മനസ്സ്, ആൾക്കാരനെ ഒരു സാധാരണ മനുഷ്യനിൽ നിന്ന് മഹാനായ വ്യക്തിയാക്കുന്നു. ദ്യഢനിശ്ചയം ഉണ്ടാക്കുവാൻ നിങ്ങൾ എന്തെല്ലാം സ്വയം പരിശീലനം നടത്തണം എന്നതിനെ കുറിച്ച് നോക്കാം.

• എന്ത് നേടണമെന്നത് വ്യക്തമായി മനസ്സിലാക്കണം. ലക്ഷ്യം വ്യക്തമായാൽ മനസ്സ് വഴിമാറില്ല.
• 'എനിക്ക് കഴിയും' എന്ന വിശ്വാസം ദൃഢനിശ്ചയത്തിന്റെ അടിത്തറയാണ്.
• പ്രശ്നങ്ങളെ തടസ്സമല്ല, പഠനമായി കാണുന്നവർക്ക് മുന്നോട്ട് പോകാൻ എളുപ്പമാണ്.
• ഒരിക്കൽ ശ്രമിച്ചു പരാജയപ്പെട്ടാൽ നിർത്തരുത്; ഓരോ ശ്രമവും വിജയത്തിലേക്ക് അടുക്കാനുള്ള പടി ആണ്.
• വലിയ നേട്ടങ്ങൾ ഉടൻ ലഭിക്കില്ല. സഹനവും സ്ഥിരതയും ചേർന്നാൽ അത്ഭുതങ്ങൾ സംഭവിക്കും.
• ലോകം പറയുന്നത് മാറ്റാനാകില്ല; എന്നാൽ നമുക്ക് നമ്മുടെ ദിശ ഉറപ്പിക്കാനാകും.
• 'എനിക്ക് കഴിയില്ല'' എന്ന ചിന്ത തന്നെ ഏറ്റവും വലിയ ശത്രുവാണ്.
• പരാജയങ്ങളിൽ നിന്നും പാഠം പഠിക്കുക; അത് തന്നെയാണ് വിജയത്തിന്റെ പാത.
• ദൃഢനിശ്ചയം ഫലപ്രദമാകാൻ പദ്ധതിയും സംവിധാനവുമുണ്ടാകണം.
• ദൃഢനിശ്ചയം ഉള്ളവർ അവരുടെ ജീവിതം കൊണ്ട് മറ്റുള്ളവർക്ക് പ്രചോദനമാകുന്നു.

ദൃഢനിശ്ചയം ഒരു വ്യക്തിയുടെ സ്വഭാവമല്ല, അത് അദ്ദേഹത്തിന്റെ ജീവിതശൈലിയായിരിക്കണം. പാറയുടെ മേൽ ഒഴുകുന്ന വെള്ളം പോലെ, തടസ്സങ്ങൾ എത്രയുണ്ടെങ്കിലും വഴിയൊരുക്കി മുന്നോട്ട് പോകാൻ കഴിയുന്നത് ദൃഢനിശ്ചയമുള്ളവർക്കാണ്.

സ്നേഹം, സഹനം, മനസ്സിലാക്കൽ; കുഞ്ഞുങ്ങളുടെ ഭാവി നമ്മുടെ സമീപനത്തിലാണ്... Read More

ലോക്കൽ എക്കോണമി എന്ന ഈ ന്യൂസ് പോർട്ടൽ ജനങ്ങളെ ലോക്കൽ ടു ഗ്ലോബൽ എന്ന നിലയിൽ ഉയർത്തുക എന്നതാണ് ലക്ഷ്യമാക്കുന്നത്. ഈ പോർട്ടലിൽ രാവിലെ പോസിറ്റീവ് വാർത്തകൾ മാത്രമാണ് പോസ്റ്റ് ചെയ്യുന്നത്. രാവിലെ നെഗറ്റീവ് വാർത്ത കേൾക്കാതെ പോസിറ്റീവ് വാർത്തകൾ മാത്രം വായിക്കാൻ ആഗ്രഹിക്കുന്ന ആൾക്കാർ ഈ പോർട്ടൽ സബ്സ്ക്രൈബ് ചെയ്യുക, ഫോളോ ചെയ്യുക