- Trending Now:
Sections
Sections
പോണ്ടിച്ചേരി: സീനിയർ വനിതകൾക്കായുള്ള സീചെം ട്രോഫിയിൽ കേരളത്തിന് വിജയത്തുടക്കം. പോണ്ടിച്ചേരിയെ അഞ്ച് വിക്കറ്റിനാണ് കേരള വനിതകൾ തോൽപ്പിച്ചത്. ആദ്യം ബാറ്റ് ചെയ്ത പോണ്ടിച്ചേരി 20 ഓവറിൽ ഏഴ് വിക്കറ്റ് നഷ്ടത്തിൽ 85 റൺസെടുത്തു. മറുപടി ബാറ്റിങ്ങിനിറങ്ങിയ കേരളം 25 പന്തുകൾ ബാക്കിനിൽക്കെ അഞ്ച് വിക്കറ്റ് നഷ്ടത്തിൽ ലക്ഷ്യത്തിലെത്തി.
ടോസ് നഷ്ടപ്പെട്ട് ആദ്യം ബാറ്റ് ചെയ്ത പോണ്ടിച്ചേരിയെ കണിശതയാർന്ന ബൗളിങ്ങിലൂടെ കേരള വനിതകൾ പ്രതിരോധത്തിലാക്കി. ഓപ്പണർമാരായ യുവശ്രീ കാർത്തികേയനും കവീഷയ്ക്കുമൊഴികെ മറ്റാർക്കും പോണ്ടിച്ചേരി ബാറ്റിങ് നിരയിൽ മികച്ച പ്രകടനം കാഴ്ചവെക്കാനായില്ല. യുവശ്രീ 26-ഉം കവീഷ 21-ഉം റൺസെടുത്തു. കേരളത്തിനുവേണ്ടി രോഹിണി മാനെയും ആശ ശോഭനയും രണ്ട് വിക്കറ്റ് വീതം വീഴ്ത്തി.
മറുപടി ബാറ്റിങ്ങിനിറങ്ങിയ കേരളത്തിന് 48 റൺസെടുക്കുന്നതിനിടെ നാല് വിക്കറ്റ് നഷ്ടമായെങ്കിലും കിരൺ നവ്ഗിരെ, ആശ ശോഭന, സജന സജീവൻ, സായൂജ്യ എന്നിവർ ചേർന്ന് വിജയത്തിലെത്തിച്ചു. കിരൺ നവ്ഗിരെ 21-ഉം ആശ ശോഭന 17-ഉം റൺസെടുത്തു. സജന സജീവൻ 14-ഉം സായൂജ്യ 10-ഉം റൺസുമായി പുറത്താകാതെ നിന്നു. ആശ ശോഭനയാണ് പ്ലെയർ ഓഫ് ദി മാച്ച്.
The Local Economy is an online business news portal based in Kerala. International, national and local news related to business will reach the.
More..
ThelocalEconomy.in Copyright (c) 2026. All Rights Reserved.
ഇവിടെ പോസ്റ്റു ചെയ്യുന്ന അഭിപ്രായങ്ങൾ THE LOCAL ECONOMY ടേതല്ല. അഭിപ്രായങ്ങളുടെ പൂർണ ഉത്തരവാദിത്തം രചയിതാവിനായിരിക്കും. കേന്ദ്ര സർക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം അധിക്ഷേപങ്ങളും അശ്ലീല പദപ്രയോഗങ്ങളും നടത്തുന്നത് ശിക്ഷാർഹമായ കുറ്റമാണ്. ഇത്തരം അഭിപ്രായ പ്രകടനത്തിന് നിയമനടപടി കൈക്കൊള്ളുന്നതാണ്.