ഏറ്റവും പ്രധാനപ്പെട്ടതും എന്നാൽ അവസാനം സന്തോഷം തരുന്ന കാര്യങ്ങളിൽ ഒന്നാണ് നിങ്ങളുടെ സ്വാതന്ത്ര്യത്തിനനുസരിച്ച് ജീവിക്കുക എന്നത്. സ്വാതന്ത്ര്യം എന്ന് പറയുന്നത് നിങ്ങളുടെ ഇഷ്ടത്തിനനുസരിച്ച് ജീവിക്കുക എന്നുള്ളതല്ല, സ്വ തന്ത്രം അനുസരിച്ച് ജീവിക്കുന്നതാണ് സ്വാതന്ത്ര്യം എന്ന് പറയുന്നത്. നിങ്ങളുടെ തന്ത്രം ഉപയോഗിച്ച് ജീവിതം തിരഞ്ഞെടുക്കുന്നതിനെയാണ് സ്വാതന്ത്ര്യം എന്ന് പറയുന്നത്. അങ്ങനെയൊരു ജീവിതം ആഗ്രഹിക്കാത്തവരായി ആരും തന്നെ ഇല്ല. പക്ഷേ നിർഭാഗ്യവശാൽ പലർക്കും ഇത് കിട്ടാറില്ല. സമൂഹത്തിന്റെ അല്ലെങ്കിൽ വീട്ടിലുള്ള ആളുകളുടെ, നിങ്ങളറിയാതെ തന്നെ പരസ്യ കമ്പനികളുടെയും സോഷ്യൽ മീഡിയയുടെയോ സ്വാധീന വലയത്തിൽ പെട്ടാണ് നിങ്ങളുടെ ജീവിതം മുന്നോട്ടു പോകുന്നത്. ഇങ്ങനെ ജീവിക്കുന്നത് കൊണ്ടാണ് പലപ്പോഴും നിങ്ങളുടെ ജീവിതത്തിന് നല്ലൊരു സന്തോഷം കണ്ടെത്താൻ കഴിയാത്തത്. പല സർക്കാർ ജീവനക്കാർക്കും ജോലി നേടിയതിനുശേഷം സന്തോഷത്തോടെ കൂടിയുള്ള ഒരു ജീവിതം കിട്ടാറില്ല. തികച്ചും യാന്ത്രികമായ ഒരു ജീവിതമായിരിക്കും അവർക്കുണ്ടാവുക. അവരുടെ ശമ്പളത്തിനെ കുറിച്ച് അവർക്ക് കിട്ടുന്ന ആനുകൂല്യങ്ങളെ കുറിച്ച് മാത്രം ആലോചിച്ചുകൊണ്ട് ഇവരുടെ ജീവിതം മുന്നോട്ടു പോവുക. ഒരിക്കലും ക്രിയേറ്റീവായ ഒരു കാഴ്ചപ്പാട് ഉണ്ടായിരിക്കുകയില്ല. ഇങ്ങനെ ആളുകൾ ജീവിതം തള്ളിനീക്കുന്നതിന്റെ കാരണം എന്തൊക്കെയാണ് എന്ന പരിശോധിച്ചപ്പോൾ പ്രധാനപ്പെട്ട കാര്യങ്ങളായി കണ്ടെത്തിയത്, അവരുടെ ലക്ഷ്യത്തിനനുസരിച്ച് അല്ല അവർ ജീവിക്കുന്നത് അതുകൊണ്ടാണ് ഇങ്ങനെയെന്ന് കാണാൻ കഴിയും. നിങ്ങളുടെ ലക്ഷ്യത്തിനനുസരിച്ചുള്ള ജോലിയല്ല നിങ്ങൾക്ക് ലഭിക്കുന്നതെങ്കിൽ ആ ജോലി നിങ്ങൾക്ക് ആസ്വദിക്കാൻ കഴിയില്ല.അതിൽ കുറ്റവും കുറവുകളും മാത്രമേ നിങ്ങൾക്ക് കണ്ടെത്താൻ കഴിയുകയുള്ളൂ. നിങ്ങൾ ആഗ്രഹിച്ചത് പോലെ നിങ്ങളുടെ കഴിവിനെ അനുചിതമായ ഒരു ജോലി ലഭിക്കുമ്പോഴാണ് ആ ജോലിയിൽ സന്തോഷം കണ്ടെത്താൻ സാധിക്കുന്നത്. ഇങ്ങനെ നിങ്ങളുടെ ജീവിതത്തിന് അനുയോജ്യമായ ജോലിയും സാഹചര്യങ്ങളും കണ്ടെത്തുന്നതിന് വേണ്ടിയുള്ള ചില കാര്യങ്ങളെ കുറിച്ചാണ് ഇന്ന് പറയുന്നത്

പലപ്പോഴും പറയാറുണ്ട് നിങ്ങളുടെ ലക്ഷ്യത്തിൻ അനുയോജ്യമായ ജീവിതം കണ്ടെത്തണം അതിനനുസരിച്ച് ജീവിക്കണമെന്ന്. ഇത് കേട്ട് പല ആളുകളും ഇപ്പോൾ നിലവിലുള്ള ജോലി ഒഴിവാക്കിക്കൊണ്ട് അവർക്ക് താല്പര്യമുള്ള ജോലിയും ജീവിതം തെരഞ്ഞെടുക്കും പക്ഷേ പിന്നീട് അതുകൊണ്ട് ദുഃഖിക്കുന്നവരായി മാറാറുണ്ട്. ആ ജോലിയിൽ നിന്നും വിചാരിച്ച ശമ്പളം കിട്ടിയില്ല ജീവിതമാർഗമായി അതുകൊണ്ട് പോകാൻ സാധിക്കുന്നില്ല എന്നൊക്കെപറയാറുണ്ട്. അത് പിന്നീട് വൻ ദുരന്തങ്ങളിലേക്ക് വഴിവച്ചേക്കാം അങ്ങനെ ഒരിക്കലും സംഭവിക്കരുത്. അതിനനുസരിച്ച് നിങ്ങളുടെ ലക്ഷ്യത്തിന് വരുമാനം കണ്ടെത്താൻ സാധിക്കുമെങ്കിൽ മാത്രമേ അതിലേക്ക് ഇറങ്ങാൻ പാടുള്ളൂ.

• അതിൽ നിന്നും നിങ്ങൾക്ക് വരുമാനം ലഭിക്കുന്നില്ല എങ്കിൽ അത് ഒരു ഹോബിയാണ് എന്ന് മനസ്സിലാക്കുക. ലക്ഷ്യമല്ല ഹോബി. ഹോബി എന്ന് പറയുന്നത് എപ്പോഴും ചെയ്യേണ്ട കാര്യമല്ല. ഇടവേളകളിൽ ചെയ്യേണ്ട കാര്യങ്ങളാണ് ഹോബി എന്ന കാര്യം ശ്രദ്ധിക്കുക. സന്തോഷകരമായ ജീവിതത്തിന് നിങ്ങളുടെ ലക്ഷ്യത്തിൽ നിന്നും വരുമാനം കിട്ടിയില്ലെങ്കിൽ അത് നിങ്ങളുടെ ലക്ഷ്യമല്ല ഹോബിയാണ് എന്ന് തിരിച്ചറിയുക. നിങ്ങളുടെ ലക്ഷ്യം മറ്റൊന്ന് കണ്ടെത്തേണ്ടത് അത്യാവശ്യമാണ്.
• നിങ്ങളുടെ ലക്ഷ്യത്തിനനുസരിച്ചുള്ള ജോലി കിട്ടിയില്ല എങ്കിൽ പാർട്ടൈമായി നിങ്ങളുടെ ജോലി തുടർന്നുകൊണ്ട് ലക്ഷ്യത്തിനനുസരിച്ചുള്ള ജോലി കണ്ടെത്തുകയും അതിന് അനുയോജ്യമായ തരത്തിലുള്ള ശീലങ്ങളും സ്കില്ലുകളും വർധിപ്പിക്കാൻ വേണ്ടി ശ്രമിക്കുക. ഉദാഹരണമായി നിങ്ങൾ നന്നായി വരയ്ക്കാൻ താല്പര്യമുള്ള ഒരാൾ ആണെങ്കിൽ പക്ഷേ നിങ്ങളുടെ ജോലി എന്ന് പറയുന്നത് മറ്റൊന്നാണ് ഒരു പ്രൈവറ്റ് ജോലിയിലോ സെയിൽസിലോ ആണ് നിങ്ങൾ എന്ന് വിചാരിക്കുക. എങ്കിൽ നിങ്ങൾ സെയിൽസിനിടയിൽ ഫ്രീ ടൈം കണ്ടെത്തുകയും ആ സമയത്ത് വരയ്ക്കുവാനും ആ വരയെ സംബന്ധിച്ച് പുതിയ കാര്യങ്ങൾ പഠിക്കുകയും അതോടൊപ്പം തന്നെ അത് പ്രചരിപ്പിക്കുകയും അതിൽ നിന്നും വരുമാനം കെട്ടിത്തുടങ്ങി എന്നും മനസ്സിലാക്കിയതിനു ശേഷം ആണ് സെയിൽസ് ജോലി ഉപേക്ഷിക്കേണ്ടത്. ഇത് വളരെ ശ്രദ്ധിക്കേണ്ട ഒരു കാര്യമാണ്.
• ചിലപ്പോൾ ചില ജോലികൾ ആദ്യമൊക്കെ വളരെ സന്തോഷം നൽകുന്നു. കുറച്ചുദിവസം കഴിയുമ്പോൾ നിങ്ങൾക്ക് തോന്നും ഇത് നിങ്ങൾക്ക് പറ്റിയ ജോലിയല്ല എന്നത്. നിങ്ങളുടെ ലക്ഷ്യത്തിന് ഒപ്പം സഞ്ചരിച്ച് ആ ജോലി കണ്ടെത്തി അതിൽനിന്നും അത് നിങ്ങൾക്ക് യോജിച്ചു പോകുന്നതാണ് എന്ന് കണ്ടെത്തിയാൽ മാത്രമാണ് മറ്റേ ജോലി ഉപേക്ഷിക്കേണ്ടത്.
• എന്നും നിലനിൽക്കുന്ന കാര്യമായിരിക്കണം നിങ്ങളുടെ പാഷൻ. പല ജോലികളും,പണ്ട് ഉണ്ടായിരുന്ന പല ഷോപ്പുകളും ഇന്നില്ല അതുപോലെ തന്നെ ഫിലിം ക്യാമറകൾ പണ്ട് വളരെ പ്രചാരത്തിൽ ഉണ്ടായിരുന്നവയാണ് പക്ഷേ ഇന്ന് അത് ഇല്ല. കാലഘട്ടം അനുസരിച്ച് ഇതിനു മാറ്റങ്ങൾ വരാറുണ്ട്. പഴയ മൊബൈലല്ല ഇപ്പോഴുള്ളത് സ്മാർട്ട്ഫോണുകളുടെ കാലഘട്ടമാണ് അതിൽ തന്നെ വളരെ മാറ്റങ്ങൾ സംഭവിച്ചുകൊണ്ടിരിക്കുകയാണ്. നിങ്ങളുടെ പാഷൻ നാളെ ഒരുകാലത്തും നിലനിൽക്കാൻ സാധ്യതയുള്ളതാണെന്ന് ഉറപ്പുവരുത്തിയതിനു ശേഷം മാത്രമാണ് ചെയ്യേണ്ടത്. നിങ്ങൾക്ക് ഇഷ്ടപ്പെട്ട പാഷൻ തിരഞ്ഞെടുക്കുകയും പക്ഷേ കാലം കഴിയുമ്പോൾ അതിനൊരു പ്രസക്തി ഇല്ലാതാവുകയും ചെയ്യുകയാണെങ്കിൽ അങ്ങനെയൊരു പാഷനാണ് നിങ്ങളുടെതെങ്കിൽ അതിൽ നിന്നും മാറി നിൽക്കാൻ ശ്രമിക്കുകയും വേണം. ഇതൊക്കെ ശ്രദ്ധിച്ചുവേണം നിങ്ങളുടെ പാഷൻ പിന്തുടരുവാൻ.

ലോക്കൽ എക്കോണമി എന്ന ഈ ന്യൂസ് പോർട്ടൽ ജനങ്ങളെ ലോക്കൽ ടു ഗ്ലോബൽ എന്ന നിലയിൽ ഉയർത്തുക എന്നതാണ് ലക്ഷ്യമാക്കുന്നത്. ഈ പോർട്ടലിൽ രാവിലെ പോസിറ്റീവ് വാർത്തകൾ മാത്രമാണ് പോസ്റ്റ് ചെയ്യുന്നത്. രാവിലെ നെഗറ്റീവ് വാർത്ത കേൾക്കാതെ പോസിറ്റീവ് വാർത്തകൾ മാത്രം വായിക്കാൻ ആഗ്രഹിക്കുന്ന ആൾക്കാർ ഈ പോർട്ടൽ സബ്സ്ക്രൈബ് ചെയ്യുക, ഫോളോ ചെയ്യുക.

ആകുലതയും വ്യാകുലതയും: ജീവിതത്തിൽ നിന്നും ഈ ചിന്തകളെ അകറ്റാനുള്ള മാർഗങ്ങൾ... Read More