ന്യൂഡൽഹി: സ്മാർട്ട്ഫോൺ ബ്രാൻഡായ മോട്ടോറോള തങ്ങളുടെ ഏറ്റവും പുതിയ പ്രീമിയം ഫ്ലാഗ്ഷിപ്പ് കില്ലർ സ്മാർട്ട്ഫോണായ എഡ്ജ് 70 പ്രോ പ്ലസ് ഇന്ത്യൻ വിപണിയിൽ അവതരിപ്പിച്ചു. ആകർഷകമായ ഡിസൈനും പ്രോ-ഗ്രേഡ് എഐ ക്യാമറകളും മികച്ച പെർഫോമൻസും ഒത്തുചേരുന്ന ഈ ഫോണിന്റെ പ്രാരംഭ വില ഓഫറുകൾ ഉൾപ്പെടെ 44,999 രൂപയാണ്. 144 ഹേർട്സ് റിഫ്രഷ് റേറ്റും സെഗ്മെന്റിൽ മുൻപന്തിയിലുള്ള 5200 നിറ്റ്സ് പീക്ക് ബ്രൈറ്റ്നസുമുള്ള 6.8 ഇഞ്ച് സൂപ്പർ എച്ച്ഡി+ എക്സ്ട്രീം അമോലെഡ് ക്വാഡ്-കേർവ്ഡ് ഡിസ്പ്ലേയാണ് ഇതിൽ നൽകിയിരിക്കുന്നത്. സുരക്ഷയ്ക്കായി കോർണിംഗ് ഗൊറില്ല ഗ്ലാസ് 7ഐ പ്രൊട്ടക്ഷനും ഇതിലുണ്ട്.

ഫോട്ടോഗ്രാഫിക്കായി 50എംപി സോണി ലിറ്റിയ 710 പ്രധാന ക്യാമറ, 50x സൂപ്പർ സൂം പ്രോ ഉള്ള 50എംപി 3.5x പെരിസ്കോപ്പ് ലെൻസ്, 50എംപി അൾട്രാ-വൈഡ് + മാക്രോ ക്യാമറ, ഓട്ടോഫോക്കസുള്ള 50എംപി സെൽഫി ക്യാമറ എന്നിവയടങ്ങുന്ന ക്വാഡ് ക്യാമറ സിസ്റ്റമാണ് ഫോണിലുള്ളത്. എല്ലാ ലെൻസുകളിലും 4കെ 60എഫ്പിഎസ് വീഡിയോ റെക്കോർഡിംഗും മോട്ടോ എഐ 2.0 ഫീച്ചറുകളും ലഭ്യമാണ്.

അഡ്വാൻസ്ഡ് ഓൺ-ഡിവൈസ് എഐ കഴിവുകളുള്ള മീഡിയടെക് ഡൈമെൻസിറ്റി 8500 എക്സ്ട്രീം പ്രോസസറാണ് ഫോണിന് കരുത്തേകുന്നത്. ഇതിനൊപ്പം 12ജിബി എൽപിഡിഡിആർ5എക്സ് റാമും 256ജിബി യുഎഫ്എസ് 4.1 സ്റ്റോറേജും വലിയ വേപ്പർ ചേമ്പർ കൂളിംഗ് സിസ്റ്റവും ഉൾപ്പെടുത്തിയിട്ടുണ്ട്. 51 മണിക്കൂർ വരെ ബാറ്ററി ലൈഫ് നൽകുന്ന വമ്പൻ 6500എംഎഎച്ച് സിലിക്കൺ-കാർബൺ ബാറ്ററിയാണ് ഇതിലുള്ളത്. ഇത് 90വാട്ട് ടർബോപവർ ഫാസ്റ്റ് ചാർജിംഗും 15വാട്ട് വയർലെസ് ചാർജിംഗും പിന്തുണയ്ക്കുന്നു.

ആൻഡ്രോയ്ഡ് 16 അടിസ്ഥാനമാക്കിയുള്ള ഹലോ യുഐയിൽ പ്രവർത്തിക്കുന്ന ഫോണിന് 3 ഒഎസ് അപ്ഗ്രേഡുകളും 5 വർഷത്തെ സെക്യൂരിറ്റി അപ്ഡേറ്റുകളും കമ്പനി ഉറപ്പുനൽകുന്നു. ഐപി68 + ഐപി69 റേറ്റിംഗോട് കൂടിയ മിലിട്ടറി-ഗ്രേഡ് കാഠിന്യവും ഡോൾബി അറ്റ്മോസ് സ്റ്റീരിയോ സ്പീക്കറുകളും ഇതിന്റെ മറ്റ് സവിശേഷതകളാണ്.

പാന്റോൺ ക്യൂറേറ്റഡ് നിറങ്ങളായ സാറ്റിൻ-ലക്സ്, സ്കൾപ്റ്റഡ് വുഡ്, ട്വിൽ ഇൻസ്പയേർഡ് ഫിനിഷുകളിൽ ലഭ്യമാകുന്ന ഈ ഫോണിന്റെ യഥാർത്ഥ വില 47,999 രൂപയാണ്. എന്നാൽ 3,000 രൂപയുടെ ബാങ്ക് അല്ലെങ്കിൽ എക്സ്ചേഞ്ച് ഓഫറുകൾ വഴി 44,999 രൂപയ്ക്ക് ഫോൺ സ്വന്തമാക്കാം. 2026 ജൂൺ 11 മുതൽ ഫ്ലിപ്കാർട്ട്, മോട്ടറോള.ഇൻ, മറ്റ് പ്രമുഖ റീട്ടെയിൽ സ്റ്റോറുകൾ വഴി വിൽപ്പന ആരംഭിക്കും. ജിയോ ഉപഭോക്താക്കൾക്കായി 18 മാസത്തേക്ക് 5000ജിബി ക്ലൗഡ് സ്റ്റോറേജും ഗൂഗിൾ ജെമിനി പ്രോയിലേക്ക് സൗജന്യ ആക്സസും ലഭിക്കുന്ന പ്രത്യേക ഓഫറുകളും മോട്ടോറോള ഒരുക്കിയിട്ടുണ്ട്.