പണ്ടൊരു ഗ്രാമത്തിൽ വളരെ കഴിവുള്ള ഒരു വൈദ്യൻ ജീവിച്ചിരുന്നു. കുട്ടികളെ ബാധിക്കുന്ന ഒരു ഗുരുതരമായ രോഗം ആ ഗ്രാമത്തിൽ പടർന്നുപിടിച്ചിരുന്നു. പല കുടുംബങ്ങളും അതിന്റെ വേദന അനുഭവിച്ചു. എന്നാൽ ആ രോഗത്തിന് ഫലപ്രദമായൊരു ചികിത്സ ആ വൈദ്യന് അറിയാമായിരുന്നു. വർഷങ്ങളായി അതിനെക്കുറിച്ച് പഠിക്കുകയും ചികിത്സയിൽ പരിചയം നേടുകയും ചെയ്ത ഒരാളായിരുന്നു അദ്ദേഹം.

പക്ഷേ ഒരു പ്രശ്നമുണ്ടായിരുന്നു. തന്റെ അറിവിനെക്കുറിച്ച് അദ്ദേഹം ആരോടും പറഞ്ഞില്ല. അദ്ദേഹത്തിന്റെ ചിന്ത വളരെ ലളിതമായിരുന്നു: ''ആവശ്യമുള്ളവർ എന്നെ അന്വേഷിച്ച് വരട്ടെ. അപ്പോൾ ഞാൻ ചികിത്സ നൽകാം.'' പക്ഷേ നാട്ടുകാർക്ക് അദ്ദേഹത്തിന്റെ കഴിവിനെക്കുറിച്ച് അറിയില്ലായിരുന്നു. അദ്ദേഹത്തിന് ഈ രോഗത്തെക്കുറിച്ച് പ്രത്യേക അറിവുണ്ടെന്ന് ആരും അറിഞ്ഞില്ല. അതിനാൽ ആരും അദ്ദേഹത്തെ തേടിയെത്തിയില്ല.

ചികിത്സിക്കാൻ കഴിയുന്ന അറിവ് ഒരു വശത്ത് ഉണ്ടായിരുന്നു. ആ അറിവ് ആവശ്യമുള്ള ആളുകൾ മറുവശത്തും ഉണ്ടായിരുന്നു. പക്ഷേ ഇവരെ തമ്മിൽ ബന്ധിപ്പിക്കുന്ന ഒരു കാര്യം ഇല്ലായിരുന്നു. ദൃശ്യത - Visibility. ഈ കഥ ഒരു വലിയ പാഠം നമ്മെ പഠിപ്പിക്കുന്നു. നിങ്ങളുടെ കൈയിൽ ഒരു പ്രശ്നത്തിന് നല്ലൊരു പരിഹാരമുണ്ടെങ്കിൽ, അത് നിങ്ങളുടെ മനസ്സിനുള്ളിൽ മാത്രം സൂക്ഷിച്ചതുകൊണ്ട് സമൂഹത്തിന് പ്രയോജനമില്ല. നിങ്ങൾക്ക് അറിവുണ്ടാകാം. കഴിവുണ്ടാകാം. മികച്ച ഉൽപ്പന്നമുണ്ടാകാം. മികച്ച സേവനം നൽകാൻ കഴിയാം. പക്ഷേ ആളുകൾക്ക് അത് അറിയില്ലെങ്കിൽ അതിന്റെ വ്യാപാരമൂല്യം വളരെ പരിമിതമായിരിക്കും.

അതുകൊണ്ട് Micro Brand യാത്രയിലെ രണ്ടാമത്തെ പ്രധാന പടി: Expertise നേടിയശേഷം Visibility നേടുക.

Micro Brand ആകണമെങ്കിൽ ആദ്യം നിങ്ങളുടെ മേഖലയിൽ Expert ആകൂ... Read More

നല്ലവനാണെന്നത് മാത്രം പോരാ; ആളുകൾക്ക് അറിയണം

പല ബിസിനസുകാരും പറയുന്ന ഒരു വാചകമുണ്ട്: ''ഞങ്ങളുടെ product നല്ലതാണ്. ആളുകൾക്ക് അറിയാമെങ്കിൽ മതി.'' പ്രശ്നം അവിടെയാണ്. ആളുകൾക്ക് അറിയിക്കുക എന്നതും ബിസിനസിന്റെ ഉത്തരവാദിത്തമാണ്. മികച്ച furniture നിർമ്മിച്ചിട്ട് shop-ന്റെ അകത്ത് വെച്ചാൽ മാത്രം പോരാ. മികച്ച cake ഉണ്ടാക്കുന്നതുകൊണ്ട് മാത്രം പോരാ. മികച്ച service നൽകാനുള്ള കഴിവുണ്ടെന്നതുകൊണ്ട് മാത്രം പോരാ. Market-ന് നിങ്ങളെ കാണാൻ കഴിയണം. നിങ്ങളുടെ പേര് കേൾക്കണം. നിങ്ങളുടെ അറിവ് അനുഭവിക്കണം. നിങ്ങൾ എന്തിനാണ് വ്യത്യസ്തൻ എന്ന് മനസ്സിലാക്കണം. അപ്പോഴാണ് Expertise business opportunity ആയി മാറുന്നത്.

Visibility എന്നത് പ്രശസ്തനാകുക മാത്രമല്ല

Visibility എന്ന് കേൾക്കുമ്പോൾ ചിലർ ചിന്തിക്കും: ''എനിക്ക് celebrity ആകണമെന്നില്ല.'' ശരിയാണ്. Micro Brand നിർമ്മിക്കാൻ നിങ്ങൾ celebrity ആകേണ്ടതില്ല. ലക്ഷക്കണക്കിന് followers വേണമെന്നുമില്ല. നിങ്ങളുടെ നാട്ടിലെ എല്ലാവരും നിങ്ങളെ അറിയേണ്ടതുമില്ല. നിങ്ങളുടെ ശരിയായ customer നിങ്ങളെ അറിയണം. അതാണ് പ്രധാനപ്പെട്ടത്. നിങ്ങൾ furniture business നടത്തുകയാണെങ്കിൽ furniture വാങ്ങാൻ സാധ്യതയുള്ള ആളുകൾ നിങ്ങളെ കാണണം. Wedding saree business ആണെങ്കിൽ വിവാഹവുമായി ബന്ധപ്പെട്ട customers നിങ്ങളെ കാണണം. Business consultant ആണെങ്കിൽ business owners നിങ്ങളെ കാണണം.

അതുകൊണ്ട് Visibility-യുടെ ലക്ഷ്യം: എല്ലാവരുടെയും ശ്രദ്ധ നേടുക എന്നതല്ല; ശരിയായ ആളുകളുടെ ശ്രദ്ധ നേടുക എന്നതാണ്.

Brand ശക്തമായാൽ ബിസിനസിന് എന്തൊക്കെ നേട്ടങ്ങൾ ലഭിക്കും? അറിയാം... Read More

നമ്മൾ ഭാഗ്യമുള്ള കാലഘട്ടത്തിലാണ് ജീവിക്കുന്നത്

ഒരുകാലത്ത് Visibility നേടുന്നത് വളരെ ബുദ്ധിമുട്ടുള്ള കാര്യമായിരുന്നു. ഒരു പത്രത്തിൽ വാർത്ത വരണം. Radio-യിൽ അവസരം ലഭിക്കണം. Television-ൽ എത്തണം. വലിയ advertisement budget വേണം. അപ്പോഴാണ് ആയിരക്കണക്കിന് ആളുകളിലേക്ക് എത്താൻ കഴിഞ്ഞിരുന്നത്. ഇന്ന് സ്ഥിതി മാറി. നിങ്ങളുടെ കൈയിലുള്ള ഒരു smartphone തന്നെ ഒരു ചെറിയ television station പോലെയാണ്. Facebook, Instagram, YouTube, WhatsApp, Google Business Profile ഇവ ഉപയോഗിച്ച് ഒരു ചെറിയ business owner-ന് പോലും തന്റെ പ്രദേശത്തെ ആയിരക്കണക്കിന് ആളുകളിലേക്ക് എത്താൻ കഴിയും. അതും മുമ്പത്തെക്കാൾ വളരെ കുറഞ്ഞ ചെലവിൽ. Micro Brand നിർമ്മിക്കാൻ ഇത്രയും വലിയ അവസരം മുമ്പ് ചെറിയ ബിസിനസുകാരന് ലഭിച്ചിട്ടില്ല.

വീണ്ടും വീണ്ടും കാണുമ്പോഴാണ് പരിചയം ഉണ്ടാകുന്നത്

നമ്മൾ പരിചയമുള്ള പല വ്യക്തികളെയും ചിന്തിച്ചുനോക്കൂ. അവരെ വ്യക്തിപരമായി കണ്ടിട്ടുണ്ടാകണമെന്നില്ല. എന്നിട്ടും അവരുടെ മുഖം കണ്ടാൽ ഉടനെ തിരിച്ചറിയും. എന്തുകൊണ്ട്? വീണ്ടും വീണ്ടും കണ്ടിട്ടുണ്ട്. വീഡിയോയിൽ, സിനിമയിൽ, വാർത്തയിൽ, സാമൂഹിക മാധ്യമങ്ങളിൽ. Repeated Visibility പരിചയം സൃഷ്ടിക്കുന്നു. പരിചയം പതുക്കെ ഓർമ്മയാകുന്നു. ഓർമ്മ പിന്നീട് വിശ്വാസത്തിലേക്കുള്ള ഒരു വാതിൽ തുറക്കാം.

Business-ലും ഇതേ തത്വം പ്രവർത്തിക്കുന്നു. Customer നിങ്ങളെ ഒരിക്കൽ മാത്രം കണ്ടാൽ മറന്നേക്കാം. പക്ഷേ സ്ഥിരമായി കാണുമ്പോൾ പേര് പരിചിതമാകുന്നു. ''ഇവരെ മുമ്പ് കണ്ടിട്ടുണ്ട്.'' എന്നൊരു തോന്നൽ ഉണ്ടാകുന്നു. അതാണ് Brand Recognition-ന്റെ തുടക്കം.

ബ്രാൻഡ് ശക്തമായാൽ Business Expansion എളുപ്പമാകുന്നത് എങ്ങനെ?... Read More

Video ഇന്ന് ഏറ്റവും ശക്തമായ വഴികളിലൊന്നാണ്

Micro Brand നിർമ്മിക്കാൻ ഇന്ന് വളരെ ഫലപ്രദമായി ഉപയോഗിക്കാവുന്ന മാർഗങ്ങളിലൊന്ന് വീഡിയോയാണ്. കാരണം video-യിൽ ആളുകൾ നിങ്ങളുടെ മുഖം കാണുന്നു. ശബ്ദം കേൾക്കുന്നു. നിങ്ങൾക്ക് വിഷയത്തെക്കുറിച്ച് എത്ര അറിവുണ്ട് എന്ന് മനസ്സിലാക്കുന്നു. നിങ്ങളുടെ സംസാരശൈലി അനുഭവിക്കുന്നു. അതുകൊണ്ട് Expertise കാണിക്കാൻ Video വളരെ ശക്തമായ മാധ്യമമാണ്. Furniture business owner ആണെങ്കിൽ വീഡിയോ ചെയ്യാം: ''Teak furniture വാങ്ങുമ്പോൾ ശ്രദ്ധിക്കേണ്ട മൂന്ന് കാര്യങ്ങൾ.'' ''Plywood തിരഞ്ഞെടുക്കുമ്പോൾ ചെയ്യുന്ന വലിയ തെറ്റുകൾ.'' ''ചെറിയ വീട്ടിൽ space-saving furniture എങ്ങനെ തിരഞ്ഞെടുക്കാം?'' ''വില കുറഞ്ഞ furniture വാങ്ങുമ്പോൾ എന്താണ് പരിശോധിക്കേണ്ടത്?''

ഒരു saree business owner-ന് പറയാം: ''Silk saree വാങ്ങുമ്പോൾ quality എങ്ങനെ തിരിച്ചറിയാം?'' ഒരു bakery owner-ന്: ''Birthday cake order ചെയ്യുമ്പോൾ എത്ര നേരത്തെ പറയണം?'' ഇവിടെ നിങ്ങൾ product വിറ്റുകൊണ്ടിരിക്കുകയല്ല. നിങ്ങളുടെ അറിവ് തെളിയിക്കുകയാണ്. അതാണ് Visibility-യെ Authority ആക്കുന്നത്.

എല്ലാ വിഷയത്തിലും അഭിപ്രായം പറയേണ്ടതില്ല

Visibility നേടണമെന്ന് പറഞ്ഞാൽ എല്ലാ ദിവസവും എന്തെങ്കിലും പറഞ്ഞുകൊണ്ടിരിക്കണം എന്നല്ല. പ്രത്യേകിച്ച് എല്ലാ വിഷയത്തിലും അഭിപ്രായം പറയുന്നത് Micro Brand-ന് ഗുണകരമാകണമെന്നില്ല. Business, Cinema, Politics, Sports, Health, Social issues എല്ലാത്തിലും ഒരേ വ്യക്തി സംസാരിച്ചാൽ customer-ന്റെ മനസ്സിൽ ഒരു ചോദ്യം വരാം: ''ഇയാൾ യഥാർത്ഥത്തിൽ എന്തിന്റെ Expert ആണ്?'' നമ്മൾ അത് ഒഴിവാക്കണം. നിങ്ങൾക്ക് ഒരു Core Topic വേണം. നിങ്ങളുടെ business എന്തുമായി ബന്ധപ്പെട്ടിരിക്കുന്നു? നിങ്ങളുടെ customer ഏത് പ്രശ്നത്തിന് നിങ്ങളെ സമീപിക്കുന്നു? ആ വിഷയത്തിനുചുറ്റുമാണ് നിങ്ങളുടെ Visibility നിർമ്മിക്കേണ്ടത്.

കസ്റ്റമറെ കൊണ്ടുവരുന്നത് Marketing; വീണ്ടും വീണ്ടും വരുത്തുന്നത് Brand... Read More

ഒരു വിഷയം സ്വന്തമാക്കുക

Micro Brand നിർമ്മിക്കുന്ന വ്യക്തിക്ക് ഏറ്റവും ശക്തമായ ഒരു തന്ത്രമാണ്: ഒരു വിഷയം സ്വന്തമാക്കുക. Furniture എന്നത് വിശാലമായ category ആണെങ്കിൽ, നിങ്ങൾ ആദ്യം 'small-space furniture' സ്വന്തമാക്കാം. Bakery ആണെങ്കിൽ 'customised celebration cakes'. Saree business ആണെങ്കിൽ 'wedding sarees'. Consultant ആണെങ്കിൽ 'small business branding'. നിങ്ങൾ സ്ഥിരമായി അതേ വിഷയത്തെക്കുറിച്ച് ഉപകാരപ്രദമായി സംസാരിക്കുമ്പോൾ പതുക്കെ ആ വിഷയവും നിങ്ങളുടെ പേരും തമ്മിൽ ഒരു ബന്ധം രൂപപ്പെടും. Customer-ന്റെ മനസ്സിൽ: വിഷയം? നിങ്ങളുടെ പേര് എന്ന ബന്ധം ഉണ്ടാകണം. അതാണ് Positioning.

Visibility-ക്ക് സ്ഥിരത വേണം

ഒരു വീഡിയോ ചെയ്തിട്ട് മൂന്ന് മാസം ഒന്നും ചെയ്യാതിരുന്നാൽ Visibility നിർമ്മിക്കാൻ ബുദ്ധിമുട്ടാണ്. ഒരു ദിവസം പത്ത് post ഇട്ടിട്ട് പിന്നീട് കാണാതാകുന്നതും സഹായിക്കില്ല. Brand നിർമ്മിക്കുന്നത് ഒരു ഓട്ടമത്സരമല്ല. ഒരു ശീലമാണ്. ആഴ്ചയിൽ രണ്ട് നല്ല videos ആണെങ്കിൽ അത് സ്ഥിരമായി ചെയ്യുക. ദിവസവും ഒരു useful tip ആണെങ്കിൽ അത് തുടരുക. പ്രധാനമായത് എണ്ണം മാത്രം അല്ല. Consistency ആണ്. വീണ്ടും വീണ്ടും കാണപ്പെടണം. പക്ഷേ ഓരോ തവണയും ഉപകാരപ്രദമായ എന്തെങ്കിലും നൽകണം.

Attention കിട്ടാനായി എന്തും ചെയ്യരുത്

Visibility-യും Attention-ഉം വേണം. പക്ഷേ ഏതുവിധേനയും Attention നേടണം എന്നല്ല. Controversy ഉണ്ടാക്കി ആളുകളെ നോക്കിക്കാൻ കഴിയും. അനാവശ്യമായ കാര്യങ്ങൾ പറഞ്ഞ് views നേടാം. Entertainment കൊണ്ട് followers നേടാം. പക്ഷേ ഒരു business brand-ന് വേണ്ടത് views മാത്രം അല്ല. Relevant Attention ആണ്. നിങ്ങളുടെ customer നിങ്ങളെ കാണണം. നിങ്ങളുടെ Expertise മനസ്സിലാക്കണം. നിങ്ങളിലുള്ള വിശ്വാസം കൂടണം. അതിനാൽ content ചെയ്യുമ്പോൾ ഒരു ചോദ്യം ചോദിക്കുക: ''ഈ content കണ്ട ശേഷം എന്റെ ശരിയായ customer എന്നെ കൂടുതൽ വിശ്വസിക്കുമോ?'' ഉത്തരം ''അതെ'' ആണെങ്കിൽ അത് Brand Content ആണ്.

ബ്രാൻഡ് ശക്തമാകുമ്പോൾ Marketing ചെലവ് കുറയുമോ? അറിയേണ്ട സത്യം... Read More

Visibility + Expertise = Authority

ഇവിടെയാണ് 2.2-ഉം 2.3-ഉം തമ്മിൽ ബന്ധപ്പെടുന്നത്. Expertise ഉണ്ടെങ്കിലും Visibility ഇല്ലെങ്കിൽ ആരും നിങ്ങളെ അറിയില്ല. Visibility ഉണ്ടെങ്കിലും Expertise ഇല്ലെങ്കിൽ കുറച്ച് കാലം ആളുകൾ നിങ്ങളെ കാണാം; പക്ഷേ ദീർഘകാല വിശ്വാസം ഉണ്ടാകില്ല. രണ്ടും ഒരുമിക്കണം.

Expertise + Visibility = Authority

ആളുകൾ നിങ്ങളെ കാണുന്നു. നിങ്ങൾക്ക് കാര്യങ്ങൾ അറിയാമെന്ന് മനസ്സിലാക്കുന്നു. നിങ്ങൾ തുടർച്ചയായി value നൽകുന്നു. പതുക്കെ വിശ്വാസം രൂപപ്പെടുന്നു. അവിടെയാണ് നിങ്ങൾ ഒരു സാധാരണ business owner-ൽ നിന്ന് Category Authority ആയി മാറുന്നത്.

മിണ്ടാതിരിക്കുന്ന മികച്ച ബിസിനസ് ആവരുത്

നിങ്ങളുടെ product നല്ലതാണെങ്കിൽ പറയുക. നിങ്ങളുടെ അറിവ് മറ്റുള്ളവർക്ക് ഉപകാരപ്പെടുമെങ്കിൽ പങ്കിടുക. Customer ചെയ്യുന്ന തെറ്റ് നിങ്ങൾക്കറിയാമെങ്കിൽ പഠിപ്പിക്കുക. ഒരു മികച്ച solution നിങ്ങളുടെ കൈയിലുണ്ടെങ്കിൽ market-നെ അറിയിക്കുക. ഇത് അഹങ്കാരം അല്ല. ശരിയായ രീതിയിൽ ചെയ്താൽ അത് സേവനമാണ്.

പണ്ടത്തെ വൈദ്യന്റെ കഥയിലേക്ക് തിരികെ വരാം. മരുന്ന് കൈയിൽ ഉണ്ടായിരുന്നത് മാത്രം മതിയായില്ല. ആ മരുന്ന് ഉണ്ടെന്ന് ആവശ്യക്കാരൻ അറിയേണ്ടതുണ്ടായിരുന്നു. അതുപോലെ: നിങ്ങളുടെ Expertise നിങ്ങളുടെ ഉള്ളിൽ ഒളിപ്പിച്ചുവച്ചാൽ അത് കഴിവാണ്. അത് ശരിയായ ആളുകളിലേക്ക് എത്തിച്ചാൽ മാത്രമാണ് അത് Brand Value ആകുന്നത്.

കസ്റ്റമേഴ്‌സിനെ മാത്രമല്ല, നല്ല ജീവനക്കാരെയും ആകർഷിക്കണം; ബ്രാൻഡ് ബിൽഡിംഗിന്റെ ശക്തി... Read More

നിങ്ങളുടെ കൈയിൽ തന്നെ മാധ്യമമുണ്ട്

Micro Brand ആകാൻ വലിയ television channel ആവശ്യമില്ല. വലിയ newspaper ആവശ്യമില്ല. Celebrity support ആവശ്യമില്ല. നിങ്ങളുടെ smartphone മതി. നിങ്ങളുടെ അറിവ് മതി. സ്ഥിരമായി സംസാരിക്കാനുള്ള തയ്യാറെടുപ്പ് മതി. ശരിയായ customer-നെ സഹായിക്കാനുള്ള മനസ്സുണ്ടെങ്കിൽ തുടക്കം കുറിക്കാം. Camera-യുടെ മുന്നിൽ ആദ്യദിവസം perfect ആയിരിക്കണമെന്നില്ല. ഭാഷ perfect ആയിരിക്കണമെന്നില്ല. Video quality അത്യുന്നതമായിരിക്കണമെന്നില്ല. പക്ഷേ പറയുന്ന കാര്യത്തിന് value ഉണ്ടായിരിക്കണം. Perfection-നെക്കാൾ Consistency പ്രധാനമാണ്.

Micro Brand-ന്റെ രണ്ടാമത്തെ പടി

Micro Brand നിർമ്മിക്കുന്ന ആദ്യപടി: Expert ആകുക. രണ്ടാമത്തെ പടി: ആ Expertise ശരിയായ ആളുകൾക്ക് കാണിക്കുക. അതായത് - Visibility നേടുക. നിങ്ങളുടെ പേരും നിങ്ങളുടെ category-യും തമ്മിൽ ബന്ധം ഉണ്ടാക്കുക. വീണ്ടും വീണ്ടും കാണപ്പെടുക. വീണ്ടും വീണ്ടും value നൽകുക. പക്ഷേ എല്ലായിടത്തും എല്ലാം സംസാരിക്കരുത്. നിങ്ങൾ എന്തിനാണ് അറിയപ്പെടേണ്ടത് എന്നതിൽ വ്യക്തത വേണം.

ഓർക്കുക: അറിവുള്ളത് മാത്രം ശക്തിയല്ല. ആ അറിവ് ശരിയായ ആളുകളുടെ മുന്നിലെത്തുമ്പോഴാണ് അത് സ്വാധീനമായി മാറുന്നത്. അതിനാൽ Expertise നിർമ്മിച്ച ശേഷം ഒളിച്ചിരിക്കരുത്. കാണപ്പെടുക. കേൾക്കപ്പെടുക. ഓർമ്മിക്കപ്പെടുക. അവിടെയാണ് Micro Brand-ന്റെ രണ്ടാമത്തെ അടിത്തറ നിർമ്മിക്കപ്പെടുന്നത്.

വില കുറയ്ക്കാതെ വിൽക്കാൻ കഴിയുമോ? Pricing Power നേടാനുള്ള വഴി... Read More

ചെറുകിട സംരംഭകർക്കും സംരംഭം ആരംഭിക്കാൻ ഉദ്ദേശിക്കുന്നവർക്കുമുള്ള ടിപ്പുകൾ നിരന്തരം ലഭിക്കുവാൻ വേണ്ടി ഞങ്ങളെ ഫോളോ ചെയ്യുക.