കാട്ടാക്കട സംഭവമാണ്  അച്ചായന്‍സ് ജ്വല്ലറിയെ പരസ്യകരാരില്‍ നിന്ന് പിന്മാറാന്‍ പ്രേരിപ്പിച്ചത്

കെ.എസ്.ആര്‍.ടി സിക്ക് നല്‍കിയിരുന്ന അഞ്ച് ലക്ഷം രൂപയുടെ പരസ്യം പിന്‍വലിച്ച് കോട്ടയത്തെ ജ്വല്ലറി ഗ്രൂപ്പ്.കേസ് നടത്താന്‍ കുടുംബത്തിന് നിയമസഹായം നല്‍കാനും പെണ്‍കുട്ടിയുടെ നാല് വര്‍ഷത്തെ യാത്രാ ചെലവ് വഹിക്കാനും ജ്വല്ലറി തീരുമാനിച്ചു.കേരളത്തിലെ ഏറെ ചര്‍ച്ച ചെയ്യുന്ന കാട്ടാക്കട സംഭവത്തിന് പിന്നാലെ മാതൃകാ പരമായ ചുവടുമായി കോട്ടയത്തെ ജ്വല്ലറി ഗ്രൂപ്പ്.ആറ് മാസമായി കെഎസ്ആര്‍ടിസിക്ക് നല്‍കിവരുന്ന അഞ്ച് ലക്ഷം രൂപയുടെ പരസ്യകരാറില്‍ നിന്നാണ് കോട്ടയത്തെ അച്ചായന്‍സ് ജ്വല്ലറി പിന്മാറിയത്. ബസ് കണ്‍സഷന്‍ പുതുക്കാനെത്തിയ പിതാവിനെ മകളുടെ മുന്നില്‍വെച്ച് മര്‍ദിച്ച സംഭവത്തില്‍ പ്രതിഷേധിച്ചാണ് നടപടി.

പ്രതിസന്ധികള്‍ക്കിടയിലും മാറ്റങ്ങളുമായി കെഎസ്ആര്‍ടിസി... Read More

പെണ്‍കുട്ടിയുടെ നാല് വര്‍ഷത്തെ യാത്രാ ചെലവ് വഹിക്കാനും ജ്വല്ലറി തീരുമാനിച്ചു. തുക ഇന്ന് കാട്ടാക്കട വെച്ച് കൈമാറി.സംഭവത്തിന്റെ വീഡിയോ കണ്ടപ്പോള്‍ ദുഃഖം തോന്നി. നാളെ ആര്‍ക്കും ഈ അവസ്ഥ വരാം. നിയമം കൈയ്യിലെടുക്കാന്‍ ആര്‍ക്കും അവകാശം ഇല്ലെന്നും അച്ചായന്‍സ് എം ഡി ടോണി വര്‍ക്കിച്ചന്‍ പറഞ്ഞു. വലിയ പ്രതിസന്ധിയിലേക്ക് കൂപ്പുകുത്തിയ ഘട്ടത്തിലാണ് 'അച്ചായന്‍സ്' കെഎസ്ആര്‍ടിസിക്ക് പരസ്യം നല്‍കി തുടങ്ങിയത്.കെഎസ്ആര്‍ടിസി ജീവനക്കാരുടെ പ്രവര്‍ത്തിയെ ആരും ഗൗരവത്തോടെ സമീപിച്ചില്ലെന്ന് ജനറല്‍ മാനേജന്‍ സുനിലും വിമര്‍ശിച്ചു. കേസ് നടത്താന്‍ കുടുംബത്തിന് നിയമസഹായം നല്‍കാനും ജ്വല്ലറി ഗ്രൂപ്പ് തയ്യാറാണ്.മകളുടെ ബസ് കണ്‍സഷന്‍ പുതുക്കാനെത്തിയ ആമച്ചല്‍ സ്വദേശി പ്രേമനെയാണ് കെഎസ്ആര്‍ടിസി ജീവനക്കാര്‍ മര്‍ദിച്ചത്.