കൊച്ചി: പ്രമുഖ അസറ്റ് മാനേജ്മെന്റ് കമ്പനിയായ ഇൻവെസ്കോ മ്യൂച്വൽ ഫണ്ട്, സ്പെഷ്യലൈസ്ഡ് ഇൻവെസ്റ്റ്മെന്റ് ഫണ്ട് വിഭാഗത്തിലേക്ക് ചുവടുവെച്ചതായി പ്രഖ്യാപിച്ചു. 'സമ്മിറ്റ് എസ്.ഐ.എഫ്' എന്ന ബ്രാൻഡ് നാമത്തിലാണ് ഈ പുതിയ ഫണ്ട് വിഭാഗം കമ്പനി അവതരിപ്പിക്കുന്നത്. ഇതിന്റെ ഭാഗമായുള്ള ആദ്യ നിക്ഷേപ പദ്ധതിയായ 'സമ്മിറ്റ് ഇക്വിറ്റി ലോങ്-ഷോട്ട് ഫണ്ട്' പുറത്തിറക്കിയതായും കമ്പനി അറിയിച്ചു.

ഈ പുതിയ നിക്ഷേപ പദ്ധതിയുടെ 'ന്യൂ ഫണ്ട് ഓഫർ' (NFO) 2026 ജൂലൈ 2-ന് ആരംഭിച്ചു. ജൂലൈ 16 വരെ ഉപഭോക്താക്കൾക്ക് ഇതിൽ നിക്ഷേപം നടത്താം.

ഇതൊരു ഓപ്പൺ എൻഡഡ് ഇക്വിറ്റി ഇൻവെസ്റ്റ്മെന്റ് പദ്ധതിയാണ്. വിപണിയിലെ കയറ്റിറക്കങ്ങളിൽ നിന്ന് മികച്ച നേട്ടം കൈവരിക്കാൻ സഹായിക്കുന്ന ലോങ്-ഷോട്ട് തന്ത്രമാണ് ഇതിൽ ഉപയോഗിക്കുന്നത്. അതായത്, മികച്ച നേട്ടം പ്രതീക്ഷിക്കുന്ന ഓഹരികളിൽ ദീർഘകാല നിക്ഷേപം നടത്തുന്നതിനൊപ്പം, മൂല്യം ഇടിയാൻ സാധ്യതയുള്ള ഓഹരികളിൽ ഡെറിവേറ്റീവുകൾ വഴി താൽക്കാലിക ഷോർട്ട് നിക്ഷേപങ്ങളും ഈ ഫണ്ട് സ്വീകരിക്കും.

പ്രമുഖ ഫണ്ട് മാനേജരായ മിസ്റ്റർ ഹിറ്റൻ ജെയിൻ ആണ് ഈ പദ്ധതി കൈകാര്യം ചെയ്യുന്നത്. BSE 500 TRI ആണ് ഈ ഫണ്ടിന്റെ ബെഞ്ച്മാർക്ക്.

അസോസിയേഷൻ ഓഫ് മ്യൂച്വൽ ഫണ്ട്സ് ഇൻ ഇന്ത്യ (AMFI) നിശ്ചയിച്ചിട്ടുള്ള റിസ്ക് മാനദണ്ഡങ്ങൾ പ്രകാരം ഈ പദ്ധതി 'റിസ്ക് ലെവൽ 5' വിഭാഗത്തിലാണ് ഉൾപ്പെടുന്നത്.

സാധാരണ നിക്ഷേപകർക്ക് എൻ.എഫ്.ഒ കാലയളവിൽ കുറഞ്ഞത് 10,000,000 രൂപയും (10 ലക്ഷം) തുടർന്ന് 1 രൂപയുടെ ഗുണിതങ്ങളായും നിക്ഷേപിക്കാം.

ഇവർക്ക് കുറഞ്ഞ നിക്ഷേപ തുക 100,000 രൂപയാണ് (1 ലക്ഷം).

പ്രതിമാസ നിക്ഷേപ പദ്ധതികൾക്ക് കുറഞ്ഞത് 1,000 രൂപ മുതൽ ആരംഭിക്കാം. (സമ്മിറ്റ് എസ്.ഐ.എഫിന്റെ എല്ലാ തന്ത്രങ്ങളിലുമായി ആകെ നിക്ഷേപം 10 ലക്ഷം രൂപയായി നിലനിർത്തേണ്ടതുണ്ട്).

നിക്ഷേപം ആരംഭിച്ച് 3 മാസത്തിനുള്ളിൽ തുക പിൻവലിക്കുകയോ മറ്റ് ഫണ്ടുകളിലേക്ക് മാറ്റുകയോ ചെയ്താൽ 0.50% എക്സിറ്റ് ലോഡ് ഈടാക്കുന്നതാണ്. 3 മാസത്തിന് ശേഷം പിൻവലിച്ചാൽ എക്സിറ്റ് ലോഡ് ബാധകമല്ല.

'ഇന്ത്യൻ അസറ്റ് മാനേജ്മെന്റ് രംഗത്ത് ഇതൊരു വലിയ മാറ്റത്തിന്റെ തുടക്കമാണ്. മുൻപ് വൻകിട സ്ഥാപനങ്ങൾക്ക് മാത്രം ലഭ്യമായിരുന്ന മികച്ച നിക്ഷേപ സൗകര്യങ്ങളും ഫ്ലെക്സിബിലിറ്റിയും ഇപ്പോൾ സമ്മിറ്റ് എസ്.ഐ.എഫിലൂടെ ഇന്ത്യയിലെ പുതിയ തലമുറ നിക്ഷേപകരിലേക്ക് എത്തിക്കുകയാണ് ഞങ്ങൾ ചെയ്യുന്നത്.' എം.ഡി & സി.ഇ.ഒ, ഇൻവെസ്കോ അസറ്റ് മാനേജ്മെന്റ് (ഇന്ത്യ) സൗരഭ് നാനാവതി പറഞ്ഞു.

വിപണിയിലെ ഉയർച്ചയും ഇടിവും ഒരുപോലെ പ്രയോജനപ്പെടുത്തി മികച്ച വരുമാനം നേടാൻ സഹായിക്കുന്ന രീതിയിലാണ് ഈ ഫണ്ട് രൂപകൽപ്പന ചെയ്തിരിക്കുന്നതെന്ന് ഫണ്ട് മാനേജർ ഹിതൻ ജെയിൻ പറഞ്ഞു.